Ntsiab lus tseem ceeb:
- Cov kev xaiv nom yog ib co yuav tsum tau ua ntawm Australia, tab sis koj yuav tsum teev npe mas thiaj muaj cai xaiv nom.
- Koj yuav tsum yog ib tug pej xeem Australia thiab muaj hnoob nyoog yam tsawg li 18 xyoo thiaj pub xaiv nom.
- Koj muaj peev xwm teev npau hauv online los sis sau ib daim ntawv teev npe.
- Australian Electoral Commission (AEC) lub vas sabyeej muaj tej xo xwm taw qhia ua ntau yam ntawv thiab muaj tej kev taw qhia ua tej ntawv Askiv yooj yim qhia yus.
Cov kev xaiv tsa tsoom fwv teb chaws yog ib lub cib fim rau yus siv yus lub suab qhia txog yus cov kev xav rau cov kev xaiv tsa tsoom fwv Australia.
Cov kev xaiv nom yog tej yam yuav tau ua ntawm teb chaws Australia, tab sis yuav tsum tau ua qee yam dab tsi ua ntej tso. Ib yam ntawm ntau yam ces yog teev zwm npe nrog lub koom haum tswj cov kev xaiv tsa (Australian Electoral Commission - AEC).
Kuv puas muaj cai teev zwm npe?
Txawm tias cov kev xaiv nom yog ib co uas neeg Australia feem coob yuav tsum tau ua, los yus yuav tsum tau mus txheeb tias seb yus puas muaj cai mus teev npe thiab. Evan Ekin-Smith uas yog tus kis ntawm lub koom haum AEC tshab txhais tias:
“Tsis hais ib tug twg li yog pej xeem Australia thiab muaj hnoob nyoog 18 xyoo los yog siab tshaj ntawd ces muaj cai teev zwm npe thiab muaj cai xaiv nom. Tab sis koj yuav tsum teev zwm npe yog tias koj xav xaiv nom.''
Thaum twg thiaj tsim nyog kuv teev zwm npe?
Yeej muaj cov kev txhawb nqa kom txhua tus neeg Australia tshiab mus teev zwm npe kom sai npaum li sai tau tom qab tau ras los ua pej xeem Australia lawm kom lawv thiaj muaj feem koom tawm tswv yim los txhim kho Australia lub neej pem suab.
Thiab tsuas pub teev zwm npe tau mus txog rau tom qab ib limtiam uas tau qhia tias yuav xaiv tsa hnub twg lawm xwb. Yog tias koj twb tau teev npe lawm, ces koj yeej muaj sij hawm ib limtiam qhia koj tej xov xwm tshiab li chaw nyob thiab npe tshiab rau lub koom haum AEC paub.
Mr. Ekin-Smyth hais tias “Tab sis koj yuav tau tos txog rau thaum qhia tias yuav xaiv tsa thaum twg tso — koj mam muaj peev xwm teev npe,”
Kath Gleeson uas yog tus lwm coj lub koom haum tswj cov kev xaiv tsa AEC hais tias qhov tseeb tiag koj tsis tas tos txog rau thaum koj muaj hnoob nyoog 18 xyoo es mam li teev zwm koj npe.
“Txij 16 xyoo ces koj yeej muaj peev xwm teev npe kom npaj txhij xaiv tsa nom tswv thaum koj muaj hnoob nyoog 18 xyoo.”
MELBOURNE, AUSTRALIA: Daim duab yees qhov chaw mus rau hauv lub chaw xaiv nom lub caij xaiv tsa nom tswv ua hauj lwm hauv tsev tsoom fwv thiab thawj pwm tsav ntawm Melbourne, Australia lub 5 hlis ntuj tim 28 xyoo 2019. Source: Anadolu / Recep Sakar/Anadolu Agency/Getty Images
Kuv yuav teev zwm npe li cas?
Koj muaj peev xwm sau ib daim ntawv hauv online thiab muaj peev xwm siv koj lub xov tooj tes (smartphone). Thiab cia li muaj peev xwm mus sau tau ntawm .
Yog tias yus tsis muaj internet siv, thiab yog koj nyiam ces koj muaj peev xwm hu rau AEC tus xoov tooj 13 23 26 kom lawv xa ib daim ntawv teev npe tuaj rau yus los tau.
Tab sis yus yuav tsum tau qhia yus lub cim thawj, ces thiaj yuav tau npaj yus daim ntawv qhia cim thawj (Identify card) kom txhij. Yus tsis tas luam ib daim tom nrog daim ntawv teev zwm npe, tab sis yuav yuav tau qhia qee yam xov xwm ntawm yus daim ID rau daim ntawv teev zwm npe ntawd.
Ms Gleeson hais tias tej zaum kuj yuav muaj peev xwm siv tau ntau yam ntaub ntawv los qhia txog yus lub cim thawj (Proving of identity), thiab yeej muaj tej xovxwm ntau yam ntawv ntawm
Nws hais tias “Tej neeg feem coob yeej siv lawv daim ntawv tsav tsheb (Driver's licence) xwb, tab sis yus yeej muaj peev xwm siv passport los yog Medicare card thiab,”
Ib lub thawv khaws cov ntawv xaiv nom nyob sab hauv ib lub chaw xaiv nom ntawm Collingwood ntawm Melbourne, Saturday tim 14 lub 10 hli ntuj xyoo 2023. Credit: CON CHRONIS/AAPIMAGE
Tej pej xeem tshiab yuav tsum tau siv lawv daim ntawv pov thawj ua pej xeem thaum teev zwm npe xaiv nom.
Thiab yog tias yus tsis muaj ib yam ntaub ntawv dab tsi li, los sis yog nrhiav tsis tau lawm, los yog poob lawm, ces yog tej yam tseem ceeb koj yuav tau ua tej ntaub ntawv no kom tau ua ntej tso. Vim lub caij tos kom tau tej ntaub ntawv no yeej sib txawv ntawm tej xeev thiab, uas tej zaum ces yuav tau tos ntev txog li 1 hlis diam.
Kuv puas yuav tau teev npe txhua zaus thaum muaj ib co kev xaiv tsa twg?
Thaum yus tau teev zwm npe nrog lub koom haum tswj cov kev xaiv tsa lawm ces yus yeej muaj peev xwm yuav xaiv nom tswv zos, nom tswv xeev thiab nom tswv teb chaws rau yav pem suab. Yog li ntawd thiaj tseem ceeb heev uas yuav tau xyuas kom yus tej xov xwm yus teev ntawd yog cov raug raws li qhov tseeb tam sim no.
Social media, cov kev sib cuag nrog lwm tus thiab ib tug poj niam tab tom ntau ntawv ntawm ib lub xov tooj tes nrog lwm tus tham thiab siv app. Tsis tas li ntawd los kuj muaj peev xwm siv tau website, nrhiav xov xwm, los yog nrog tej neeg ua hauj lwm tham, sib txuas lus, sib ntsib sib cuag raws tej xo sib xa moo ntawm ib lub mobile app. Credit: Delmaine Donson/Getty Images
Yog kuv mus nyob dua tsev tshiab ne?
Koj yeej muaj sij hawm 1 limtiam qhia rau peb paub tom qab qhia tias yuav xaiv nom hnub twg lawm.
Mr Ekin-Smyth hais tias “Peb mam xa ntawv ceeb toom rau koj seb peb puas tau txais xo li cas ntawm koj rov qab kom thiaj paub tias seb kom paus tau mus nyob dua lub tsev tshiab los tseem nyob lub qub,”
“Tab sis yog tej yam tseem ceeb uas tsis hais thaum twg li yog koj mus nyob tsev tshiab lawm los yog hloov npe tshiab ces koj yuav tau qhia tej xov xwm no rau peb paub.” Uas koj yeej cia li muaj peev xwm mus rau ntawm peb lub vas sab thiab qhia tej xov xwm tshiab rau peb paub xwb.
Yog tias koj tsis paub tseeb tias seb puas yog koj twb tau teev npe xaiv nom lawm ces txheeb tau ntawm los yog hu rau tus xov tooj 13 23 26 thov kev pab.
Leej twg muaj cai pab kuv sau ntawv teev zwm npe?
Ntawm AEC lub vas sab yeej muaj tej kev taw qhia tias leej twg yog cov neeg muaj cai pab thiab yuav teev zwm koj npe li cas, thiab tej xov xwm no yeej raug txhais ua koj hom ntawv. Tsis tas li ntawd los lawv yeej nrhiav neeg txhais lus hauv xov tooj pab yus thiab yeej muaj ib co lus taw qhia sau ua ntawv Askiv nkag siab tau yooj yim nrog tej duab qhia yus.
Tsis tas li ntawd los yeej muaj tej koom haum pab neeg tsiv teb tsaws chaw (Migrant Resource Centres) thiab lwm cov koom haum zejzog neeg coj ntseeg ntau yam kab lis kev cai lwm yam pab tej neeg xaiv nom thawj zaug pab yus teev zwm yus npe thiab.
Ces txhua tus neeg Australia tshiab tsim nyog ntseeg siab mus teev npe kom sai npaum li sai tau thaum lawv muaj cai xaiv nom lawm. Thiab kom ntseeg tias yeej yuav suav yus daim ntawv xaiv nom tsis hais yus yog leej twg li.
Yog tias kuv tsis teev zwm npe xaiv nom ne?
Cov kev sau ntawv xaiv nom yog tej yam yuav tsum tau ua ntawm teb chaws Australia no, thiab yog koj tsis mus xaiv nom ces tej zaum koj kuj yuav raug nplua thiab. Tab sis txawm tias yus yuav tsum tau xaiv nom, los yog tias yus tsis teev npe xaiv nom ces yus yuav tsis tau xaiv nom thiab.
los siv yog mus ntsib AEC ib lub chaw ua hauj lwm twg teev yus npe kom thiaj tau xaiv nom rau cov kev xaiv tsa tsoom fwv teb chaws xyoo 2025 no.
Subscribe los yog caum mloog tej xov xwm kaw ua suab Australia Explained kom paub txog ntau yam xov xwm tseem ceeb thiab tej lus taw qhia kom koj pib tau lub neej tshiab ntawm teb chaws Australia.
Yog tias koj muaj ib co lus nug dab tsi los yog muaj ib co tswv yim dab tsi? Ces xa email rau peb rau ntawm
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
