Kuɔɔny wääc kënë abï tɔŋ cak në kam de kɔc yiic në dhöl wën; gël de kɔc cë rɛ̈ɛ̈r në bɛ̈i kɔ̈k yiic acïï bë gam në kë cenë kek pöl ke pɛi. Löŋ de kuɔɔny wääc kënë (mɛ̈ɛ̈t de käŋ në riɛl) abï lööŋ ke awuɔ̈ɔ̈c juak në kë cenë kɔc cïï röt bï ya kony abïk jɔk bïk dhöl bï kek pïïr ya kör lëu bïk rin ke kɔc cï röt gɛ̈l wei ya riɔ̈ɔ̈k.
Cäm lik cï tɛkpiny tënë bɛ̈i ke kɔc cï jäl acï bɛ̈n bei ëbɛ̈n tënë cɔk rac apɛi në kam de kɔc yiic. Në jɔ̈kde yic, ke wuɔk ye yök në mïïth cë man adɛ̈th ke; 3kgs ë thäät, 15gms ë miök ë thäät, CBI (wëu ye ke gam kɔc) ye käŋ thɔ̈ɔ̈ŋ cït mɛn; thabun, pïu, tim ku ka ke gël de guɔ̈p ke diäär.
Në ye mɛn ke WFP acï lööŋ ke gël de wëu (CBI) nyaai man ye kä cï ke lueel wënthɛɛr nyaai ku ŋoot ke nyaai kä kɔ̈k cït mɛn de miök de thät ku mïïth ke thät ye kek keek gäm në ɣän ke thät yiic kën alëu bï wook kɔc cï jäl në bɛ̈i kɔ̈k yiic kuɔny ku cïn dhöl dɛ̈t ë pïïr.
Luɔi de kä thiekiic ke mïïth ku thök de mïïth kɔ̈k acï thök de mïïth cie cam juak tënë akuut cë riääk cït mɛn de diäär cë dhiëëth, mïth thiik ku kɔc dït. Në kë cenë cɔk bɛ̈n, ke kën acï kɔc juëc thou bɛ̈n juak, ku riɔ̈ɔ̈c në kë cenë mïïth cie thöŋ në ɣän ke tɔ̈c yiic.
