Key Points
- Naghihinagpis ngayon ang asawang si Necie May Aguaviva sa pagkawala ng asawang si Gel na isang tripulante ng barko ng Rio Tinto, huli nitong nakausap noong ika-25 ng Disyembre 2024 ng hapon. Ngunit kinabuhasan ng umaga ika-26 ng Disyembre iniulat na missing ang deck fitter na si Gel, habang binabaybay ang Sulu Sea.
- Ayon sa asawang si Necie May walang nabangggit na kaaway ang nawawalang tripulante, ngunit minsay nagbahagi ito na posibleng may naiinggit sa kanya dahil sa palagi itong pinupuri ng kapitan dahil sa maayos nitong trabaho, kaya gustong paimbestigahan ng pamilya ang lahat ng crew na sakay ng barko para mabigyan ng hustisya ang kanyang asawa. Inaasahang bababa sana ito sa barko sa Mayo 2025 para makapag-attend sa graduation ng anak sa grade 10 at makapiling ang tatlong taong gulang nitong bunso.
- Sa pahayag ng Philippine Coast Guard nakikipagtulungan sila sa Rio Tinto,para sa paghahanap sa tripulante, habang ginagawa ang imbestigasyon sa barko sa Australia. Si Gel Aguaviva ay tubong Kolambugan, Lanao de Norte.
