Thaum Hedayat Osyan tsim Taliban ntawm teb chaws Afghanistan ces bws tsuas muaj hnoob nyoog 17 xyoo xwb. Nws kuj raug tej neeg nyiag coj neeg txhaum cai coj kev thoob ntiaj teb thiab tau caij nkoj tuaj txog Australia.
Hedayat raug muab kaw ntawm lub pov txwv Christmas Island, ntxiv ntawd ces raug kaw ntawm Melbourne, ua ntej yuav tau visa nyob ruaj.
Xyoo 2016, ces nws tau ib txoj hauj lwm txhim kho part-time.
Nws tau qhia rau SBS Examines tias “Lub caij no ces kuv kuj paub tias muaj tej neeg thoj nam coob heev nrhiav tsis tshua tau hauj lwm ua. Muaj ib txhia kuj tau, thiab lawv kuj raug yuam siv yam tsis raug cai ntawm tej chaw ua hauj lwm vim lawv tsis paub lus zoo los yog tsis paub neeg.''
Hedayat kuj nrhiav tau lub koom haum Community Construction, uas yog ib lub koom haum ua lagluam pab zej tsoom uas ntiav tej neeg thoj nam thiab neeg tawg tsov tawg rog. Lawv kuj tau ua tej projects ntau tshaj 300 cov thiab ntiav tej neeg ua hauj lwm tshaj 100 tus.
Hedayat tau hais tias “Kuv yeej tau txais 5 daim ntawv nrhiav hauj lwm ua ntawm tej neeg thoj nam. Lawv yeej xav ua hauj lwm, thiab lawv yeej xav pab teb chaws no, thiab lawv xav pab lawv tsev neeg. Lawv yeej tsis xav mus thov nyiaj pab cuam ntawm Centrelink, tab sis lawv tsis tau txais vaj huam sib luag rau tej cib fim.''
Raws li lub tuam chav Department of Home Affairs qhia ces yeej tau siv nyiaj ntau tshaj $13 billion txheeb tej neeg thoj nam txawv teb chqws txij li xyoo 2011 txog 2023.
Jana Favero uas yog tus lwm coj lub koom haum Asylum Seeker Resource Centre tau hais tias "Yog muab xam raws cov nyiaj siv theem nrab rau lub caij ntawd lawm ces siv nyiaj tshaj $500,000 pab ib tug neeg twg uas peb xa mus rau tej yeej txawv teb chaws.''
Nws ntseeg tias cov kev coj tej neeg thoj nam los txheeb hauv teb chaws Australia no kuj yuav yog ib lub tswv yim uas yuav siv tau thiab.
Nws tau hais tias “Tus tsoom fwv Malcolm Fraser yeej tau siv tsab cai ntxaws heev txhais tau tias peb tos txais thiab cia tej neeg tuaj pib neej tshiab ncaj qha ntawm teb chaws Australia, kom lawv tsis txhob raug kev phom sij rau lawv txoj sia ...ces lawv tau tuaj rau Ausralia thiab tuaj pab txhim kho Australia.''
Tom xov xwm SBS Examines txheeb txog Australia tej cai tswj tej neeg thoj nam, thiab nug tej lus nug tias peb ho yuav muaj peev xwm ua li cas kom thiaj pov puag tau tej neeg txoj cai thiab pab tau Australia tej lagluam.
LISTEN TO
Migrants aren't being hired in the jobs they're qualified for. It's costing Australia billions
SBS English
06:15
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcastsplatforms (, ).
