Raan nɔ̈ŋ tuɛ̈ny autism aye ciɛ̈ɛ̈ŋde thok looi erin tuɛ̈ny ee nyiith yiic ku raan tuany acië käŋ ye laac deetic ku ke kaam nyaai bi käŋ takic bi jal loony ye puou.
Tɛ ŋuɔt ye raan meth ee gaau jamic bi cïï lɔɔc jam kua rilic aya bïk rëël tɛ leŋ yic wɔɔu/duɔɔt kaam dɛt aleu bi ye yïïth kuum ee wɛt duɔɔt looi rot. Yeen aya acie kɔc ye tïŋ nyiin tɛ jɛɛm kɔc keek yeen kua nhiɛ̈ɛ̈r bi thuëc yeen rot ke ci thuɛ̈ck e kɔc kɔk.
Awic ku deet yiic apɛth bi kɔɔc nyiin ya tiit meth erin aleu riiŋ wei kua apuolic bi mɛ̈ɛ̈r wei pɛth tɛ ci yeen kuöc muuk nhom. Awic bi midhiëët nyiin ya tiit ku lɔ̈ɔ̈cke kuɔ̈ny thiëc tɛ ŋuɔt koor meth bi laac koony ke ŋuɔt koor ku loilooi kɔk lɔ̈ɔ̈c bɛn thin.
Kɔc ruääi ke kɔc awic kbïk nyiin ya tiit kaacken bi kuɔ̈ny wïc ya yiëk keek ku bïk ban lɔ̈ɔ̈ŋ ku benke ke nhiim muuk rot kuat kaam thiin bi raan bɛn lɔ rëël ke laau nhom alëu ku bi piäth.
