Ntsiab lus tseem ceeb:
- Tsoom fwv tej nyiaj pab no yeej pab raws txhua txhua cov xwm txheej ntawm txoj kev ua lub neej.
- Lub koom haum Services Australia yog tus muab nyiaj rau Centrelink cov program them rau tej neeg sawv cev rau tsoom fwv.
- Yeej muaj tej cai nruj heev los tswj tias leej twg muaj cai tau thiab yuav tos ntev npaum li cas thiaj tau.
- Tej neeg uas tau cov Protection los sis Humanitarian Visa los yeej tau cov kev pab cuam tib yam li tej pej xeem Australia thiab.
Services Australia ces yog lub chaw uas them cov nyiaj Centrelink payments rau tej neeg Australia uas muaj cai tau txais kev pab cuam sawv cev rau tsoom fwv. Nws kuj yog lub saib xyuas cov Medicare thiab child support payments nrog thiab.
Hank Jongen uas yog tus General Manager ntawn lub koom haum Services Australia hais tias “Yuav laug txhua tus neeg ntawm Australia yeej muaj tau ntsib peb rau ib lub caij twg ntawm lawv lub neej.''
Tab sis yeej muaj cai nruj heev los tswj tej nyiaj pab feem ntau li tus neeg ntawd cov kev nyob ntawm teb chaws Australia. Thiab feem ntau mas tus neeg ntawd yuav tsum yog ib tug pej xeem Australa los yog ib tug neeg nyob ruaj ntawm teb chaws Australia.
Txuas ntxiv ntawd los nom tswv tseem yuav txheeb tej nyiaj yus khwv tau, tej peev txheej yus muaj, ntau cov phau ntawv siv nyiaj thaum txheeb tias seb yus puas muaj cai tau tej nyiaj pab cuam no thiab yuav tau ntau npaum li cas.
Disability Support Pension ces yog cov nyiaj pab tej neeg uas raug mob rau lub cev, hlwb ua hauj lwm tsis zoo, nyuaj siab ntxhov plawv uas muaj ua ntuv zus ntev tshaj 2 xyoos. Credit: vm/Getty Images
Tej nyiaj pab cuam uas them raws yus tej xwm txheej ua lub neej
Lub koom haum Services Australia yeej tau cais ntau cov xov xwm coj los qhia zej tsoom kom paub txog ntau cov kev pab cuam sib txawv kom sawv daws muaj peev xwm mus txheeb tau siv. Mr Jongen hais tis yeej muaj peev xwm mus txheeb tau ib co nyiaj pab cuam twg tau yooj yim txawm txawm tias yus tsis paub meej tias yuav nrhiav li cas.
Nws hais tias “Peb yeej tau tsim tej kev pab cuam no raws li 6 cov 'xwm txheej ua lub neej' li: tu me nyuam, pab ntiav tsev nyob, pab tej laus, pab nrhiav hauj lwm ua, pab kawm ntawv, pab kho mob thiab pab tej neeg puas cev.''
Koj muaj peev xwm txheeb tau ntawm lub vas sab txog ib co kev pab cuam twg uas cuam tshuam rau koj. Ces koj yeej yuav nrhiav tau ntau hom kev pab cuam, thiab tej cai teev tias leej twg muaj cai tau, thiab yuav tau ntau npaum li cas thiab yuav tau tos ntev npaum li cas mam li tau.
Tej neeg nyuam qhuv tuaj tshiab rau Australia raws li lub caij tos hu ua newly arrived resident’s waiting period (NARWP) yuav tau toas txog li 4 lub xyoos mas thiaj yuav tau txais tej kev pab feem ntau ntawm Centrelink.
Ntxiv no yog cov kev tshab txhais txog tsoom fwv tej nyiaj pab cuam uas ib txwm muaj rau tej neeg siv tas mus li, uas Centrelink yog tus muab tej nyiaj tag nrho no rau tej neeg thiab yog ib feem hauj lwm ntawm lub koom haum Services Australia.
JobSeeker Payment
Yeej muaj tej neeg coob heev xav ua hauj lwm tiag tab sis tsis muaj peev xwm nrhiav tau hauj lwm ua. Cov nyiaj JobSeeker Payment yog ib co nyiaj pab rau yus yog tias yus muaj hnoob nyoog txij li ntawm 22 xyoos txog rau cov hnoob nyoog so noj nyiaj laus (Age Pension) uas yog 67 xyoo thiab tseem tab tom nrhiav hauj lwm ua, yog tias yus poob hauj lwm los sis yog muaj mob ib ntus thiab raug mob. Thiab kuj tsuas nyob ntawm seb yus tib leeg xwb, los yog ib nkawm niam txiv - tsis hais sib yuav raug cai los sis nyob ua ke tam li niam txiv tab sis tseem tsis tau sib yuav ua txij nkawm - thiab seb ho puas muaj me nyuam li cas yog cov yuav txiav txim tias seb yus tau npaum li cas.
JobSeeker Payment ces yog tej nyiaj pab uas yus yuav tau yog yus muaj hnoob nyoog txij 22 xyoos txog 67 xyoo txog lub hnoob nyoog so tsis ua hauj lwm tab sis tseem tab tom nrhiav hauj lwm ua. Credit: courtneyk/Getty Images
Youth Allowance
Yog tias koj muaj hnoob nyoog 24 xyoos los sis qes tshaj ntawm thiab kawm ntawv full time los sis kawm apprenticship, los yog muaj hnoob nyoog qes dua 22 xyoos thiab tab tom nrhiav hauj lwm ua ces tej zaum koj muaj cai tau cov nyiaj no.
Austudy ces yog ib cov nyiaj them pab ntxiv rau tej tub kawm uas kawm full time hnoob nyoog 25 xyoos thiab hnoob nyoog siab tshaj ntawd.
Family Tax Benefit
Yog tias yus muaj ib tsev neeg thiab yus khwv tau nyiaj tsawg ces yus muaj peev xwm tau tsoom fwv tej nyiaj pab uas hu ua Family Tax Benefit no.
Mr Jongen hais tias cov kev pab o thiaj yog ib co kev pab cuam rau tej cuab yig ntawm ntau cov coj los pab tsev neeg them ntau yam nqe tu me nyuam.
“Nyob ntawm koj tsev neeg seb poob rau cov xwm txheej zoo li cas ua cov txiav txim tias seb koj yuav tau npaum li cas. Vim yeej tau tej nyiaj sib txawv rau cov nkawm ntiam txiv li, seb tsev neeg ntawd khwv tau nyiaj li cas, los yog ho muaj pev tsawg tus me nyuam thiab seb tej me nyuam ntawd hnoob nyoog li cas.''
Age Pension
Tsoom fwv yeej pab tej neeg raws txhua theem ntawm lub neej. Cov Age Pension no ces pab rau tej neeg uas twb nto hnoob nyoog so tsis ua hauj lwm lawm, uas ntawm Australia no ces yog 67 xyoo los yog siab tshaj ntawd. Tsis tas li ntawd los kuj them tej nyiaj no sib txawv rau tib tug neeg twg los yog ib nkawm niam txiv twg thiab.
Koj yuav tsum yog ib tug neeg nyob ruaj ntawm Australia no yam tsawg li 10 lub xyoo mas koj thiaj tau cov nyiaj Age Pension. Thiab lub caij yam tsawg li 5 xyoos ntawm 10 xyoo ntawd koj yuav tsum nyog sib txuas ua ntuv zus ntawm teb chaws Australia no.Hank Jongen, General Manager Services Australia
Age Pension cov tej nyiaj tau npaj los pab tej neeg uas muaj hnoob nyoog 67 xyoo uas so tsis ua hauj lwm lawm los yog tej neeg muaj hnoob nyoog tshaj ntawd. Credit: Fly View Productions/Getty Images
Disability Support Pension
Tej nyiaj no ces yog pab rau tej neeg tsis muaj peev xwm mus ua tau hauj lwm vim yog muaj teeb meem rau nws lub cev, los yog hlwb tsis zoo los sis tej neeg nyuaj siab ntxhov plawv uas yeej mob ua ntuv zus ntev tshaj 2 xyoos. Tsis tas li ntawd los kuj pab rau tej neeg raug ntsuam tau tias muaj ib yam mob uas kho tsis zoo lawm. Ces yeej muaj cai nruj heev tswj tias leej twg muaj cai tau thiab yus yuav tsum muaj tej pov thawj kho mob pab mas thiaj tau.
Carer Payment
Cov nyiaj Carer Payment yeej cuam tshuam nrog cov nyiaj Disability Support Pension. Thiab kuj yog ib co nyiaj pab rau tej neeg uas yuav tau tu thiab saib xyuas ib tug neeg puas cev twg los yog ib tug neeg muaj mob twg full time. Ces cov nyiaj pab ntxiv li cov Carer Allowance thiaj yuav pab kom tau nyiaj coj mus yuav tshuaj, sam nqe roj thauj ib tug twg mus ntsib kws kho mob raws li tau teem caij tseg.
Tsis tas li ntawd los tus neeg uas muaj cai tau tej nyiaj pab no yuav tsum yog ib tug pej xeem Australia thiab yog cov neeg nyob ruaj ntawm teb chaws Australia los yog muaj ib co visa twg mas thiaj tau txais tej txiaj ntsim pab cuam ntawm Centrelink.
Yog tias koj nyuam qhuav tuaj rau Australia tsis ntev no xwb, ces xav kom koj mus txheeb lo lus 'Moving to Australia' seb ho muaj xov xwm dab tsi teev txog tej neeg tsiv teb tsaws, neeg tawg rog, tej neeg tuaj tshiab thiab tej neeg thoj nam li cas.
Carer Payment ces cuam tshuam txog cov nyiaj pab Disability Support Pension. Uas yog ib cov kev pab rau tej neeg ua hauj lwm full time los tu ib tug neeg twg uas yog neeg puas cev los yog muaj ib yam mob dab tsi. Credit: BlessedSelections/Getty Images
Tej neeg uas tau cov Protection los sis Humanitarian Visaas ces muaj cai tau txais nyiaj pab cuam ntawm Centrelink thiab lwm cov kev pab cuam tib yam li cov neeg uas uas yog tej neeg nyob ruaj thiab yog pej xeem Australia, tab sis tej neeg asylum seeker yog cov tsis muaj tau tej nyiaj no ntawm Centrelink.Shaheen Whyte, Senior Policy Officer, Refugee Council of Australia
Muaj ib txhia neeg uas thov cov kev pov puag (asylum seeker - vim txhawj tsam yog rov qab ces tsis tau txais kev nyab xeeb) ces tej zaum kuj yuav tau cov kev pab hu ua Status Resolution Support Services (SRSS). Yog ib co program uas tsoom fwv pab nyiaj los pab tej neeg tsiv teb tsaws chaw txom nyem uas tseem tab tom tos seb puas tau visa, suav cov neeg seeking asylum nrog thiab.
Mr White hais tias “SRSS ces yog cov nyiaj uas pab kom yus ua tau lub neej ntawm ib hnub rau ib hnub uas tsuas tau txog li 89% ntawm tej yiaj JobSeeker uas Centrelink them xwb, tsis tas li ntawd los nom tswv kuj nrhiav ib cov kev pab cuam coj los pab rau yus los yog nrhiav ib cov kev sab laj daws teeb meem los pab thiab,''
“Tab sis yog tej yam tsis muaj hmoo uas tej neeg seeking asylum feem ceeb yog cov tsis muaj cai thov tau cov kev pab cuam SRSS no siv vim muaj tej neeg no coob heev mus thov tej program no. Thiab tej program no yeej muaj tej cai nruj heev thiab lub tuam chav tswj tej hauj lwm no los yeej kom tej neeg yuav tau qhia tias lawv yog cov neeg puas cev loj, los yog cov neeg nyuaj siab ntxhov plawv mas thiaj yuav tau siv cov program no.''
Yuav tau nyiaj ntau npaum li cas?
Tab sis txawm tias koj yog cov neeg muaj cai tau tej nyiaj pab no thiab yeej tau nyob raws tej caij nom tswv teev tseg, los kuj tseem nyob ntawm seb koj khwv tau nyiaj li cas los yog kom poob rau cov xwm txheej siv nyiaj li cas ua cov txiav txim tias seb koj tau npaum li cas thiab.
Yog koj xav paub tias koj tau npaum li cas ces koj muaj peev xwm mus txheeb tau lub koom haum lub vas sab raws koj tej theem ua lub neej ‘life event’. Lub vas sab no mam li qhia koj tias seb koj tias seb yuav tau li cas tam sim no los yog yuav tau tos ntev npaum li cas mam tau.
Tej xov xwm qhia ua koj hom ntawv
Koj muaj peev xwm nyeem, saib, mloog tau lub koom haum Services Australia tej xov xwm ua cov hom lus ntau tshaj 75 hom. Thiab koj yeej muaj peev xwm nrhiav koj hom ntawv ntawm qhov chaw nrhiav (search bar).
Tsis tas li ntawd los thaum koj mus rau ntawm Centrelink lub chaw ua hauj lwm los sis hu tus xov tooj 13 12 02 nrog lawv tham ces lawv yeej nrhiav neeg txhais koj hom lus pub dawb rau koj thiab.
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
