Xov xwm tshaj tawm hnub zwj Teeb (Thursday news 24.04.2025):
Dan Tehan uas yog tus nom tswj dej num tsiv teb tsaws chaws tau qhia meej tias tus tsoom fwv Dutton yuav txiav cov humaniatrian visas ua 12,000 daim thiab txo cov skilled migration ntawm 180,000 los ua 130,000 kom txo tau tej neeg tsiv teb tsaws chaws tuaj txog li 25%. Peter Dutton uas yog tus coj lwm pab nom teb chaws hais tias nws yuav tsis txiav cov parent visa 8,500 daim siv ib xyoos twg, thiab Tehan hais tias tseem siv cov partner visas li qub ntawm 45,000 daim ib xyooas twg, kom thiaj tos tau tej neeg muaj txuj ci uas xav tau tuaj ua hauj lwm li tej neeg txuas dej, gas, txuas hluav taws xob thiab tus tsom kwm lwm tus los yog ua hauj lwm ntoj ncig.
Ob pab nom tseem ceeb li pab nom Labor thiab Liberal National Party (LNP) tau hais tias yuav xyuas kom siv tau cov kev pab cuam daws teeb meem kub ntxhov hauv lub cuag yig kom nthuav dav tshaj qub ntxiv. Labor yuav xyuas kom tsis txhob muaj cov financial abuse thiab tsim kev kub ntxov thiab tsis pub tej neeg tsim kev kub ntxhov siv tax thiab corporate system tsim nuj nqe yuam lwm tus. Hos pab nom koom tswj los kuj qhia tias yuav siv nyiaj $90 million los pab kom tub ceev xwm muaj fwj chim txheeb thiab faib tau tej xov xwm tsim kev kub ntxhov thiab txheeb tau cov teeb meem no tshiab uas pheej siv technology tsim teeb meem rau lwm tus. Peter Dutton hasi tias cov kev raus tes rau no yog xav kom txiv neej muaj feem nrog daws tej teeb meem no li ua ib co qauv piv txwv zoo rau peb tej me nyuam li peb tej tub thiab kom peb kub siab txog tej teeb meem no uas tshwm sim ntawm tej chaw ua hauj lwm, ntawm tsev los yog ntawm zejzog.
Labor tau cog lus tias yuav siv nyiaj $1.2 billion los xyuas kom khaws tau ib co mineral tseem ceeb thiab rare earth ntau heev siv vim Australia yog ib lub teb chaws ntawm ntau lub uas muaj tej no ntau coj los siv ua batteries, tsheb siv hluav taws xob thiab renewable energy technology. Mark Butler thiaj hais tias cov hauj lwm no yuav pab kom muag tau nyiaj rau Australia ntawm ntiaj teb tej kiab khw uas Japan thiab South Korea yeej xav kom yuav tau tej khoom no siv ntawm ib qho chaw yuav tau ruaj.
Yog tias pab nom koom tswj raug xaiv ua tsoom fwv Australia tshiab uas yog tsoom fwv Dutton ces nws yuav tsim pawg neeg Special Envoy for Hostage Affairs coj los pab thiab nrog txheeb tej neeg Australia uas raug tej nom tswv txawv teb chaws muab txhom kom tso tau lawv rov qab los tsev.
Tau muaj xov xwm tshaj tawm ntawm xeev Minnesota tias tsev kis xeev siab (Senate) tau tawm suab pom zoo tsim tsab cai los lees paub Hmoob thiab Nplog cov qub tug rog ua tau pab CIA cov tsov rog Secret War rau lub caij muaj tsov rog Vietnam War kom raug lees paub thiab muaj cai coj mus zais ntawm Meskas tej tub rog tej tsev yeeb, tab sis tseem yuav coj mus sab laj ntawm tsev kis xeev qes ntxiv seb puas pom zoo tsim coj los ua cai siv li cas.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
