Ntsiab lus tseem ceeb:
- Raws li tej ntsiab cai uas ib lub tsev hais plaub yuav siv txiav txim tias seb puas yog muaj de facto relationship yog tias tsis tau teev zwm ces yeej sib txawv rau tag nrho txhua nkawm neeg thiab yuav tau los ua tib zoo los txheeb ib nkawm twg raws li tej xwm txheej tshwm sim.
- Tej cai los pov puag tej neeg nyob ua ke (de facto relationship) uas tsis tau sib yuav txoj cai ntawd ces yeej pov puag tej neeg no tom qab sib cais tsis nyob ua ke, los yog cov kev muaj cai aws ib yam dab tsi tom qab ib tug neeg nrog lwm tus nyob ua ke nruam sim thiab.
- Dua ntawm cov kev siv tsev hais plaub los sib kho lawm yeej tseem siv kev txwj laug los sib kho tej kev tsis haum xeeb tom qab sib cais thiab.
Ntawm Australia no ces yog thaum muaj ob tug neeg nyob ua ke lawm ces yeej muaj cai lij choj lees paub txog nkawv thiab txawm tias nkawv tsis tau sib yuav ua txij nkawm.
Australia tsab cai , yeej tau teev lub ntsiab lus txog de facto relationship dav dav tias yog ob tug neeg zoo tib yam (Ob tug poj niam los yog ob tug txiv neej nyob ua ke) los yog poj opposite sex nyob ua ke tam li yog ib khub ''tam li yog ib yig neeg tiag''.
Yog li ntawd thiaj tsuas nyob ntawm seb koj nyob lub xeev twg uas ho muaj tej txheej txheem thiab tej koj yuav tau ua li cas kom koj cov de facto relationship raug lees paub xwb.
Piv txwv li, ntawm xeev South Australia ces yeej muab cov de facto relationships teev zwm raws tsab cai . Thiab thaum tau teev zwm lawm, ces yeej yuav raug tej cai lees paub tsis thoob Australia lawm.
Ob tug poj niam lesbian saib xov tooj thiab luag ntawm chav so hauv tsev. Credit: eclipse_images/Getty Images
“Ces tej zaum thiaj yuav pab tej neeg xav thov visa siv; thiab yog poob rau tej xwm txheej uas ib tug ntawm ob tug neeg nyob ua ke ho tas sim neej lawm, ces tej zaum kuj yuav muaj teeb meem rau lawv tej peev txheej cuab yeej cuab tam yuav tau qhia kom tau tias nkawv yeej muaj cov de facto relationship tiag los yog thaum ib tug twg muaj mob lawm thiab ho yuav tau muaj cov kev txiav txim siab dab tsi ces ib tug twg yuav yog tus txheeb ze lawm.
“Yog tham raws li ib tug niam txiv raug kev raug cai cov kev xav hais tsi ntsees yog tias ho yog tej poj niam nyob ua ke tam li same sex relationship, ces tsab cai Family Law Act yeej xav kom lees paub tias ib tug niam uas tsis yug tus me nyuam ntawd yuav tsum raug xam tias yog ib tug leej niam leej txi raug cai ntawm nkawm neeg ntawd thiab. Ces cov kev teev zwm yus cov de facto relationship thiaj pab kom yus tau cov legal status no kiag tam sid lawm.”
Cov kev tau teev zwm yus cov de facto relationship yuav pab kom yus muaj peev xwm claim tau qee cov welfare entitlements (thov tau qee cov kev pab cuam ntawm tsoom fwv ) tam li yog ib tug hluas vim yog ib co kev qhia tau tias yus nyob yus kheej thiab tsis nrog yus niam yus txiv nyob lawm.
Tsev hais plaub ua tus txheeb cov de facto relationship
Thaum ib lub tsev hais plaub twg raug hais kom los txheeb tias seb ob tug neeg puas nyob ua ke tam li yog de facto couple, ces tej zaum yuav los txheeb txog ntau yam li no:
- Seb ho nyob ua ke ntev npaum li cas thiab zej zog ho puas lees paub nkawv
- Seb nkawv ho puas sib deev
- Puas muaj cov kev npaj tias ib tug twg muaj cai yuav tau nyiaj, los yog yuav tau pab nyiaj rau lwm tus los yog yuav faib tej peev txheej nyiaj txiaj cuab yeej cuab tam li cas rau lwm tus
- Ho kub siab txog txoj kev koom ua lub neej ua ke npaum li cas
Ces thiaj yuav siv tej ntsiab cai los txiav txim raws li cov kev tau mus txheeb ib tug neeg twg, thiab tsev hais plaub mam ua cov luj tias tsim nyog li cas.
Ms Evans tshab txhais tias tseem muaj tej kev totaub yuam kev tas mus li txog cov kev muaj cov de facto relationship ntev npaum li cas thiab.
“Yeej tseem muaj neeg coob heev xav tias yog kuv twb nrog ib tug twg nyob ua ke txog ob xyoos lawm ces yeej yog cov de factor relationship lawm, tab sis tsis muaj tseeb li hais. Thiab kuj tseem muaj neeg coob heev tseem pheej xav tias yog tias yus twb muaj cov de facto relationship lawm ces tom qab ob lub xyoos ntawd yus yeej muaj cai tau lwm tus neeg tej peev txheej cuab yeej cuab tam ib nrab thiab. Tab sis qhov tseeb tsis yog li hais ntawd thiab.”
Ib tug txiv neej hluas chim heev thiab tsis kub siab txog nws tus hluas nkauj neeg Muslim thaum tab tom sib cav. Tab sis nkawv yuav tau sib tham vim nkawv muaj teeb meem ntau yam yuav tau daws. Credit: ProfessionalStudioImages/Getty Images
Damien Greer uas yog ib tug kws lij choj ntawm Brisbane uas paub zoo txog tej cai tswj cuab yig (family law) tshab txhais tias:
“Yeej tsis yog tej yam tshwm sim tam mus li. Tab sis yeej cuam tshuam nrog tej neeg uas yeej tau sib yuav ua txij nkawm, thiab ho tsis nyob ua ke, tab sis ho tsis muaj ib tug twg siv tsev hais plaub los sib nrauj, thiab ib tug ntawm ob tug txij nkawm ntawd mus ua lub neej tshiab de facto relationship nrog ib tug neeg twg txuas ntxiv lawm (tab sis tseem tsis tau sib yuav ua txij nkawm tsuas nyob ua ke xwb).”
Yog li ntawd yog tias ho nyob ua ke tab sis tseem tsis tau sib yuav tab sis ho sib cais lawm, ces tsev hais plaub yuav ua tus npaj txiav txim tias seb nkawm niam txiv no yuav sib pab tu thiab saib xyuas tej me nyuam ntawd li cas zoo tib yam li cov nkawm niam txiv uas sib yuav raws cai lawm thiab.
Raws li Nicole Evans tshab txhais ces cov de facto couples, los yeej muaj ntsis zoo siab xws li tej txij nkawm uas sib yuav ua txij nkawm lawm, thiab yeej muaj peev xwm tsim cov kev pom zoo cuam tshuam txog nyiaj txiaj ua ke rau ib lub caij twg uas tseem nyob ua ke.
“Cov kev pom zoo no teev txog ib cov ntaub ntawv uas ib tog twg muaj ua ntej yuav los nyob ua ke. Ua yuav teev txog tias ho tau muaj kev pom zoo dab tsi rau tej peev txheej cuab yeej cuab tam los yog tej nuj nqe uas sib faib rau ob tog pab them yog tias ho sib cais tsis nyob ua ke lawm.
Thiab tsuas yog tej kws lij choj thiaj yog cov muaj cai npaj tau cov kev pom zoo nyiaj txiaj uas ob tog yuav tau ua raws no xwb.
“Tus kws lij choj ntawd yuav tau kos xyeem mem tes rau daim ntawv ntawd tias lawv yeej tau muaj cov kev sab laj cai lij choj tuaj nruab nrab txog tej txiaj ntsim yuav tau txais thiab yuav plam ntawm cov kev sib pom zoo li no lawm.”
Siv txwj laug los cov kev tsis haum xeeb
Cov nkawm niam txiv de facto couples los yeej zoo tib yam li tej nkawm niam txiv uas sib yuav raws kev raws cai uas muaj peev xwm siv txwj laug los sib kho kom muaj kev pom zoo rau ntau yam kev tsis haum xeeb cuam tshuam txog tej me nyuam thiab nyiaj txiaj.
Fiona Bennett yog ib tug neeg pab sab laj tawm tswv yim pab tej txij nkawm ntawm lub koom haum Relationships Australia ntawm xeev Western Australia (WA) hais tias cov kev siv txwj laug yuav pab kom ob tog muaj cov kev pom zoo uas ncaj thiab tau txais vaj huam sib luag thiab yuav tsis ua rau muaj kev tu siab.
Tom qab sib cais lawm ces, lub tsev txiav txim yuav ua tus los txheeb txog tej nyiaj txiaj li seb yuav faib tej peev txheej cuab yeej cuab tam li cas los yog yuav tau pab nyiaj txiaj rau tus niam tus txiv uas tsis muaj peev xwm pab tau nws tus kheej li cas.
Lub tswv yim qhia txog tej cai lij choj cuam tshuam txog tej cuab yig. Tej ntaub ntawv cuam tshuam txog tej cuab yig thiab rab rauj ntoo nyob saum rooj. Source: Moment RF / Rapeepong Puttakumwong/Getty Images
Greer hais tias “Yus yeej muaj peev xwm thov daim ntawv no txawm tias dhau lub sij hawm ntawd lawm. Tab sis kuj yuav muaj lwm yam uas yuav tau txheeb xyuas thiab yuav yog tej yam uas sib chab sib chaws dua.”
Hos lwm txoj xub ke uas muaj peev xwm ua tau ntawd ces, ib tug txij nkawm ntawm ob tug uas tau nyob ua ke dhau los yuav tsum muaj cov kev pom zoo ntawm ob tog ua ke thiab ua tib zoo xyuas kom muab cov kev pom zoo no teev raug kev raug cai thiab muaj ntaub ntawv teev tseg cia.
Greer hais tias “Muaj ob txoj xub ke muaj peev xwm ua tau li hais ntawd xws li hais kom tsev hais plaub uas tus phua thiab tswj tias yuav ua li cas rau tej nyiaj txiaj, los yog ob tug niam txiv ntawd muaj cov kev sib pom zoo ntawm ob tog ua ke.”
Txawm tias cov kev siv txwj laug los sib kho yeej yog ib co kev yeem thaj xwb. Los yog thaum ib tog twg pib cov txheej txheem no lawm, ces tus txwj laug ntawd mam li nrog lwm tus tham thiab nug tias seb nws puas pom zoo yuav mus koom sib kho.
Ib tug leej txi tab tom sawv ntawm qhov rooj ntawm tsev puag nws tus tub thiab fi rau tus leej niam uas tab tom npaj yuav mus hauj lwm tias mam sib ntsib dua. Credit: SolStock/Getty Images
“Peb xav totaub tias seb ob tug neeg no puas muaj peev xwm yuav los zaum tsaws sib tham ntawm tib chav ua ke, los sis yog tias tsis muaj peev xwm ua tau ces yam tsawg seb ho puas muaj peev xwm siv ib tug txwj laug tham sawv cev rau ib tog twg?
“Ces peb thiaj xav txheeb seb ho puas muaj teeb meem li hais ntawd. Kom ua tib zoo xyuas seb ho puas muaj tej teeb meem kub ntxhov hauv lub cuab yig cuam tshuam los yog hos puas muaj ib tug twg coj tej cwj pwm yuam thiab tswj lwm tus ua ntej yuav pib siv cov txheej txheem txwj laug sib kho.”
Qhov tseem ceeb tshaj plaws, ces tej txiaj ntsim yuav tau los ntawm cov kev siv kev txwj laug sib kho yuav pab kom nkawv muaj peev xwm los daws tau nkawv tej kev tsis haum xeeb yam li tej neeg paub tab.
“Vim yog yus pub mus sib hais hauv tsev hais plaub lawm, ces yuav siv cov txheej txheem txawv coj los txheeb txog tej kev tsis haum xeeb thiab cov kev yuav tau los sib cav sib hais.''
Ib nkawm niam txiv sib yuav txawv haiv nrog ib tug neeg sab laj daws teeb meem tsis haum xeeb tham txog nkawv lub neej. Tus poj niam neeg Asian tshab txhais tias vim li cas nws tus txiv thiaj tsis mloog nws hais. Thiab nws tus txiv nyo hau saib hauv pem teb vim nws txaj muag. Credit: FatCamera/Getty Images
Yog koj xav tau xov xwm kom ntxaws ntxiv txog tej cai lij choj cuam tshuam txog cov kev txij nkawm thiab cov kev taw qhia txog cov kev nrhiav ib tug kws lij choj ntawm koj lub xeev, ces mus txheeb tau , uas yog ib co kev pab cuam ntawm lub koom haum Law Society of NSW, uas yeej tau txais kev pab cuam los ntawm lwm lub koom haum lij choj thoob Australia, uas suav lub koom haum Law Institute of Victoria thiab Queensland Law Society nrog tib si.
Yog koj xav tau xov xwm kom ntxaws ntxiv txog txoj kev sib raug zoo ntawm tej cuab yig thiab ntau yam kev pab cuam uas muaj peev xwm pab koj, ces xav kom mus txheeb tau tsoom fwv Australia lub vas sab los yog hu rau tus xov tooj 1800 050 321.
Thiab puas yog tias koj tab tom ntsib kev phom sij?
Yog ces hu rau Emergency call tus xov tooj 000|Lifeline 13 11 14|National sexual assault, domestic violence counselling service tus xov tooj 1800 737 732.
