Ntsiab lus tseem ceeb:
- Tau tsim cov Closing the Gap xyoo 2008 coj los daws tej neeg txum tim Aboriginal and Torres Strait Islander tej kev tsis tau txais vaj huam sib luag rau neeg txum tim tej kev noj qab nyob zoo thiab muaj txoj sia ntev.
- Xyoo 2020 thiaaj tau rov qab kho lub tswv yim no kom tej neeg txum tim Aboriginal and Torres Strait Islander tej zejzog muaj feem koom txiav txim siab.
- Kuj ua tau qhov zoo thiab tseem tshuav ntau yam ua tsis tau zoo, li ua tau 5 lub hom phiaj tab sis yeej tseem muaj tej neeg txum tim raug kaw laj cuj thiab txov txo tus kheej coob tuaj ntxiv thiab phem tshaj qub ntxiv.
- Only five out of 19 targets are currently on track.
Ntau xyoo thaum tseem ntxov: yog cov kev nqua hu kom tau txais vaj huam sib luag
Tau pib tej hauj lwm no xyoo 2005 thaum zeskais (Professor) Tom Calma uas yog ib tug neeg tau txais lub meej mom Order of Australia (AO) thiab yog ib tug laus neeg txum tim tau los qhia txog nws tsab ntawv cej luam Social Justice Report. Nyob rau tsab ntawv no nws tau nqua hu kom tau txais vaj huam sib luag rau neeg txum tim Aboriginal and Torres Strait Islander rau ib tiam neeg —uas yog lub caij 25 xyoos.
Thiaj tau ua rau muaj zej tsoom txhawb nqa nws tsab ntawv cej luam no. Txog xyoo 2007 ces Cathy Freeman thiab Ian Thorope uas yog Australia 2 tug neeg sib tw Olympics thiaj tau koom txhawb nqa kom ua tej hauj lwm no.
Freeman hais tias ''Nod yog tej yam uas peb muaj peev xwm ua ib yam dab tsi hnub no ua ke los sib pab ib tug twg...los yog pab lwm tus.''
CANBERRA, AUSTRALIA - FEBRUARY 13: Australian tus thawj pwm tsav ntsib Raymattja Marika tom qab hais lus thov txim ntawm Australia lub tsev tsoom fwv rau tej neeg txum tim Aboriginal uas tsis tau txais kev ncaj ncees rau lub caij 200 xyoo uas tej neeg dawb tau tuaj nyob teb chaws no. Rudd cov kev thov txim thiaj raug xam tias yog ''cov kev lees paub tej kev txhaum dhau los'' ua tau muaj rau neeg txum tim tag nrho hais tsi ntsees rau cov neeg raug nom tswv muab cais tawm ntawm lawv tsev neeg coj mus tu thiab qhuab qhia ''Stolen Generations'', ua lub caij ntawd yeej tau muaj tej me nyuam neeg txum tim Aboriginal ntau caum txheeb tus raug tej tsoom fwv muab lawv cais tawm ntawm lawv tsev neeg coj mus tu thiab qhuab qhia rau lwm qhov chaw txij xyoo 1910 txog rau thaum ntxov lub caij xyoo 1970s, kom lawv txia haiv mus poo thiab koom ua lub neej nrog tej neeg dawb. (Photo by Andrew Sheargold/Getty Images) Credit: Andrew Sheargold/Getty Images
Thawj cov tswv yim Closing the Gap strategy ua raug tsim
Xyoo 2008 ces thawj pwm tsav Kevin Rudd thiaj tau muab cov tswv yim Closing the Gap strategy coj los ua nom tswv ib co hauj lwm raws kev raws cai. Tib lub xyoos ntawd nws thiaj tau los hais lus thov txim rau ntau phaum neeg Stolen Generations.
Lub hom phiaj chiv keeb ntawm cov tswv yim Closing the Gap strategy yog ua 7 yam hauj lwm tseem ceeb li —muaj txoj sia ntev, yug tau me nyuam tsis tsis txob tas sim neej, kev kawm thiab hauj lwm ua. Ces thiaj muaj kev cia siab tias thaum rov qab los ntsuam tej hauj lwm no rau lub caij 10 xyoo ces yuav pab tau tej hom phiaj no kom zoo tshaj qub ntxiv.
Ces txhua lub xyoo txij ntawd los tus thawj pwm tsav uas yog tus nom lub caij ntawd thiaj yuav tau los qhia ib tsab ntawv cej luam tias seb txheeb tau tej hauj lwm no li cas lawm.
Xyoo 2019 lub caij uas Scott Morrison tseem yog thawj pwm tsav ntawd ces nws kuj tau qhia txog tej hauj lwm Closing the Gap ua tau 12 xyoos tias:
“Yog ib zaj dab neeg uas muaj kev vam, kuj yog ib co kev meem txom thiab yog ib co kev tu siab thiab — txawm li cas los kuj yog ib zaj dag neeg uas muaj tej hom phiaj zoo thiab muaj kev cia siab mus rau kis zoo. Tab sis yeej tseem ua tsis tau tej hauj lwm zoo txaus. Tej no thiaj yog qhov tseeb uas txaus tu siab heev...Peb tau txhawb nqa tej cwj pwm thiab tej kev xav yuam kev ua ntuv zus...thiab tej no yog tej uas peb tab tom muaj cov kev pauv hloov ua ke tam sim no nrog neeg txum tim Australia raws tej txheej txheem no.''
SCOTT MORRISON CLOSING THE GAP PRESS CONFERENCE Credit: AAPIMAGE
Tej tswv yim nyob rau txoj kev tshuam
Thiaj tau hloov tej tswv yim los ua tej hauj lwm no dua tshiab. Thiab raug muab tej tswv yim no kho dua tshiab thiab tis npe tshiab hu ua National Agreement on Closing the Gap, uas hloov ntawm tsoom fwv pheej yog tib tug nrhiav tswv yim los ua tej hauj lwm no tig mus tsim kev koom tes tiag tiag nrog neeg txum tim tej zejzog.
Lub koom haum the Coalition of Peaks—ces yog ib lub koom haum uas muaj neeg txum tim Aboriginal and Torres Strait Islander tej zejzog tshaj 80 ua tus tswj—uas raug tsim tsa tawm los ntawm cov kev koom tsim thiab siv dua lub tswv yim tshiab.
Uas siv lub tswv yim yooj yooj yim li: tsis hais yog yuav tsim ib tsab cai dab tsi twg los siv li, tsis tsim nyog nom tswv ua tus tsim xwb—tab sis tsim nyog tej zejzog yog cov muaj feem koom nrog tsim tsab cai ntawd coj los siv.
Thiaj tau muaj cov kev pom zoo tshiab no raws uas yuav ua kom tiav txog rau xyoo 2031. Tej hom phiaj no ces muaj raws li no:
- Tej me nyuam yug tau los tau txais kev noj qab nyob zoo thiab tsis muaj mob.
- Tej tub kawm yuav muaj peev xwm kawm raws li qhov lawv lub tsab peev xwm kawm tau.
- Tej hluas raug plaub ntug raug rau txim thiab kaw tsev laj cuj tsawg zog.
Tsis tas li ntawd los kuj yog ib co hom phiaj uas siv tau ntxaws nthuav dav dua tsis yog tsuas kub siab txog tej kev noj qab haus huv xwb, tab sis tseem kuav txog tej vaj tse, caij lij choj, kab lis kev cai thiab cov kev tau ua hauj lwm.
Pat Turner uas yog tus tswj lub koom haum the Coalition of Peaks nrog tej neeg nthuav xov xwm tham lub caij sab laj ntawm tsev tsoom fwv ntawm tuam ceeb Canberra. Source: AAP / LUKAS COCH/AAPIMAGE
Tam sim no ho ua tau tej hauj lwm no li cas lawm?
Twb yuav laug tau ib tiam neeg txij li thaum Tom Calma nqua hu kom muaj kev pauv hloov. Thaum ntawd ces yeej tseem muaj kev sib tu ncua deb heev rau cov kev muaj txoj sia ua lub neej nyob ntev ntawm neeg txum tim thiab lwm cov neeg Australia txog li ntawm 11 xyoos. Tab sis niaj hnub no ces tsuas tu ncua txog li ntawm 8 xyoo lawm xwb. Txawm li cas los kuj yog tej yam txaus txhawj xeeb heev tias zoo li tej hauj lwm no kuj rov qab tig mus rau txoj xub ke yuam kev lawm thiab.
Raws li , ces yeej ua tau qee yam zoo tuaj ntxiv lawm. Uas yeej muaj peev xwm ua tau 11 co hom phiaj ntawm 19 cov tau zoo dua tuaj ntxiv lawm thiab. Tab sis tsuas muaj 5 co tam sim no thiaj ua rau raws li tej hom phiaj xwb.
Tsis tas li ntawd los kuj muaj qee yam ua tau zoo tuaj ntxiv lawm thiab: li muaj tej me nyuam yug tshiab ntau tuaj ntxiv muaj ceeb thawj zoo lawm, thiab muaj tej hluas tab tom kawm tiav xyoo 12 ntau tuaj ntxiv los yog kawm ib yam dab tsi uas sib nrawg nroos li kawm xyoo 12.
Tab sis yeej tseem muaj qee yam uas txaus txhawj xeeb li muaj cov kab theem tua tus kheej ntau tuaj ntxiv, thiab muaj tej neeg hnoob nyoog 18 xyoo rov sauv raug kaw tsev laj cuj ntau tuaj ntxiv.
Pat Turner ntawm lub koom haum the Coalition of Peaks thiaj hais tias ''Peb yuav tsum tau kub siab ua tej hauj lwm no txuas ntxiv mus,''
“Cov hauj lwm Closing the Gap no tseem ceeb tshaj tej statistics lawm. Vim yog tham txog tej neeg lub neej, tham txog tej cuab yig ruaj khov thiab lub neej pem suab zoo tshaj qub ntxiv...Yog tej yam ua tib zoo xyuas kom peb tej me nyuam loj hlob tuaj tau txais kev noj qab nyob zoo thiab txaus siab hlo thiab sib cuag tau nrog lawv tej kab lis kev cai”.
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
