Xov xwm luv tshaj tawm hnub zwj Quag (Tuesday news 15.05.2025):
Jim Chalmers uas yog tus nom tswj nyiaj txiaj rau tsoom fwv Albanese hais tias Meskas cov kev txo tej nqe kom pheej yig ntawm nws lub teb chaws yuav tsis muaj teeb meem cuam tshuam dab tsi rau tej nqe tshuaj ntawm teb chaws Australia rau lub caij uas Meskas tus president Donald Trump tau siv nws lub fwj chim executive order hais kom tej tuam txhab tsim tshuaj muag yuav tau txo nqe tshuaj tib yam li tej nqe tshuaj muag txawv teb chaws tiss li ntawd ces yuav raug tsub se rau.
Xeev Victoria thiab Northern Territory tau tshwm nyiaj tshaj $700 million thiab $500 million sib lawm liag coj los kho lawv tej tsev laj cuj tom qab ob lub xeev no tau kho kom siv tau lawv tej cai bail laws nruj tuaj ntxiv.
Thawj pwm tsav Anthony Albanese tau los lees uas nws tus nom zum ob nrog nws tej nom tswj tej tuam chav hauj lwm hauv tsev tsoom fwv ntawm tuam ceeb Canberra hnub tim 13.05.2025. Ua ke no los Susan Ley kuj raug xaiv los ua pab nom Liberal tus coj tshiab lawm thiab.
Meskas thiab Suav tau pom zoo tsis tsub se xav khoom muag rau ib tog twg rau lub caij 3 hlis kom muaj peev xwm los sib khom txog tej nqe no kom tsawg.
Australia lub tuam chav tswj dej num txawv teb chaws thiab lagluam txawv teb chaws kuj tau pom zoo pab nyiaj yuav laug txog li $3 million coj los pab cov hauj lwm Reproductive Health and Sexual Right Promotion rau Nplog ob lub xeev qaum teb li Bokeo thiab Luang Namtha rau lawv tej neeg coob tshaj 500,000 tus raws li Vientiane Times nthuav tawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
