Key Points
- Na tangka lutchuak le na khuasakning kha umnak inn na kawl lioah na ruah chih a hau.
- Umnak hmun kawlnak ah bawmh na herhnak kha nangmah holh tein social media le sianginn thawngthanhnak ah theihternak tuah.
- Sianghleirun na kainak sianginn pawngkam ah sianghngakchia caah an sakmi inn ah khan lawng mi um le um lo kha hlat.
- Sianghleirun nih an ngeih mi sianghngakchia umnak ah um kha thatnak tampi a ngeih, hmunhma thar I a thial ka mi kha an herhbau mi hoih in an tlangtlak hna.
Sianghleirun na sokmi nih an in cohlan bakin umnak hmun kawl hram na thok a hau. Umnak na kawl tikah na tangka lutchuak, na tangka hmanning hoih he a tlak ding mi inn kha na kawl a herh. A tanglei ah umnak hmun he pehtlaiin duhthim ding mi pawl ka rak langhter lai.
Midang chungkhar sinah va um
Sianghngakchia kha midang chungkhar sin ah va um, an inn khan le ei din mi I hrawm ve kha zapi nih rak tuah tawn mi a si tiin Australia Study ah hoatu rian a tuan lio mi Wojek Wwrzynski nih a chim. A nih a rian cu ramdang in sianginn kai ruah ah Australia a rak phan mi hna kha umnak kawl a bawmh hna.
“Australia nunphung le sining hrawm le hngalh a duh mi sianghngakchia nih midang chungkhar sin ah um kha an I thim theo tawn. Cun, a kum a no deuh mi le hmuhton mi a ngeih theng rih lo mi pawl zong kha Australia chungkhar sinah fimnak an cawn chung an um ve.”
Midang chungkhar sin an va um tikah inn man hi $350 hrawng an pek. Chungkhar sin ah khuasak ve na duh ahcun le sianghngakchia bawmtu phu, tahchunnak ah hna kha pehtlaih khawh an si I an mah nih sianghngakchia a cohlan mi chungkhar kha kawl an in bawmh lai.
Sianghngakchia lawng umnak ding caah sakmi inn
Sianghngakchia ca hrimhrim ah sak mi inn hi a tu lio ah zapi nih an duh ngaingai mi a si tikah ah a karh ngaingai. Hi bantuk inn cu tha tein zohkhen mi le tawlrel mi a si i sianghngakchia nih inn man an pek mi an khan ti le mei man zong an telh chih dih cang.
Sianghngakchia umnak inn an sak mi tam deuh ah cun innchung tangah herhmi thutden, ca buai, ihkhun , ihphah le rawl chuannak caah bel um ti bantuk pawl hna kha an um cia. Cu pinah sianghleirun sianginn he a naihnak hmun le tlunkalnak a fawinak hmun ah an sak hna.
Inn hman man hi abuaktlak in $280 in $350 kar an pek tawn, a man bel cu minung pa zeizah he dah nan hlantti timi nih lai a rel.
Sianghngakchia lawng um khawhnak inn an sak mi ah khan a lawng mi zoh khawh nak website cu , le hna an si. An mah sin ah inn khan a lawng mi hlan ve na duh ahcun an website ah sok khawh a si.
Credit: Cavan Images/Getty Images
Midang he hmunkhat ah inn hlan
Mi pakhat nih umnak inn khan a lawng mi a kawl tikah, midang kha a sawm ve hna I hmunkhat ah inn an hlang.
Anmah lawng in inn man pek ding cu a fawi lo tikah, inn man pek ding le ti le mei man hna kha a tluk ruang tein an i then hna I an liam.
Inn a lawng mi hmunkhat ah a hlang mi hi cu an mah tein khuasak a duh mi le zalong tein a um duh mi sianghngakchia deuh an si. Mi dang he inn khan a lawng mi hmunkhat a hlang mi hi an tam ngai ngai cu pin ah dihheu mi man kha a tluk tein I then cheu a si i a hopoah caah a hlawk.
Inn man bel cu a hmunhma nih lai a rel.
Hawikom he silole midang he hmunkhat ah hlan khawh ding mi inn pawl cu , le ah kawl khawh an si.
A front-view shot of a young university student standing proud with a smile, she is wearing casual clothing and looking at the camera. Credit: SolStock/Getty Images
Sianghleirun nih an ngeih mi sianghngakchia umnak
Sianginn hauvuang chungah silole sianginn he a naihnak hmun ah inn kha sianghngakchia caah an sok mi a um. Sianghleirun sianginn nih an ngeih mi a si tikah bawmh a herh mi sianghngakchia caah a kenkip in bawmhnak zong a um.
“Australia ah sianginn a rak kai bal lo mi nih cun sianghleirun nih an ngeih mi sianghngakchia umnak ah um ding hi an lungah um sehlaw a tha” tiin Professor Sally Wheeler nih a chim.
It’s a very good way of meeting new people and integrating yourself into a new environment, but you’re still supported.Professor Sally Wheeler
Sianghleirun nih an ngeih mi sianghngakchia umnak ah cun ei din rawl an rinh hna, inn khan an pek hna, ca lei ah a chambau mi an bawmh hna, cun lungthin I damnak caah lente celhnak hmun zong a um chih.
“Sianghleirun tam deuh nih cun sianghngakchia umnak inn hi pakhat silole pahnih tal cu an ngeih dih hna” tiin Professor Wheeler nih a chim.
A diverse group of students in their 20's walking down some steps on campus laughing and talking to each other. Credit: SolStock/Getty Images
Sianghngakchia caah inn khan hlan ning hi phun hnih in an then. A phun khatnak cu inn khan le ei din vialte kha telh chih dih a si. A phun hnihnak cu inn khan lawng hlan i ei din cu mah tein I rinh dih a si ve. Inn hlan man ah tangka tam tuk dih ding na duh lo ahcun inn khan lawng hlan I ei din mah tein I rinh kha a tha deuh mi duhthim nak pakhat a si pin ah sianginn ah um a thatnak kha na hrawm kho thiam thiam lai.
Sianghleirun cheukhat nih cun an sianghngakchia ah an in cohlan bakin umnak khan an in pek colh vel ai. A cheu khat bel cu an si ve lo, na soknak ca cohlan na si hnu zongah a dang tein umnak khan soknak ca na ap than a hau. Australia na phak hlan hrimhrim in inn khan ca soknak na tuah mi cu na ap cia a hau fawn.
Further resources
