Key Points
- AEC nih bawmhtu an chiah hna lai
- Thimfung phun tampi in thlak khawh a si
- Thimfung thlaknak kong cu holh phunphun in an leh.
- AEC nih holh lei a chambaumi hna caah holhlettu zong an chiah piak hna.
Australia ah thimfung thlaknak a tawlreltu ding phu pakhat an ser mi a um, cu phu cu amah tein a cawlcang mi, cozah he zong pehtlainak a ngei lo mi a si. Australian Electoral Commission (AEC) nih a hmaithlak mi cu kan ram a hruaitu ding ramkomh cozah sersiamnak ding caah ram mi hna aw-aan kan ngeih ve khawh nak hnga lamsial piak hi a si
Thimnak ah a cuhmi Palai kawlnak
Australia chung ramkomh cozah riantuantu, mipi aiawhtu palai 151 thim an si lai . Kan website . ah bawmtu tha taktak kan chiah mi a um. Na umnak sang min silole number kha na tial lai i thimfung na thlaknak ding hmun an chimh lai.
Thimfung thlaknak hmun
AEC nih thimfung thlaknak hmun tampi ah an on te lai. Sianginn le biakinn hall ti bantuk hna kha thimnak ni ah cun thimfung thlaknak hmun ah hmanchung an si te lai.
Thimfung thlaknak hmun cu AEC website ah zoh le kawl khawh a si tiin Lilley nih a chim.
“Na umnak sang min, le postcode namber kha na tial lai i, thimfung na thlaknak ding hmun le thutden a cuhmi palai pawl kha kan website chungah an lang lai.”
Election corflute signs are seen at the polling booth for the Werribee by-elections at Werribee in Melbourne. Source: AAP / DIEGO FEDELE/AAPIMAGE
Na nuhrin holh in thimfung thlakning fianter
Holhlettu nangmah te zongin thimfung thlaknak ah na zulhter khawh. na duh cun phone hmangin holhlettu zong AEC nih an in tawlrel piak khawh.
Thimfung thlak khawh ning phun tampi a um
Tuan ah thimfung thlak chung khawh a si, thimnak ni hlan ah thimfung thlaknak hmun tawlrelmi a um.
Ramchung le ramleng khualtlawnnak zongah thimfung thlak khawh a si.
Ram chung ah khualtawn na timh zongah a poinak a um lo, cakuatnak in thimfung na thlak khawh asilole na tlawnnak ramkulh zongah thimfung thlaknak a um ko lai.
Ramleng na tlawn zongah a poinak um lo. AEC kha khual na tlawn ding theihternak law cun a herhning in an in bawmh lai. Na tlawnnak ding ram zongah embassy silole high commission ah thimfung thlaknak an tawlrel khawh ko.
A dog stands as voters cast their ballots at a polling station during a federal election in Sydney, Australia, on Saturday, May 18, 2019. Credit: Bloomberg/Bloomberg via Getty Images
Thimfung thlak ningcang
Catlap rang le catlap hring pek na si lai.
Catlap hring
Thimfung thlaknak catlap hring cu na umnak hmunhma sangveng aiawhtu palai pakhat thimnak ca a si lai, lower house of parliament silole house of representative ah thutden an co ve khawhnak caah thimfung thlaknak a si.
House of Representatives ah thutden 151 a um, thutden pakhat nih thimnak ah a cuh ve mi palai pakhat a aiawh tiin Bowe nih a fianter.
“Cozah cu Lower House ah dirh a si, cun Lower House ah tthutdan tam bik a hmumi ramkhel phu nih cozah a ser.”
Lower house ah thutden tam bik a hmu mi ramkhel phu, teinak a hmu mi phu i an hruaitu kha Prime Minister, ram hruaitu rian an pek.
Catlap hring cungah khan thimnak ah a cuhmi min pawl an cuang lai, an lak ah na duh bik mi min pawng i bawm chungah 1 tiin na tial piak lai, a changtu ah 2 tiin na tial lai, cuticun min a cuangmi vialte kha nambar achangchang tein na pek dih hna lai.
Catlap rang
Senate, upper house an timi ahcun thutden 76 lawng a um cang, thimfung thlaknak catlap rang cu na umnak ramkulh state, le ramthen territory aiawhtu ding thimnak caah hman a si, thimfung thlakning tlawmpal te a dang deuh tiin Bowe nih a chim.
Catlap kaupi chungah ramkulh pakhat chung i thutden a cuh mi palai vialte an min pawl langhter le cuanter dih a si.
“Asinain, thimfung thlakning cu phunhnih lawng a um, a fawi te. Catlap rang mi cungah an rinmi na hmuh lai, an rinmi cungah bawm pa ruk na hmuh lai. Cu bawm paruk nih cun ramkhel phu 6 a aiawh. Na duh bik mi ramkhelphu min pawng i bawm te ah khan 1 na tial piak lai, a changtu ah 2 na tial piak lai, cuticun a changchang tein 6 tiang na tial piak lai. Thimnak ah a cuhmi kha pumpak in thim na duh a si ahcun, a rinmi tanglei i bawm ah khan 1 in 12 tiang na tial piak lai. Na duh bikmi minung kha 1 na pek lai i achangchang in 12 tiang na tial piak ve lai.”
A ballot box is seen inside the voting centre at Collingwood in Melbourne, Saturday, October 14, 2023. Credit: CON CHRONIS/AAPIMAGE
Rel lo mi
Thimfung thlak ning phung an tial mi kha tha tein rel ta hmasa. Na palhmi pakhatkhat a um sual ahcun thimfung na thlakmi kha hnon piak na si lai.
Thimfung thlak lo cun dantat khawh a si.
Thimfung thlal lo khawh a si lo caah, thimfung thlak loin na um ahcun tangka liamter na si lai. Na pumpak dirhmun sinak in thimfung thla kho lo dingmi na si ahcun AEC lei nih kherhlainak an tuah khawh.
A ruang tha tein na pek khawh hna ahcun an in ngai thiam lai.
Subscribe or follow the Australia Explained podcast for more valuable information and tips about settling into your new life in Australia.
Do you have any questions or topic ideas? Send us an email to [email protected]
