Lub limtiam kawg ntawm cov kev nrhiav suab sib tw tsoom fwv teb chaws xyoo 2025 no ces Labor qhia tias yuav nce nqe thov international student visa txog li $2,000 kom tau nyiaj $760 million txij tim 1 lub 7 hli ntuj xyoo no mus uas lwm pab nom teb chaws tau qhia tias nws yuav nce tej nqe no txog 3 npaug.
Yuav txug kom tau $6.4 billion los ntawm cov kev tsis siv tej consultant, contractors thiab ntiav neeg ua hauj lwm, nrog rau tej nqe ntoj ncig, tos txais qhua thiab property kom thiaj txo tau tej nuj nqe ntawm $151.6 billion los ua $150.5 billion.
Labor kuj yuav txo se $1,000 kiag rau tej nyiaj siv cuam tshuam txog tej hauj lwm uas yuav tau siv nyiaj txog $2.4 billion.
Nws hais tias ''nws yeej tau kho tus tsoom fwv dhau los tej kev nkim kom txuag tau nyiaj puag xyoo, ces thiaj tau nyiaj los pab daws tej teeb meem nuj nqe siv ua lub neej, pab tej nyiaj puag xyoo, pab kho Medicare, tsim vaj tse, txo income tax thiab txo tej nuj nqe HECS''
Jim Chalmers thiaj hais kom lwm pab nom teb chaws qhia seb nws yuav siv nyiaj li cas los ua ntau yam kev txhim kho Australia.
Tab sis Angus Taylor uas yog tus nom tswj nyiaj txiaj rau lwm pab nom teb chaws hais tias Labor cov kev siv nyiaj ntau ua rau Australia yuav muaj teeb meem rau nws cov AAA credit rating thiab hais tias ''Labor yuav ua rau tej nyiaj puag xyoo poob peev txog 10 zaus txog li $180 billion uas yuav ua rau peb tiv nuj nqes $1.2 trillion.''
Ces hnub tim 1.5.2025 no Angus Taylor thiaj tau qhia txog pab nom koom tswj (Coalition) tej nyiaj yuav siv los ua ntau yam program li:
- Tsis txo Labor cov tub kawm tej nuj nqe $16 billion.
- Txo se rau tej neeg muaj nyiaj super tshaj $3 million.
- Txiav cov nyiaj $10 billion Housing Australia Future Fund
- Txiav cov nyiaj $20 billion txuas xov thiab tsa nce hluav taws xob siv.
- Txo se rau tej laguam khawb cov critical mineral thiab tsheb siv hluav taws xob kom pheej yig.
- Txiav tej nyiaj uas tsoom fwv teb chaws yuav tsim Subruban Rail Loop ntawm Melbourne.
Tab sis kuj tsis hnov nws tham dab tsi txog tej nyiaj yuav siv los tsim cov nuclear power plant li cas.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
