ઓસ્ટ્રેલિયાની આંતરરાષ્ટ્રીય સરહદો પરના નિયંત્રણો લંબાવાતા વિદ્યાર્થીઓ મુશ્કેલીમાં મૂકાયા

ઓસ્ટ્રેલિયાએ અગાઉ 1લી ડિસેમ્બર 2021થી આંતરરાષ્ટ્રીય વિદ્યાર્થીઓ તથા સ્કીલ્ડ વિસાધારકો માટે દેશની સરહદો ખુલી મૂકવાનો નિર્ણય લીધો હતો પરંતુ, ઓમીક્રોન પ્રકારના ચેપના જોખમને ધ્યાનમાં રાખીને હવે 15મી ડિસેમ્બર સુધી સરહદો બંધ રહેશે. અને તેથી જ ઘણા મહિનાઓથી ઓસ્ટ્રેલિયા આવવા રાહ જોઇ રહેલા વિધાર્થીઓ હવે અન્ય દેશોને ઉચ્ચ શિક્ષણ માટે પસંદ કરી રહ્યા હોવાની માહિતી પ્રાપ્ત થઇ રહી છે.