Ntsiab lus tseem ceeb:
- Yog tias koj tus me nyuam xav tau kev pab cuam kiag kom sai ces hu rau Triple Zero (000) thov tsheb thauj neeg mob siv.
- Cov kev txheeb ib tug neeg mob twg yog thawj cov kev kho mob ntawm tsev kho mob lub tuam chav emergency department ua.
- Tsim nyog tej niam txiv paub tias seb tej kws kho mob xav tias yus tus me nyuam mob dab tsi, raug ntsuam tau tias mob dab tsi, thiab thaum twg mam li raug tso tawm ntawm lub emergency department mus tsev.
Thaum twg thiaj tsim nyog tej niam txiv coj lawv tej me nyuam mus siv lub tuam chav , thiab thaum twg thiaj zoo dua rau yus mus ntsib ib tug kws kho mob ntawm ib lub chaw kho los yog xyuas kom tau siv cov kev kho mob uas tau siv kiag/kho kiag tam sim ntawd los sis tsim nyog mus siv cov ?
Bethany Girling ces yog ib tug leej niam ntawm Sydney yeej tau paub tias nws yuav tsum tau coj nws tus me nyuam mus siv lub tuam chav emergency department thaum nws pom ib co cim txaus txhawj xeeb los yog pom nws tus me nyuam muaj ib co yam ntxwv mob twg.
Ms Girling hais tias "Nws tau ua npaws kub heev li. Thiab tau mob tau plaub hnub tam sim no lawm. Peb kuj tau mus ntsib kws kho mob, thiab tau noj tshuaj tua kab mob (antibiotics) tab sis nws yeej tseem tsis zoo tuaj li.''
Ms Girling pom tias nws tus txhais tsis haus dej li, nws lub hauv siab los zoo li tsis tshua tshoom, nws tej tav los cia li saus tas. Ces nws thiaj cia li coj kiag nws tus ntxhais mus rau ntawm lub tsev kho mob me nyuam yaus lub tuam chav emergency department.
Paediatric Emergency Doctor Matthew O'Meara
Thaum mus rau ntawm lub tuam chav emergency department
Doctor Matthew O'Meara uas yog ib tug kws kho mob me nyuam yaus ntawm lub tuam chav emergency department ntawm tsev kho mob thiaj taw qhia rau tej niam txiv kom ntseeg lawv cov kev xav.
Dr O'Meara hais tias "Yeej muaj ntau yam. Tej zaum tej niam txiv kuj yuav pom tias lawv tej me nyuam ntsoos ntsoos, tsis cus, tsis tshua ua si lawm. Tej zaum kuj yog ntshe lawv muaj teeb meem ua tsis tshua taus pa lawm. Tej zaum kuj yog tias lawv tej tawv nqaij tuag xim lawm, los yog zoo li daj ntseg lawm, los yog tej zaum lawv tej tawv nqaij doog los yog hloov xim lawm,''
Nws hais ntxiv tias tej zaum lawv kuj haus dej tsawg lawm los sis yog tsis tshua tso zis, los sis tej thaum tej niam txiv mloog tau tias zoo li muaj ib yam dab tsi txawv txav rau lawv tej me nyuam lawm.
Dr O'Meara hais tias yog koj muaj kev txhawj xeeb txog koj tus me nyuam, ces yeej muaj ntau cov kev pab cuam pab koj, thiab xav kom koj pib hu xov tooj rau Triple Zero (000) thov tsheb thauj neeg mob tuaj thauj koj tus me nyuam mus kho.
Dr O'Meara thiaj tshab txhais tias "Muaj ntau txoj xub ke rau koj siv tau tej kev kho mob. Cov uas yuav tau siv sai tshaj plaws ces yog hu rau Triple Zero (000) thov tsheb thauj neeg mob tuaj pab og koj txhawj tias xav kom tau kev pab cuam kiag tam sim no pab rau koj tus me nyuam, yog tias lawv ua tsis tshua taus pa, hloov xim rau nws lub cev, los yog nws tsis ua pa lawm, los sis tsis hnov qab lawm, los yog ib nce nriaj.''
Lub tuam chav emergency department yog yog qhov chaw uas haum rau tej neeg uas xav tau kev pab cuam kiag tam sim ntawd.
Dr O'Meara hais tias yog tia koj tus me nyuam ua tsis taus pa — txawm tias tsis tshua muaj ceem — los sis yog tus me nyuam ntawd tej tawv nqaij hloov xwm txawv, nws haus dej tsawg dua tej ib txwm haus, thiab zoo li nws muaj ntsis mluas tsis cua li ib txwm lawm, ces yog tej yam tseem ceeb ua yuav tau thov kev pab cuam kom sai ntawm lub tuam chav emergency department pab.
Los sis yog tias koj mloog tau tias muaj ib yam dab tsi txawv txav thiab koj xav mus ntsib kws kho mob yav lig hnub no los sis tag kis, mus ntsib ib lub chaw kho mob, los yog mus siv ib lub chaw urgent care centre yuav yog ib co xub ke xaiv zoo rau koj siv.
Yog koj txhawj xeeb thiab xav kom koj tus me nyuam tau siv kev kho mob pab kiag tam sim no ces hu rau Triple Zero (000) kom coj tsheb thauj neeg mob tuaj thauj. Credit: kali9/Getty Images
Yuav muaj dab tsi tshwm sim thaum mus rau ntawm emergency department lawm?
Cov kev xub txheeb tej neeg mob ntawm ib lub tsev kho mob lub tuam chav emergency department yog thawj cov kev kho mob uas ib lub tsev kho mob ua. Thiab yog ib co system raug tsim coj los txhub txheeb thiab kho tej neeg mob uas mob sab heev ua ntej.
Pamela Bold ces yog tus Nurse Unit Manager ntawm ntawm Sydney.
Nws tshab txhais tias yog ib tug nurse yuav los ua tus txheeb tej neeb. Lawv yuav los txheeb yus tus me nyuam ib pliag sai sai seb puas tsim nyog yuav tau kho sai los qeeb raws li qhov tsim nyog li cas.
Ms Bold hais tias "Lawv mam li los txheeb tej neeg mob seb tsim nyog kho sai qee li cas. Ces kws kho mob yuav xub ntsib tej neeg mob uas tsis xis nyob thiab mob sab tshaj plaws ua ntej. Txuas ntxiv ntawd ces mam li txheeb tej neeg mob uas tos qeeb me ntsis mam ntsib raws li lub caij tsim nyog txheeb xyuas lawv.''
Ms Bold tshab txhais tias lawv xub txheeb tej neeg muaj tej mob uas yuav raug kev phom sij rau txoj sia ua ntej kom thiaj kho tau tej mob sab heev ua ntej tshaj plaws.
Kuv puas yuav tau them?
Ntawm Australia no ces thaum mus siv zej tsoom ib lub tsev kho mob tej tuam chav emergency departments ces yeej tau siv dawb xwb yog tias koj muaj Medicare card siv.
Txawm li cas los yog tias koj mus siv tej tsev kho mob ntiav tej tuam chav emergency department ces koj yuav tau them ib co nqe thiab.
Tsis tas li ntawd los yog koj hu tsheb thauj neeg mob tuaj thauj koj ib tug neeg twg mus kho mob ces tej yeej tau them nqe siv tej tsheb no ntawm tej xeev feem coob thiab, tab sis tej zaum kuj yuav tau them tej nqe sib txawv tsuas nyob ntawm seb koj nyob lub xeev twg xwb. Muaj ib txhia neeg uas tau cov concession card los sis tej neeg yuav nyiaj tuav pov hwm kho mob ntiag tug (Private health insurance) ces tej zaum kuj yuav raug zam tsis tau them tej nqe no thiab.
Koj tus me nyuam tej xov xwm kho mob kuj yuav teev txog seb nws puas noj ib yam dab tsis fab los yog tsis haum, nws puas tseem noj ib yam tshuaj dab tsi tam sim no thiab seb nws puas tseem muaj ib co mob dab tsi tam sim no. Credit: ozgurcankaya/Getty Images
Tej lus tawm qhia rau tej niam txiv thiab cov kev yuav tau kho tom qab ntxiv
Ms Bold thiaj xav qhia tias kom npaj yus tej xov xwm kom txhij yog tias koj muaj peev xwm npaj kom zoo ua ntej koj mus siv lub tuam chav emergency department.
Ms Bold hais tias "Thaum uas nej tuaj rau ntawm peb tej tuam chav emergency department ces peb xav kom tej niam txiv lawv lawv daim Medicare card nrog lawv los yog npaj tej xov xwm qhia txog lawv tej mob nkeeg kom ntxaws, lawv chaw nyob, xov tooj kom peb thiaj muaj peev xwm hu tau nrog lawv tham yog tias yuav tau hu rau lawv.''
Koj tus me nyuam tej xov xwm mob nkeeg ces muaj tej li noj fab los yog tsis haum ib yam dab tsi, noj tshuaj dab tsi, muaj mob dab tsi tam sim no.
Tej zaum kuj yuav qhia txog tej yam ntxiv mob thaum tau pib mob, thiab seb puas ua rau muaj tej yam ntxwv mob ntawd mob phem tshaj qub ntxiv los yog seb yus ho puas tau sib ib co kev kho mob dab tsi los kho.
Dr Matthew O'Meara tshab txhais tias yuav muaj dab tsi tshwm sim ntxiv yog tias yus tus me nyuam raug txheeb lawm thiab yuav tau tos mam tau ntsib kws kho mob.
Nws tshaib txhais tias "Tej kws kho mob thiab tej ua cov yuav ntsib yus tus me nyuam. Thiab lawv yog cov yuav los ua tib zoo txheeb kom ntxaws thiab ntsuam tias seb ho puas tsim nyog yuav txheeb dab tsi ntxiv li seb pas tso ntshav mus sim, puas xoo x-rays coj los pab lawv cov kev kho mob.''
Nws hais ntxiv tias tej zaum kuj yuav cia tus me nyuam ntawd so ntawm lub tuam chav no rau ib lub caij twg ua ntej yuav txiav txim siab tias seb yuav kho li cas tso. Tej me nyuam feem coob ces yeej muaj peev xwm mus tsev tom qab tau siv cov kev kho mob ntawm lub tuam chav emergency department no lawm. txawm li cas los tej zaum ib txhia kuj yuav raug coj mus kho ntxiv thiab pw ntawm tsev kho mob rau ib ntus thiab.
Yog tias koj tus me nyuam ho yuav tau kho mob qeeb dua lwm tus ntawm lub tuam chav emergency department, ces tej zaum yuav ua rau koj tau tos ntev dua.
Thaum uas koj tau mus siv me nyuam yaus lub tuam chav emergency department no lawm, ces tsim nyog koj paub ntau yam txog koj tus me nyuam tej xwm txheej mob lawm.
If your child's case is less urgent than others in the emergency department, you might face a longer wait time. Source: iStockphoto / chameleonseye/Getty Images
Tsim nyog lawv qhia rau yus tias yus yuav tau ua dab tsi ntawm yus tsev thiab yuav qhia ntau yam uas tej zaum yuav ua rau yus txhawj xeeb thiab ho yuav nrhiav kev kho mob sab tsi pab ntxiv.
Tej kws kho mob los kuj yuav taw qhia yus kom paub tswj ntau yam yooj yim li yog mob ib ce yuav ua li cas, yuav ua li cas yog ua npaws thiab yuav tau haus dej li cas pab rau lub cev.
Dr O'Meara hais tias tej zaum lawv tej neeg kho mob ntawm tej tuam chav emergency department tsim nyog nrog lawv tham txog tej tshuaj noj thiab tej xub ke kho mob, los yog ho yuav muaj tau teeb meem dab tsi cuam tshuam ntxiv los ntawm tej kev kho mob thiab tej tshuaj noj.
Lawv kuj yuav taw qhia koj tias yuav mus nrhiav kev kho mob qhov twg siv tom qab tau tawm ntawm emergency department mus tsev lawm.
Dr O'Meara hais ntxiv tias "Qhov zoo tshaj plaws, ces tsis yog tias peb tsuas qhia tej no rau nej xwb. Tab sis peb yeej muaj ntau ntawv sau qhia qhov tseeb rau nej paub thiab, yog ua tau ces yeej xav sau ua nej yam ntawv thiab yuav piav tias tab tom muaj dab tsi tshwm sim, peb yuav qhia rau nej paub tias yuav nrog nej tus khw mob mob uas kho nej tham kom paub tias tab tom muaj dab tsi tshwm sim. Ces thiaj yuav sau ib co ntawv qhia txog cov kev tso nej tus neeg rov qab mus tsev los yog yuav muaj daim ntawv no rau nej nqa mus rua nej tus kws kho mob.''
Thiab yog tias nej tsev neeg ho xav tham ua lwm hom lus dua lus Askiv, ces nej muaj peev xwm hu tau rau tus xov tooj 13 14 50 pab txhais lus thiab txhais ntawv kom thiaj pab nrog tau tej neeg kho mob tham.
Nam sim no ces koj paub lawm tias yuav ua li cas yog tias koj mus siv ib lub tsev kho mob twg lub tuam chav emergency department, tab sis koj kuj muaj peev xwm kawm tau tej lus thiab tej sob lus Askiv kom koj thiaj paub tham txog tej xwm txheej no. Mloog tau toom sob kawm kom thiaj paub lus Askiv zoo tuaj ntixv thiab ntseeg koj tus kheej thaum koj nrog tej neeg kho mob ntawm tsev kho mob tham.
Yog xav tau xov xwm kom ntxaws ntxiv, ces txheeb tau lub tsev kho mob zos lub vas sab los yog txheeb tau Health Diret lub vas sab ntawm .
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
