Xov xwm luv tshaj tawm hnub zwj Feej (Wednesday news 30.04.2025):
Penny Wong uas yog Australia tus nom txawv teb chaws tau muab cov kev tawm suab kho txhooj cai tswj haiv seb puas kam pub neeg txum tim muaj suab hauv tsev tsoom fwv uas ua tsis tau xyoo 2023 piav tias muaj ntsis zoo tib yam li cov kev tawm suab rau cov hauj lwm same sex marriage xyoo 2017.
Anglicare Australia hais tias tej nqe tsev kim uas tsis tshua muaj peev xwm ntiav tau nyob tau ua rau neeg Australia yuav tau yoo ntau plua hno. Nws cov kev teeb txheeb tshiab hu ua Rental Afforadability Snapshot tshiab qhia tias muaj tej neeg ua hauj lwm full time uas khwv tau nyiaj minimum wage tsawg dua 1 tug ntawm 100 tus thiaj muaj peev xwm ntiav tau tsev nyob xwb. Nws cov kev tau mus txheeb tej tsev txog li 51,000 lub uas coj mus ntiav rau tej neeg nyob ces pom tau tias tsuas muaj tej neeg ua hauj lwm full time tau nyiaj minimum wage txog li 0.7 feem pua thiaj muaj peev xwm ntiav tau nyob xwb, thiab muaj tej neeg age pensioner txog li 0.3 feem pua thiaj muaj peev xwm ntiav tau tsev nyob xwb.
Meskas tus President Donald Trump tau tso kev dav me ntsi rau nws tej se tsub rau tej tsheb xav muag rau Meskas thaim nws tau siv lub fwj chim executive order siv cov kev tsub se thiab txo se pab rau tej khoom ntau yam. Thiaj tau muaj cov kev pauv hloov no ua ntej yuav siv cov se 25 feem pua tshiab tsub rau tej khoom siv coj los kho tsheb.
Tau muaj ib tug kis ntawm lub koom haum Employment Rights Legal Service hasi tias muaj ib tug neeg ua hauj lwm hu ua Mila uas ua hauj lwm ntawm ib lub tsev tos qhua pw ib hmo thiab tau ib pluas tshais noj tsis tau nyiaj hauj lwm dab tsi tsuas tau ib lub txaj pw thiab cov plua hno noj xwb, thaum nws tau qhia rau tsev tsoom fwv xeev New South Wales cov kev txheeb txog cov kev yuam neeg ua qhev tiam neej vam meej no uas tseem muaj tej neeg tsiv teb tsaws chaw coob raug yuam siv yam tsis raug kev raug cai.
Australia tus thawj pwm tsav Anthony Albanese hais tias nws yuav hu xov tooj mus nrog Meskas tus President Donald Trump tham kom sib khom txog Meskas cov kev tsub tej se 10 feem pua rau Australia tej khoom xa muag rau Meskas yog tias nws yeej cov kev xaiv tsa tsoom fwv teb chaws Australia hnub zwj Cag (Saturday) tim 3 lub 5 hlis ntuj xyoo 2025 no.
Australia lub koom haum tswj cov kev xaiv tsa (Australian Electoral Commission - AEC) tau qhia tias nws tsis tau muab Australia tej neeg xaiv nom tej xov xwm coj mus qhia rau ntau cov pab nom rau lub limtiam kawg uas pheej muaj ntau pab nom xa xo (text message) rau tej neeg xaiv nom.
Pierre Poilievre uas yog tus coj ntawm Canada lwm pab nom teb chaws tau swb thiab tsis yeej cov kev sib tw nom los ua tsoom fwv tom qab nws tau swb nws lub rooj nom Ontario. Thaum xub mas zoo li nws yuav yeej tab sis lub caij 3 lub hlis dhau los thaum Trump hawv tias yuav muab Canada ua Meskas lub xeev 51 thiab tau tsub tej se rau nws tej khoom xav muag rau Meskas ces thiaj ua rau muaj tej neeg tig mus xaiv Mark Carney ntau tuaj ntxiv vim nws tau cog lus tias yuav ua nruj tsiv pauj Meskas.
Nplog lub tuam chav tswj dej num noj qab haus huv koom nrog zejzog pej kum haiv lub koom haum Save the Children nrog ntiaj teb lub koom haum tswj dej num noj qab haus huv yuav tsim ib co projects coj los pab Nplog cov me nyuam kom ntxeem dhau tej xwm txheej ntau yam cuam tshuam txog huab cua li mob nkeeeg thiab qoob loo kom thiaj tau txais kev noj qab haus huv rau Nplog tej me nyuam thiab ntxeem dhau tej mob npaws yoov tshaj cum, raws plab thiab tsis tau zaub mob noj txaus ua rau cob pob raws li Vientiane Times tshaj tawm.
Thaib lub txhab nyiaj Bank of Thailand tau qhia tias yuav ua tib zoo los txheeb seb puas yog tim tej neeg ntiag tug muaj feem ua rau lawv raug neeg phem ntxias dag poob nyiaj rau lub caij yuav los txheeb tej chaw siv nyiaj thiab tej txhab nyiaj tias seb muaj feem xyuam li cas rau tej xwm txheej no raws li Bangkok Post tau tshaj tawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
