SBS Examines: Tej kev tsis nyiam tej neeg muslim txhua hnub ntawm txoj kev ua lub neej

A single Muslim woman walks through empty big city rear view.

The Islamophobia Register Australia received 749 incident reports in the past year. Source: Getty / Alexey Emelyanov

SBS Hmong

View Podcast Series

Get the SBS Audio app

Other ways to listen

Lub caij uas tseem muaj tsov rog Israel-Hamas ces tau muaj tej xwm txheej tej neeg tsis nyiam tej neeg Muslims ntawm teb chaws Australia ntau tuaj ntixv lawm - tsis hais cov kev hais lus thuam saib tsis taus, cov kev ntau lub cev ntaj ntsug los sis cov kev hais lus phem rau tej neeg no hauv online. Yog li ne ho yuav muaj teeb meem dab tsi ntev rau tej neeg raug tej xwm txheej no thiab ho yuav muaj peev xwm ua tau dab tsi los tiv thaiv kom tsis txhob muaj tej xwm txheej no?

Mloog tau tej zaj lus thiab lwm yam xov xwm ua lus Hmoob tau ntawm

SBS Hmong | SBS Hmong

Islamophobia ces yog hom kev ntxub ntxaus thiab cais ib tsav neeg twg uas txhob txwm ua rau tej neeg vim lawv yog neeg Muslims los yog pheej ua rau ib tug twg xav tias ib tug neeg twg yog neeg Muslims.

Dr Nora Amath uas yog tus coj lub koom haum Islamophobia Register Australia tau hais tias tau muaj tej xwm txheej neeg ua phem rau tej neeg Muslims tshaj 1300 feem pua txij thaum tau muaj tej xwm txheej uas Hamas tau tua sab qab teb ntawm teb chaws Israel txij hnub tim 7 lub 10 hli ntuj 2023.

Tab sis nws yeej tau hais tias yeej tseem muaj tej xwm txheej no ntau heev tau tshwm sim uas tej neeg yeej tsis qhia rau nom tswv paub li thiab.

“Thiaj pom tias muaj ib txhia neeg Muslims ntseeg tias tej zaum tej xwm txheej yog yog ib feem ntawm cov kev yog neeg Muslims ntawm lub teb chaws no - uas yus yuav tau nyiaj thiab yuav tau ntxeem nrog tej kev ntxub ntxaug no.''

Dr Amath tau hais tias txaus tu siab heev uas Islamophobia ras los ua ib co xwm txheej muaj txhua hnub rau tej neeg Muslims txoj kev ua lub neej ntawm teb chaws Australia no lawm - hais tsi ntsees rau tej poj niam uas raug lwm tus tsim teeb meem rau yuav laug txog 80 feem pua.

Nws tau qhia rau SBS Examines tias "Txhua txhua tus poj niam neeg Muslim uas kuv tau nrog tham, uas yog 100 feem pua, yeej tau ntsib tej xwm txheej raug lwm tus ua phem rau, tab sis lawv yeej tsis qhia rau nom tswv paub li,''

Dr Amath thiaj txhawb nqa kom tej neeg dua kev ua pom tej xwm txheej no, tej neeg uas raug lwm tus tsim tej teeb meem no rau, thiab tej neeg uas pab thiab txhawb nqa tej neeg raug teeb meem no yuav t sum tau qhia tej xwm txheej no rau lub koom haum Islamophobia to the Register.

"Peb xav xav kom nej paub tias nej muaj cai qhia tej xwm txheej no, thiab nej tsis tas pheej yuav ua lub neej nyob nrog tej xwm txheej no, thiab tsis tas lees txais tej xwm txheej no ntawm teb chaws Australia no.''

Tsoom xov xwm kaw uas suab SBS Examines no txheeb txog tej xwm txheej Islamophobia ntawm teb chaws Australia no.