Yen abi ŋic ke cɔl Pope Leo fourteenth ((XIV)) ku ke yen raan tuëŋ American bi kuany ye Pope.
Yen aleŋ ruön 69 ke dhïet pan Chicago, mɛ̈n yen a ruun juëc nɔ̈k keye raan luɔ̈i wɛt Nhialic pan Peru kaam tuëŋ këëc yen gua kuäny keye Archbishop thin tɛnë.
Kɔc ke kut nhiim aɣer St Peters' Square aci duɔ̈t jal looi ke ye luel "Viva Il Papa" ke lëŋ kɔc American ke ci lɔ aci gaai ke ci caal.
Pope Leo aca akutnhiim akuën tïm juëc keye kɔc cï gɛ̈m ke ci ke nhïïm kut aɣer kaam ciën cï tool ɣer rot nyuɔ̈ɔ̈th ku bi ŋic lɔn ku luɛ̈ɛ̈l lɔn ci Pope yam kuany.
"Dɔ̈ɔ̈r keek wëk eben ben. Wämɛ̈thkai ku nyierakua, kenë ee yen muöth tuëŋ ee jön rot wën Nhiälic , Abiöŋ Pɛ̈th, yen cï wɛ̈ike gam tɛ̈n amɛ̈ɛ̈l e Nhialic. Ɣɛn aya anhiäär ku ba week muöth ee dɔ̈ɔ̈r ku bi lɔ piäthkun yiic, ku bi kaackun doot, tɛn kuät raan eben, kuät tɛn den rëël ke thin, tɛn kuät raan eben, tɛn pïnynhom, dɔ̈ɔ̈r kek week."
Raan töŋ kɔc cieeŋ Chicago Awach Anei Wal aci jam thiɛ̈ɛ̈kic bɛn kek kuënykuëny ci Pope Leo The Fourteen kuäny baai aläŋden.
Aci luel wätheei ci yen kuany ku thok aci jal luɛ̈ɛ̈l kɔc aci puöth miɛ̈t ku kaaŋ thurumbil aci kooth yic dhɛ̈ɛ̈l yiic bi kɔcdiël mïïŋ ku kɔɔc kɔ̈k kuc ke looi rot a jal thiëc yeŋo ci yienda ci thɛ̈ɛ̈i puöth miɛ̈t.
Ku aci bɛn mat thin ku luel yeen ee kë pɛ̈th apɛ̈i bi raan rɛ̈ɛ̈l baai kuäny ku bi kɔc dɔɔc tɛ thiɔ̈ɔ̈k yic.
