Professor Anne Cust uas yog tus coj ntawm lub koom haum Cancer Council Naitonal Skin Cancer Committee tau hais tias 'Australia yog ib lub teb chaws uas muaj neeg mob cancer tawv nqaij ntau tshaj plaws hauv ntiaj teb no. Yog li peb thiaj yuav tau kub siab tshaj plaws ua ntej los tiv thaiv kom tiv thaiv peb tus kheej kom tsis txhob mob cancer tawv nqaij kom tsawg ntxiv thiab kom tau txais txiaj ntsim los ntawm cov kev siab duab tshav ntuj.'
Australia cov kev taw qhia uas tau kho dua tshiab tau qhia tias yuav tau hnav ris tsho ntev, ntoo koos mom, pleev sunscreen, nrhiav chaw ntxoov ntxoo nkaum, thiab ntoo tsom iav los pov puag yus tus kheej kom thiaj tsis raug kev phom sij mob cancer tawv nqaij.Cancer Council Australia advice on Australia's sun safety guidelines.
Tsis tas li no los kuj muaj cov kev taw qhia tias tom qab pleev sunscreen lawm nco qab ntsoov rov qab pleev sunscreen ntxiv thiab.
Yog li ntawd Professor Rachel Neale uas yog ib tug neeg teeb txheeb thiaj tau los qhia txog cov lus taw qhia tshiab ntawm lub chw teeb txheeb QIMR Berghofer Medical Research Institute, tej koom haum noj qab haus huv thiab lub koom haum Cancer Council Australia txog cov kev yuav ua li cas thiaj tau vitamin D thiab yuav pov puag yus tus kheej li cas kom tsis txhob mob cancer tawv nqaij.
'Tej neeg muaj cov tawv nqaij dub ces yeej raug kev phom sij mob cancer tawv nqaij tsawg dua los ntawm tej sab hnub, tab sis yuav ua rau lawv tsis tshua tau vitamin D txaus los yog tsis tshua tau lwm yam txiaj ntsim ces thiaj xav taw qhia kom tawm mus nraum zoo qee zaus rau ib hnub twg, thiab tsis tas yuav pov puag yus txhua hnub. Hos lwm cov neeg uas muaj ntau yam yuav ua rau raug kev phom sij mob cancer tawv nqaij ntau dua ces xav kom hnav ris tsho vov lawv lub cev kom zoo thaum tawm rau nraum zoov, tab sis yog ua li no ces tej zaum kuj yuav tsis tshua tau vitami D thiab, txawm li cas los xav kom sab laj nrog kws kho mob pab. Hos tej neeg muaj tej tawv nqaij dawb, ntxho los yog tso olive uas yuav muaj cib fim mob cancer tawv nqaim tau theem nrab ntawd ces xav kom pleev sunscreen tas mus li, tsuas tawm rau nraum zoov me ntsis kom tau vitamin D los yog kom tau lawm yam txiaj ntsim li 'pab yus lub qhov muag', pab kom kaj siab' xwb.'
Professor Neale hais tias 'vitamin D yuav pab kom peb tej pob txha ruaj, pab peb lub cev nqus tau calcium, thiab pab peb cov immune system.'
Yog li ntawd ob tug professor Neale thiab Cust thiaj taw qhia kom neeg Australia pleev sunscreen thiab rov qab pleev rau ntxiv yog tawm mus nraum zoo, thiab kom siv lub koom haum Cancer Council lub SunSmart app los txheeb seb ho muaj cov sab ultra violet ray ntawm muaj ceem npaum li cas rau ib hnub twg.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
