Lub caij uas tej nqe khoom noj tseem kim txuas ntxiv uas tseem ua rau muaj , neeg Australia kuj tab tom nrhiav ib txoj xub ke twg los pab txuag nyiag.
Thiab kuj pom tias lawv tau rov qab tig mus yuav tej khoom home brand uas tej thaum pheej muaj neeg ntaus nqe yuam kev tsis zoo rau kom txuag tau nyiaj thiab.
Raws li tej xov xwm tshiab uas lub supermarket Coles tau txheeb tau ces pom tau tias yeej muaj ib tug ntawm peb tug customers twg yeej tib los tej khoom home brand ntau tuaj ntxiv kom txuag tau nyiaj.
Tab sis tej khoom home brand ho yog tej khoom dab tsi — thiab tej nqe khoom pheej yig no puas zoo los tsis zoo li cas?
Tej khoom home brand yog dab tsi?
Home brand groceries — los yog private labels — ces yog tej khoom uas tsim tsi ntsees coj los rau tej supermarkets thiab muag raws li lawv cov brands.
Thiab peb yeej tau pom tej khoom no ntawm tej khw muag khoom , tej khoom no ces tsis yog tej supermarkets uas cov tsim kiag. Tab sis lawv ntiav kom lwm cov chaw tsim khoom ua rau lawv.
Tej zaum ces yeej yog tib lub chaw tsim khoom ua cov brand txiv lws suav ntim ntawv hlau uas zoo dua thiab ua tej khoom ntau yam rau ib lub supermarket twg muag.
Raws li Sarah Megginson as yog tus neeg nthuav xov xwm ntawm lub koom haum Finder tau qhia rau SBS News ces nws hais tias:
"Txhais tsis tau tias tej khoom koj yuav ntawd yuav zoo tib yam li cov 'brand khoom zoo'; tab sis tsuas yog tej khoom uas tib lub factory ua xwb,''
Nws hais ntxiv tias "Muaj tej yam ces tej khoom home brand ntawd yeej tsis txawv tej khoom brand name, hos lwm yam ces tej zaum yam khoom ntawd yuav muaj tej tso qab txawv lawm thiab.''
Vim li cas cov khoom home brand thiaj pheej yig dua?
Muaj ntau yam laj thawj tias vim li cas cov khoom home brand thiaj pheej yig dua cov khoom brand name nto npe dua.
Megginson hais tias vim lawv tsis tau siv tau ntawv los thiab qhwv tej khoom ntawd ntau, los sis muaj feem cuam tshuam tsawg dua los yog tsis muaj feem cuam tshuam tsab ntsi nrog tej neeg nruab nrab uas xa tej khoom no ntau, thiab tej zaum ces kuj siv tej khoom ua ntawd tsawg dua los yog siv tej nqe ua npaum li cas xwb.
Tab sis dab tsi yog tej tseem ceeb tshaj plaws? Yog tej kev siv nyiaj los qhia kom tej neeg paub txog tej khoom no tsawg dua.
Nws tau hais tias "Tej brand ces yeej tau siv nyiaj ntau heev los tsim ib co brand khoom thiab siv nyiaj coj los qhia lawv tej khoom ntawd rau lwm tus kom ntiaj teb paub txog lawv tej khoom, tab sis Woolworths kuj siv nyiaj me ntsis kom tau muag tej khoom ntawm nws tej txee muag khoom rau theem 'qhov muag pom uas tsis tso tej khoom no rau ntawm kawg ntawm tej txee muag khoom,''
"Tab sis yog tham txog tej khom home brand no lawm ces lawv tsis tas nqe peev nyiaj los ua tej no li — yeej tso tej khoom no rau hauv qab txee kawg nkaus xwb, kom tsis txhob xyaw ua ke nrog tej khoom muag kim dua.''
Megginson tau hais tias "Tej khoom no ces yeej ib txwm pheej yig dua tej khoom brand names uas sawv daws paub zoo, tab sis thaum tsis tshua muaj nyiaj lwam ces tsuav siv ua tau ib yam haum lwm twg xwb ces pheej yig los yeej siv tau thiab — li tau khoom txhuam vaj tse los yog ib yam dab tsi kom huv xwb ces tau lawm,''
Kate Browne uas yog tus coj teeb txheeb ntawm lub koom haum Compare Club hais tias tej khoom home brand ntawm teb chaws Australia no yeej yog ib co khoom ''zoo heev''.
Qhov txawv ntawd ces tej zaum kuj tsuas yog tsis muaj qee yam dab tsi tov xyaw rau yam khoom ntawd xwb. Piv txwv li yog koj yuav cov home brand pasta source ces tsuas muaj tej kua txiv lws suav xwb, hos cov brand khoom zoo ces tsuas xyaw tej nplooj zaug txig theem, qej los yog lwm yam ntxiv rau kom qab zog xwb.
Tej zaum ces tej nqe khoom sib txawv kuj tsuas nyob ntawm seb lawv tov dab tsi xyaw ntxiv rau yam khoom ntawd ntxiv xwb thiab — piv txwv li seb lub thawv kua txiv lws suav ntawd puas muaj lub voj hlau pab kom qhib tau yooj yim los tsis muaj xwb.
Tej khoom home brand puas yog tej khoom zoo?
Raws li lub koom haum CHOICE hais ces yeej yog tej khoom zoo — thiab yeej ib txwm zoo dua qhov yus xav lawm thiab.
Lub koom haum no yeej tau coj ib co khoom home brand coj los sim rau tau lub xyoo los no thiab kuj pom tias yeej yog cov khoom zoo dua tej khoom uas tej nqe kim dua thiab.
Lub koom haum CHOICE tus kws paub txog tej hauj lwm no tau qhia rau SBS News tias:
"Peb tau txheeb tau tias tej khoom ntau yam yeej yog cov khoom zoo siav tsis hais tej hnab ntim tshuaj yej, kasfes, ice-cream, tej tshuaj ntxhua khaub ncaws, tej ntaub so quav thiab lwm yam,''
"Piv txwv li peb cov kev tau sim lub khw Aldi cov tea bag (cov hnav ntim tshuaj yej) hu ua Just Oranic Black Tea ces kuj tau cov zauv siab tshaj plaws piv rau 32 yam tea bag brands thiab. Yog xam ces ib hnab tea bag twg tsuas raug 6 cents xwb, thiab zoo li tseem qab dua lwm cov tea brand li Lipton, Twinings, Tetley thiab T2 thiab.''
Credit: Coles/Woolworth
Tej khoom tsim uas muaj tej supermarkets npe lo rau puas zoo?
Yog tham txog tej supermarkets lawm ces cov home brand yog ib co yuav pab txuag tau nyiaj dua rau tej neeg yuav khoom siv — vim rau qhov kuj yog ib co uas pab kom lawv khwv tau nyiaj tsam thiab.
Browne tau hais tias "Tej supermarkets yeej nyiaj cov home brands vim lawv yog tus tswv tej brand khoom no,'' because they own those brands,"
"Peb yeej tau pom tias tau muaj ib cov kev pauv hloov tseem ceeb heev rau tej xub ke ua luam uas peb tej supermarkets ua luam ntawm Australia no lawm. 10 los yog 12 xyoos dhau los ces yeej muaj ntau cov brand khoom muag. Thiab tam sim no ces peb tau pom tias zoo li tau hloov ntau zuj zus tuaj los tsim tej supermarket cov brand khoom muag lawm, kom khwv tau nyiaj tsam.''
Browne tshab txhais tias yog tham tej supermarkets los tswj tej khoom brand no ces lawv yuav tau tswj tej retailers thiab suppliers sab nrauv lawm, thiab yuav tau them kim dua. Tab sis yog lawv tsim lawv cov home brand xwb, ces tsis tas muaj kev cuam tshuam nrog tej neeg no li — kom lawv thiaj tau nyiaj tsam.
Txawm tias tsis tshua muaj ntau yam rau tej neeg yuav khoom siv xaiv, los yeej yuav tau tej khoom no pheej yig dua thiab tej retailers los yeej muaj peev xwm los tswj tau tej khoom no zoo dua.
Tej nqe yuav khoom noj ua rau muaj teeb meem rau tej cuab yig tej nyiaj txiaj siv
Vim tej nqe siv ua lub neej ntau yam tseem yog ib co nyob raws hauv neeg Australia nruab siab, ces tam sim no peb cov kev mus yuav khoom thiaj ib nyuag txawv me ntsis lawm.
Raws li lub koom haum CHOICE cov kev teeb txheeb uas tsuam zej tsoom cov kev tawm tswv yim ces kuj txheeb tau tias 84 feem pua ntawm tej cuab yig yeej txhawj xeeb txog tej nqe khoom noj khoom siv.
CHOICE tau hais tias "Vim rau qhov tej nqe khoom kim tuaj lawm, ces thiaj muaj tej neeg coob heev tig mua yuav tej khoom pheej yig zog kom txuag tau thiab tsis txhob siv nyiaj ntau mus yuav khoom noj thiab khoom siv,''
Lub 1 hlis ntuj ces Finder kuj tau mus ua cov kev teeb txheeb ntsuam tej neeg 1,013 cov kev tawm tswv yim ces txheeb tau tias muaj 39 feem pua ntawm tej neeg no tab tom tig mus yuav tej khoom pheej yig zog vim tsis tshua muaj nyiaj siv.
Credit: Finder survey
Browne tau hais tias "Peb yeej tab tom pom tias tej neeg tau hloov cwj pwm ntau yam. Tab sis qhov txhawj ces yog peb pheej pom tiag tej zau muaj ib txhia neeg tig mus siv cov buy-now-pay-later coj mus yuav tau khoom noj thiab khoom siv qee yam lawm,''
''Tab sis peb kuj pom tias tej neeg coob tuaj ntxiv muaj peev xwm hloov mus yuav lawm cov brand khoom txawv siv lawm thiab. Vim tej neeg xav kom yuav tau tej khoom pheej yig tshaj plaws.''
Tsis tas li ntawd los nws tseeem hais ntxiv tias tam sim no ces tej neeg pheej mus ncig xyuas tej nqe khoom ntawm ntau lub khw ua ntej yuav mus yuav khoom ntawm tej supermarket loj kom txuag tau nyiaj me ntsis. ''Vim lawv xav kom yuav tau tej nqe pheej yig tshaj plaws thiab law tab tom sim siv tej brands tshiab.''
Ib txhia yeej tsis tshua yuav tej khoom home brand siv tsuas yog tias ntshe ho tsis muaj lwm hom brand lawm xwb, tab sis tam sim no ces tej cuab yig yeej tig los yuav ntau yam khoom home brand siv lawm — thiab zoo li yeej tsis tshua muaj neeg ntaus nqe tsis zoo rau tej khoom no lawm.
Browne tau hais tias "Thiaj ua rau peb tau pom tias tau muaj cov kev pauv hloov tseem ceeb heev rau lub caij ntau caum xyoo dhau los no rau cov khoom home brand lawm,''
"Yav tag los ces yeej tseem muaj tej neeg ntaus nqe tsis zoo rau tej khoom home brand no, tab sis tam sim no ces peb kuj tau pom tias tej khoom no tau ras los ua ib co zoo rau tej kiab khw lawm.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
