Xov xwm ntawm lub limtiam tshaj tawm rau hnub zwj Quag (Weekly news presents on Tuesday 20.04.2025):
Pat Anderson A-O uas yog ib tug poj niam neeg txum tim nto npe thiab yog ib tug coj neeg txum tim tseem ceeb uas tau ua tus koom tswj sau cov Uluru Dialogue tau liam Australia tej nom tswv tias yog tus tau siv Australia tej neeg txum tim Aboriginal thiab Torres Straight tej kab lis kev cai los ua ib co laj fai kum xeeb tom qab ob tug coj ntawm lwm pab nom teb chaws tau tib tsis pom zoo txog cov koom txoos Welcome to Country, uas nws hais tias tsis yog tos txais tej neeg tuaj rau Australia tab sis tsuas yog ib co kab lis kev cai thiab yog cov kev tos txais tej neeg msu rau ntawm ib thaj chaw twg ntawm lub teb chaws no xwb. Petter Dutton tau hais tias tau ua tej kev cai no ntau tshaj qhov tsim nyog lawm qee tus nom tseem ceeb ntawm tsoom fwv Albanese tau liam Mr Dutton tias txhob txwm ua ko tsis muaj kev haum xeeb rau tej kab lis kev cai.
Ammar Hijazi uas yog Palestinian tus ambassador ntawm Netherlands tau liam Israel tias ua txhaum pej kum haiv cai vim nws mus txheeb lwm tus tej nrim av. Nyob rau ib rooj plaub ntawm zejzog pej kum haiv lub chaw hais plaub International Court of Justice ntawm tuam ceeb Hague ces Mr Hijazi tau hais tias Israel tab tom uas rau tej neeg Palestinian tuag tshaib, tua lawv thiab ua rau lawv tawg ua sab ua sua, tsis tas li no los tseem txawv txiav tsis pub xa tej khoom mus pab cuam thiab.
Txij hnub zwj Teeb no mus ces yuav muaj neeg Australia txog li 30,000 tus yuav muaj peev xwm yuav tau cov tshuaj ketomine hu ua Spravato pheej yig zog siv, cov tshuaj no ces yog noj kho daws cov teeb meem nyuaj siab ntxhov plawv uas mob los ntev.
Labor cog lus tias yog nws yeej cov kev xaiv tsa tsoom fwv teb chaws hnub tim 3 lub 5 hlis ntuj xyoo 2025 no rov qab los ua tsoom fwv Australia ua zaum ob ntxiv ces nws yuav tshwm nyiaj $25 million los pab 600 lub community language school qhia cov ntawv ntau yam ntawm cov neeg zejzog Asia ntawm teb chaws Australia no rau tej tub kawm coob tshaj 90,000 tus tau kawm lawv tej ntawv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
