Theihternak: Thawngthanhnak ca hi Chin Community in Queensland Facebook page ah lakmi a si.
Thlichia le ti lian nih a kan phak sual ah kan theih a herhmi a tanglei ah kan rak tial
News a zohmi nih cun nan theih cang lai nain a zoh kho lomi hrang ah video tawi kan van tuah than. Thawngthanhnak kan tuah mi hi Police lei in le State Emergency Service lei nih mah le community cio biapi ngai in thawngthanh a kan fialmi a si caah video in kan van thanh nak a si.
Kan umnak Qld hi Australia state chung ah natural disaster a tamnak hmun a si. SES nih thawngthanhnak an tuah ning ahcun Cawn nithum ni zaanlei in – Cawn ni nga ni (Friday) kar lak ah thlichia le ti a lian kho mi a si.
A tanglei hmun le hma pawl hi hawi hlei in a fak lai tiah an ruah mi a si. Kan umnak Logan sang zong a kan phanh khawh ve mi a si. Nikhua a thian hlan le SES lei nih thawngthanh nak an tuah hlan cu Camping, ngatlaih, Cangai rapchiah le tiva kal rih lo ding. Cun ti a lianh sual cun motor mawngh lo ding.
Logan sang chung ah ti a lianh sual i um awk a that lo ahcun, a himnak hmun nan chungkhat sa hlawh le hawikom sin ah i dornak kawl ding. Dornak hmun a ngei lomi caah cun nan umnak sang Evacuation Centre ah zam ding. Evacuation centre ah zam a hauh ahcun kan umnak sang khuabawi nih thawng an kan thanh te lai.
A tanglei thilri pawl hi Dornak hmun zam a herh sual ah i ken dingmi an si
Doctor te nih Sii le ai ei ding an in pek mi, first Aids kits,
A biapi mi document – Citizenship Certificates, Passport le Visa tibantuk
Towel, Toilet paper, Ha brush le Ha si.
Mobile phone le chargers, Dah mei le Batteries
Zaan ihnak thilri tlawmpal le puan
Din awk ti mi le sau deuh tichiah a ngah mi water bottles
Ngakchia nei mi caah nappies, formula le rawl
Ngakchia umhar phen zoh awk le rel awk story book, play station.
Nan inn pawngkam ruah ti tam deuh ai dil sual cun Sandbags /Thise bag mah ti in a tanglei hmun hmaah lak khawh asi. Midang cio zong a herh mi an um laic aah herh mi zat lawng lak ding a si lai.
Logan metro Sport Centre (357 Browns Plains Rd Crestmead) Car park le Beenleigh Showground ah
Hi kong he pehtlai in ruahnak cheuh le bawmh na herh sual cun –
Emergency Contacts:
Logan City Council Disaster Coordination Centre: 07 3412 3412
SES (State Emergency Service) for flood/storm assistance: 132 500
Energex (Power Outages & Emergencies): 13 62 62
Queensland Fire and Emergency Services (QFES): 000 (life-threatening) or 13 74 68 (general)
Key Resources:
Please take all necessary precautions and keep your community informed. Further updates will be shared as more information becomes available.
For urgent assistance, call 000 for life-threatening emergencies or 132 500 for SES support.
