Ntsiab lus tseem ceeb:
- Raws li ABS tguab Cancer Counci hais ces tsuas muaj 53.9 feem pua ntawm neeg Australia thiaj siv sunscreen pleev pov puag lawv tus kheej txaus xwb.
- Australia yog ib lub teb chaws uas muaj neeg mob cancer tawv nqaij ntau tshaj plaws hauv ntiaj teb.
- Ces tej scientists thiaj muaj kev txhawj xeeb txog tej kev xav cuav uas tsis muaj tseeb txog tej sunscreen ntawm tej neeg muaj fwj chim hauv social media tsis hais ntawm zejzog pej kum haiv los yog ntawm Australia no.
Dr Michelle Wong uas yog ib tug kws tshuaj thiab yog tus qhia science ntawm Sydney hais tias "Tsis muaj dab tsi ua rau kuv mloog tau tias lub caij siv sunscreen ces yog lub caij nyuaj npaum li yus thawb ib lub pob zeb nce roob.''
Nyob hauv nws ib daim videos ntawm ntau daim ces nws kuj tau tham txog ntau yam xov xwm cuav txog sunscreen uas tej neeg sib tham ntawm TikTok — txij li tej sunscreen uas yus ua yus siv thiab cov kev tham txog ob yam taug chemical siv hauv sunscreen thiab kab mob cancer. Thiab nws tau los piav txog tej kev to taub yuam kev no ib yam zuj zus.
Nws hais tias ''Txhua txhua xyoo ces yeej muaj tib cov lus totaub yuam kev li no txog cov kev siv sunscreen coj mus sib tham hauv social media li qub. Muaj qee zaus ces muaj ib tug twg tau sim tau ib co sunscreen tshiab ntxiv thiab.''
Thaum ntxov xyoo no ces tau muaj ib tsab ntawv xov xwm raug coj los tshaj tawm ntawm Clinics ntawm phaum ntawv xov xwm Dermatology medical journal tau qhia txog tej neeg muaj fwj chim hauv social media uas pheej yog cov nthuav tej xov xwm cuav txog sunscreen.
Tej scientists hais tias tej hluas yog cov siv tej social media platforms coob, ces thiaj yuav ua rau muaj tej teeb meem xov xwm cuav tsis zoo rau zej tsoom txoj kev noj qab haus huv ntev txuav ntxiv rau yav pem suab.
Tej xov xwm tsis ntev los no ntawm Australian Bureau of Statistics (ABS) qhia tias Australia tej hluas hnoob nyoog 15-24 xyoos ces yeej tsis tshua siv suncreen pleev tiv thaiv lawv rau lub caij muaj cov sab hnub ultra violet (UV) ntau heev. Ua ke no los yeej tseem muaj neeg Australia yuav laug txog li ib nrab yeej tsis tshua siv cov kev pov puag txaus los pov puag lawv kom tsis txhob raug tshav ntuj kub thiab.
Thiab vim tias Australia los kuj yog ib lub teb chaws hauv ntiaj teb uas muaj neeg mob cancer ntau heev, tej scientist thiaj li qhua hu kom yuav tau ceev faj ntawm tej social media platforms thiab xyuas kom muaj cov kev siv suncreen txuas ntxiv los yog siv lawm cov kev pov puag kom tsis txhob raug tshav ntuj kub.
Tab sis ho muaj tej lus cuav dab tsi uas yuav tau ceev faj txog thiab tej scientists ho hais dab tsi rau tej lus cuav no xwb?
READ MORE
Tasmania has a sunburn problem
Puas yog sunscreen ua rau mob cancer?
Professor Rachel Neale, uas yog ib tug coj tseem ceeb ntawm QIMR Berghofer Medical Research Institute hais tias, yeej muaj tej xov xwm qhia tau tseeb lawm tias sunscreen pab tiv thaiv kom muaj kab mob cancer tawv nqaij tsawg.
Lub caij uas nws tau nrog SBS News tham, ces nws tau qhia txog ib cov kev teeb txheeb nrog tej neeg 1600 tus tias.
"Peb tau nug tej neeg no ib nrab kom siv sunscreen txhua hnub tam li yog ib feem ntawm lawv lub neej rau lub caij 4 xyoos 6 hli.''
"Ua ke no los peb kuj tau nug lwm cov neeg seem ib nrab ntawd ua dab tsi los tau raws li ib txwm ua thiab yeej tsis tshua siv sunscreen pes tsawg.''
Ces Neale tau tshab txhais tias, pab neeg uas tau siv sunscreen ces tau pab kom lawv muaj cib fim mob cancer tawv nqaij tsawg dua, tau pab kom muaj tej tawv nqaij uas yuav ras los ua cancer tsawg dua thiab pab kom tej tawv nqaij tsis txhob txoom laus sai.
Nws hais tias ''Ces peb thiaj muaj ib co pov thawj qhia tau meej tias cov kev siv sunscreen siv tau hauj lwm zoo heev [pab txo kom mob cancer tsawg].''
Tab sis tej taug chemicals xyaw hauv tej sunscreen ne?
Xyoo 2020 ces Meskas lub koom haum tswj zaub mov thiab tshuaj (Food and Drug Administration - FDA) yeej tau coj tsab ntawv cej luam hu ua
Shedding More Light on Sunscreen Absorption uas tau qhia tias tej chemicals muaj ntawm cov sunscreen yeej ntxeem rau tib neeg lub cev.
Neale tau tshab txhais tias txawm yog li ntawd los txhais tsis tau tias tej taug chemicals yuav ua rau muaj teeb meem dab tsi.
Nws hais tias "Tam sim no ces peb yeej muaj pov thawj qhia tau qhov tseeb tias cov kev siv suncreen tau txais txiaj ntsim, thiab peb yeej tsis muaj ib yam pov thawj dab tsi qhia tias cov kev siv tej sunscreen yuav ua rau muaj teeb meem dab tsi. Qhov tseeb tiag ces yeej muaj ntau yam taug chemicals uas tej neeg txhawj xeeb txog ntawd peb yeej tau los ntawm lwm yam khoom uas peb siv thiab.''
Neale tau hais ntxiv tias lub caij tseem ua lawv cov kev teeb txheeb, ces FDA yeej yeej tso cai cai rau tej neeg siv tau tej sunscreen tau tag nrho rau lawv tej cev ntau zaus lawm.
Tsis tas li ntawd los nws kuj tau hais tias tej neeg los kuj kub siab ntau dhau heev tias cov kev siv suncreen thiaj tsuas yog ib txoj xub ke pov puag nkaus xwb thiab.
Nws hais tias ''Peb yeej tsis muaj cov kev taw qhia tias sunscreen tsuas yog tib co kev pov puag tej neeg nkaus xwb. Peb yeej taw qhia kom siv cov kev hnav khaub ncaws ua thawj cov pov puag. Tab sis ib yam kuv xav hais ces yog kuv yeej siv ib co chemical sunscreen txhua hnub, vim kuv yeej paub zoo tias yog tsis siv yuav ua rau kuv mob cancer tawv nqaij. Tsis tas li ntawd los kuv yeej hnav khaub ncaws vov kuv lub cev npaum li qhov kuv muaj peev xwm vov tau thiab tsuas siv sunscreen pleev tej chaw uas ris tsho vov tsis cuag xwb.''
Puas yog tej sunscreen kim tshaj plaws yog cov zoo tshaj plaws?
Tsis yog. Li Neale tau tshab txhais lawm ces tej sunscreen uas kim dua tsuas yog cov uas tau siv sij hawm ntau dua thiab tau nqes peev ntau dua coj los tsim kom tau tej sunscreen uas thaum siv lawm kom yus mloog tias zoo li cas rau yus tej tawv nqaij xwb.
Nws hais tias ''Tsuas yog li ntawd xwb, uas thaum yus siv seb yus mloog tau li cas xwb tsis yog tias kim dua yuav siv tau zoo dua. Tsuas yog tias hom sunscreen ntawd sau lo lus SPF lo rau xwb, ces yeej yog cov uas tau txais kev tso cai ntawm Theuraputic Goods and Aministration (TGA) siv lawm, thiab yeej yog ib co sunscreen zoo siv.''
Tej sunscreen uas yus ua yus siv ne (DIY-sunscreens)?
Neale tau hais tias nws yeej tsis xav taw qhia kom ib tug twg nyias ua nyias cov sunscreen siv, vim tej zaum kuj tsis pab pov puag rau yus txaus kom tsis txhob raug tshav ntuj kub thiab.
Xyoo no Australia muaj neeg mob cancer li cas?
Vim Australia yog ib nrim av uas tshav ntuj heev, ces thiaj muaj qee thaj chaw ntawm Australia tau duab tshav ntuj xam raws tus zauv nrab txij 7 txog 11 teev rau ib hnub twg.
Txawm li cas los raws li lub koom haum Cancer Council hais ces tsis yog cuam tshuam txog lub hnub nkaus xwb thiab. Vim cov sab hnub ultraviolet (UV) yog cov ua rau yus raug tshav ntuj kub, txhais tias txawm tsis tshav ntuj los yeej yuav muaj teeb meem rau yus tej tawv nqaij thiab.
Australia los kuj yog ib lub teb chaws uas muaj cov UV radiation ntau tshaj plaws hauv ntiaj teb, thiab cov UV radiation yog cov yeej muaj peev xwm ua rau tshav ntuj kub yus rau lub caj 11 ntiag tiv rau ib hnub twg ntawm lub caij ntuj sov.
Raws li lub koom haum Cancer Council hais ces ntawm Australia no ces muaj txog li 95 feem pua ntawm tej neeg mob kab mob cancer tawv nqaij yog cov uas raug cov sab hnub UV radiation ziab ntau dhau lawm.
Melanoma ces yog cov kab mob cancer hom peb uas rau txheeb pom tas mus li ntawm Australia thiab yog cov kab mob uas ua rau neeg tas sim neej coob ua zum 11.
Raws li lub koom haum Cancer Council hais ces ntawm Australia no yeej muaj tej kab mob cancer tawv nqaij melanomas txog 95 feem pua yog cov uas raug cov UV radiation. Cov kev yuav mob cancer tawv nqaij tsis yog cuam tshuam txog tias seb yus raug hnub ziab npaum li cas xwb, tab sis kuj nyob ntawm seb ho raug ziab li cas thiab, piv txwv li hnub tsis tshua tshav ntuj los sis yog cov hnub uas tshav ntuj heev rau lub caij holidays thiab.
Raws li cov kev koom teeb txheeb tsis ntev los no ntawm lub koom haum Cancer Council thiab Australian Bureau of Statistics lawm, ces neeg Australia yeej tsis siv sunscreen txaus coj los pov puag lawv tus kheej kom mob cancer tawv nqaij tsawg, vim raws li tej xov xwm tshiab qhia ces tsuas muaj neeg Australia txog li ib nrab (53.9 feem pua) thiaj siv peb los yog ntau lub tswv yim tshaj ntawd los pov puag lawv kom tsis txhob raug tshav ntuj kub lub caij muaj UV ntau heev ntawd xwb.
Puas yog cov kev siv sunscreen 'block' vitamin D?
Neale tau tshab txhais tias kuj yuav muaj qee yam yog li hais ntawd thiab tias cov kev siv sunscreen yuav tiv thaiv kom tsis tau vitamin D txaus vim pov puag kom tsis txhog raug tshav ntuj kub.
Nws hais tias "Nyob rau ntau cov kev teeb txheeb uas tau sim teeb txheeb, ces yeej paub tias thaum yus pleev sunscreen ua ntej yuav tawm mus ziab cov UV radiation uas tsim ntawd ces pom tau tias yeej tau vitamin D tsawg dua piv rau lub caij uas tsis pleev sunscreen,''
"Tab sis tej kev sim uas tau coj los nthuav tawm dhau los yeej tsis qhia tias tej neeg cov kev pleev sunscreen ib hnub twg yuav ua rau tej neeg tsis tau vitamin D txaus piv rau tej uas tsis pleev ib hnub twg thiab.''
Tej neeg uas muaj teeb meem tsis tau vitamin D txaus?
Neal tau hais tias tsis xav kom tej neeg uas twb tau vitamin D tsis txaus rau lawv lub cev tsuas siv tib co kev ziab tshav ntuj kom lawv tau vitamin D txaus rau lawv lub cev nkaus xwb.
Nws hais tias "Cov kev noj tshuaj vitamin D los yog cov kev siv lwm txoj xub ke pab kom tau vitamin D txaus rau yus lub cev yeej yog ib o xub ke pheej yig thiab tau txais kev nyab xeeb. Ces yog tsis tua vitamin D txaus ces tsim nyog yuav tau nrhiav cov vitamin D los pab ntxiv.''
Xav kom xam tias cov kev siv Sunscreen tsuas yog ib lub ntawm ntau lub tswv yim pov puag peb xwb
Neale tau hais tias tej neeg yeej ib txwm muab cov kev siv sunscreen thiab cov kev tau txais kev pov pug kom tshav ntuj tsis txhob kub peb no xam ua tib yam xwb.
Nws hais tias ''Tim nyog peb feem coob yuav tau siv sunscreen pleev peb txhua hnub tam li yog ib feem ntawm peb txoj kev ua lub neej txhua hnub, tab sis tsuas yog ib cov kev pov puag peb thaum peb tawm mus rau sab nraum zoov thaum peb tsis faj tias yuav tau tawm mus xwb, los sis yog tej zaum yus yuav tau taug kev mus rau ntawm ib lub chaw haus kasfes yuav su noj xwb. Tsuas yog pov puag us rau lub caij thaum yus ua tej ntawd xwb. Tab sis lub caij uas yus npaj tias yuav ua ib co hauj lwm dab tsi nraum zoov kiag los tsuas siv tej sunscreen pleev ua txoj xub ke kawg pov puag yus xwb thiab. Tsim nyog peb yuav tau nrhiav chaw ntxoov ntxoo nkaum, los yog hnav khaub ncaws pov puag peb, los yog ntoo koos mom thiab lug tsis txhob tawm rau nraum zoov rau lub caij muaj tej UV ntau heev. Thiab yeej muaj ntau txoj xub ke pov puag peb, tab sis zoo li peb pheej ib txwm xav tias tsuas yog cov kev pleev sunscreen thiaj pov puag tau peb kom tsis txhob raug tshav ntuj kub nkaus xwb.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau los yog caum
