Raandït ë bääny de panë America cɔl Donald Trump acï bɛ̈n dhuk në dhöl benë Gaza ya wel ke ye piny ë ɣööc, në biänë AI cë tääu në ye mɛn në biak bideo ci tuoc alirde yic.
Në ye mɛn, ke tɔŋ dït cë rɔt tɛkpiny ke ye biäk de luɔi de tɔŋ de Israel në West Bank cë dɔm acï lɔ tueŋ, ku cë kɔc juïc cɔk jäl në bɛ̈iken yiic ku raan buɔt ci jäl.
"Donald Trump abï yïn cɔk lääu. Bii ɣɛɛr bï kɔc ëbɛ̈n tïŋ. Acïn dhöl dɛ̈t bï yïn yök, acïn riɔ̈ɔ̈c dɛ̈t. Trump Gaza acï thök ë tɛ̈ɛ̈n."
Trump Gaza – ee thööŋ cï looi në AI në pïïr tueŋ de tɔŋ cï riääk.
Bidio, cë rɔm në bany de US në wël ke jam yiic, ee tɔ̈ ke cë thɔ̈ɔ̈ŋ ke tɔ̈ në wɛ̈ɛ̈r yɔu cë man adɛ̈ ke Dubai, riän dït wïïr, ku jɔl ya ɣön dït cë thɔ̈ɔ̈ŋ kenë ɣön ë tɔ̈ yen thïn në Las Vegas.
Kë cë rɔt loi ee ye nyuɔɔth ke Donald Trump ku jɔl ya bany de Yithrael Benjamin Netanyahu cë tɔ̈ në pïu ke ɣön abakeny yiic ke cïn gamith ke koth, ku Ellon Musk ke raan wen kuieth acë wëu juïc cuat aliiric ke lɔ ke diɛ̈r.
"Aköl ciëën ke pïïr piëth jidiir. Miɛ̈thdït ci cam ku diɛ̈ɛ̈r ke cï thök. Trump Gaza aweel."
Trump acï thɛɛr thɔ̈ɔ̈ŋ ke U.S. bï Gaza dɔm ku bï kɔc ke Palestine tɔ̈ thïn tääu tëdɛ̈t – wɛ̈t cï yök ke cï yök ke cï kɔc ke pinynhom gɔ̈ɔ̈r.
Cï man cenë Mr Trump ye yök ke pïïr de Gaza ee tɔ̈ ke cë riääk, ku ka nɔŋ riɔ̈ɔ̈c cë man adɛ̈ ke Israel bë pïïr de Gaza thɔ̈ɔ̈ŋ në West Bank.
Israel ee jam ye ka cë rɔt guiir bë rëër në thää juïc në piny cë kek dɔm në lööŋ yiic, ke kɔc cë rëër në ɣän ke gël de kɔc cë kek dɔm aye kek yɔ̈ɔ̈k bïk jäl në lööŋ ke gël de ɣööt.
Kɔc kaa 40,000 aye keek yök ëmɛɛn ë ke cï keek nyaai – ke cit 1967.
Raan lui në akutë ciɛɛŋ yic cɔl Amjad Al-Jabali ee jam ye yen ee cë wiik thöl në kuɔny ë kɔc kɔ̈k ke Palestine agokë jäl në ɣän ke gël ë kɔc cë röt gël në Nur Shams.
Ku ëmën, ke ka ye ɣön deen ë tɔ̈ thïn ë rot gël ke ɣön ë tɔ̈ thïn ë thɔ̈ɔ̈r.
"Ɣön acïn kë tɔ̈ thïn Abu Ahmad, këriɛ̈ɛ̈c ëbën acï jäl; kɔc, mïth, të wïc Nhialic, Nhialic abï wok cuɔ̈l."
Ku ka cïï raan dɛ̈t peei në Nur Shams ke Mohammed Abdullah akën lɔ në raŋë mɛnhde në thaa ɣɔn cen bë jäl në wiik rou cë lɔ.
Ali ee nɔŋ run ke thiɛ̈r ku dhorou (17) ɣɔn cenë ye nɔ̈k në tɔŋ de Yithrael, në thaa ɣɔn cenë tɔŋ thɔ̈ɔ̈r në tɔŋic.
Në ye mɛn ke Mr Abdullah ee dhuk bë käke ɣönden jäl, man cë tääu bë thɔ̈ɔ̈r ëyadɛ̈, ke ka cë lɔ në thöny de thönyic.
Aye lueel ke ye thïïc bë këriɛ̈ɛ̈c ëbɛ̈n waan.
"Kë tɔ̈ thïn ee kë rilic; kä tɔ̈ thïn aa rac. Nhialic abï kɔc kony. Yïn acï tïŋ në yï nyin ë thɛɛr wën cï kɔc bɛ̈n ɣön ë tɔ̈c, tɛ̈ cï kek dhuk thïn bɛ̈iken yiic, themkë bïk kä cï döŋ määt yiic, ku dɔmkë këriëëc ëbën lëu bïk yök tënë bɛ̈iken yiic ku bïk këriëëc ëbën yök tënë keek. Raan ëbɛ̈n anɔŋ kä ye tak në bɛ̈ike yiic, në bɛ̈i thiääk kenë kek yiic, në cäär yiic anɔŋ kä ye tak në pïïrde yic ɣɔn ŋoot yen ke ye meth."
Kä cï keek riɔ̈ɔ̈k aye biäk de luɔi de tɔŋ de Yithrael cï looi në pɛ̈i tök yiic ku thɔ̈ɔ̈rkë ɣän ke tɔŋ dït kaa ŋuan tɔ̈ në baŋ tueŋ de Wɛ̈ɛ̈r yɔu: Tulkarem, Nur Shams, Jenin ku Al-Fara’a.
Netanyahu ee jam ye kë cë rɔt loi në ye mɛn ee cë rɔt loi në thää cenë tɔŋ rɔt loi në thurumbil thiääk kenë Tel Aviv në wik wäär cë lɔ.
Ku ŋoot ke lɔ piny ciɛɛm në West Bank, ke bus ë kɔc cï mac ke Palestine acï bɛ̈n – ke wik tök ë thök.
[[KË THƆƆ̈Ŋ: Miɛt de piɔ̈u]]
Israel acï jäl jäl në köl de Dhiëc yic ago kë ye cɔl tɔŋ rɛɛc ë kɔc cï keek mac thɔ̈ɔ̈r në thɛɛr ë gɛ̈më kek Hamas – ku ka cï Red Cross ku kɔc ke UN gɔ̈ɔ̈r ëya dɛ̈t.
Në kɔc ke Palëthïn ke 642 cë kek lony yiic, ke ka nɔŋ Yahya Shrida.
"Ɣok acï bɛ̈n bei në tɔ̈ɔ̈k yic cït mɛn cï ɣok bɛ̈n bei në rɛ̈cda yic. Acïn raan cï mac cï naŋ kë cï rot looi në pɛ̈cden yic cï gääu në door yiic kaa rou."
Në ye mɛn ke guɔ̈p ke kɔc ke Israel ke ŋuan cë kek dɔm acë kek lony në akutë Hamas në dhöl ë pïïr.
Ee thök de thök de tɔŋ nyuɔɔth, ke nɔŋ kä kɔ̈k ŋoot ëke bï kek ya thɔ̈ɔ̈ŋ.
Në Israel, ke thɛ̈ny de kɔc kɔ̈k ke diäk cë kek nɔ̈k në Gaza ee cë kɔc juïc bɛ̈n yök ke nɔŋ kɔc juïc cë kek nɔ̈k.
[[KË THƆƆ̈Ŋ: Ket]]
Shiri Bibas ku mïthke cë thou në tɔŋic në Gaza, acë ya kɔc cë kek dɔm në tɔŋë baai yic.
Monyë Bibas, ku ye wunë Ariel ku Kfir, Yarden Bibas ee jam në athöörde yic cë man adɛ̈ ke kë cë döŋ në ye mɛn ee ka cë tak.
"Shiri, ɣɛn acï puɔ̈u riääk ku ɣɛn acïï lëu ba yïn gël ëbɛ̈n. Na ŋic kë bï rot looi, ke ɣɛn acïï bï jäl. Ɣɛn ye tak në këriɛ̈ɛ̈c ëbɛ̈n cï wok tëëk ëtök—anɔŋ kä juëc path cuk ke tak. Ɣɛn acï Ariel ku Kfirys tak në dhiëëth de ɣön ë dhiëëth, maktam chai, wok kaa rou, wok jam në thɛɛr juëc në këriɛ̈ɛ̈c ëbɛ̈n.
Nyankënë Bibas, Dana Sïlbärman-Tïtön, kenë ye tuɔɔc de akër kënë.
"Aca thiëc ba wook tiit nhial, malaikai kaa dhiëc ë ke ye käkiɛ̈. Buz (Shiri), dɔm mama ku wun në ɣanhom ku muk keek. Ku thiëcku, tuɔɔc wook riɛl buk kärac kedhiɛ nyaai pinynhom ago piath yetök ya döŋ."
Yen akököl ë Gabriel Katanasho tënë SBS News, ku cïle (Kotnyin Bul Thon) në SBS (Dinka).
[[Në wël cï keek dɔm yiic tɔ̈ në Akutnhom de Luɔɔi yic]]
