Cov kev sib teev theev zum 4 thiab yog zum kawg ntawm ob tug coj ntawm ob pab nom tseem ceeb li the Australian Labor Party (ALP) thiab lwm pab nom teb chaws (Coalition - LNP) kuj tau xaus lawm thiab tej neeg no tau hais tias thawj pwm tsav Anthony Albanese yeej lawm, tab sis yeej muaj ib txhia hais tias lawv mam xav seb yuav xaiv pab nom twg rau hnub xaiv tsa.
Thawj pwm tsav Albanese hais tias ''Labor yeej muaj tswv yim yuav los txhim kho Australia lub neej pem suab tsis yog yuav rov qab ua lub neej li yav tag los ces Labor thiaj yog pab nom tsim nyog ua nom rau lub caij tsis paub tias xyov ntiaj teb yuav zoo li cas.
Nws hais tias ''Labor muaj tswv yim los daws tej nuj nqes siv ua lub neej tam sim no, nqes peev rau yav pem suab, txo se rau txhua tus neeg ua hauj lwm them se, kho kom siv tau Medicare zoo tuaj ntxiv, suav cov 1800Medicare line, thiab tsim ntau yam khoom siv ntawm Australia no, txo tej tub kawm tej nuj nqe txog 20 feem pua thiab pab kom tej neeg tsuas siv nyiaj 5 feem pua ntawm tej nqe tsev mus yuav tsev nyob xwb.''
Tab sis Peter Dutton liam tias thawj pwm tsav yog tus ua rau tej nqe siv ua lub neej kim tuaj thiab ua rau neeg Australia ua tsis tau lub zoo neej thaum Labor tseem ua nom.
Nws cav tias ''Cov kev xaiv tsa no ces yuav qhia tias seb leej twg muaj peev xwm tswj tau Australia tej lagluam zoo, tswj kom nyiaj poob nqe tsawg. Thiaj yuav pab tau peb tej cuab yig tej nuj nqes siv ua lub neej uas tus tsoom fwv no tau tsim. Peb nyob rau lub teb chaws zoo tshaj plaws hauv ntiaj teb tab sis txom nyem heev tam sim no. Ua rau tej neeg tsis muaj peev xwm them nqe siv tsheb rau lub caij 3 xyoos uas tus tsoom fwv no tseem ua nom.''
Cov kev sib teev theev no thiaj cuam tshuam txog ntiag tug thiab ua rau Mr Albanese hais tias Peter Dutton ''yeej muaj peev xwm tawm tsam tau nrog kuv, tab sis kuv yuav tsis cia nws tawm tsam nrog tej neeg ua hauj lwm tej nyiaj hauj lwm, los yog tej nqe zov me nyuam pheej yig, tej free TAFE uas pab kom tej neeg muaj cib fim ua neej, kuv yuav tsis cia nws dim dawb dim do ntawm nws cov kev tswj lagluam uas tsis muaj laij thawj no.''
Mr Dutton los kuj tsis xav kom siv ob tug chij li neeg txum tim tus thiab Australia tus vim lwm lub teb chaws tsis ua li ntawd nthaum nws raug nug. Thiab nws kuj hais tias zoo li ua tej kev cai Welcome to Country ntau dhau heev lawm thiab kuj hais tias Albanese cov hauj lwm Voice Referendum ua rau muaj kev sib twg tswj rau Australia.
Tab sis Albanese hais tias tej no yog neeg txum tim thov kom ua thiab tej koom txoos kev cai yog ib co kev hwm Australia tej kab lis kev cai uas qub tshaj plaws hauv ntiaj teb no xwb.
Thiaj muaj tej neeg tseem tsis tau txiav txim tias yuav xaiv pab nom twg txog 60 feem pua hais tias Albanese yeej thiab tsuas muaj tej neeg no txog 25 feem pua thiaj tias Dutton yeej txawm li cas los yeej tseem muaj tej neeg no txog li 15 feem puas ntawm tej neeg no hais tias lawv tseem tsis tau paub tias yuav xaiv leej twg.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
