Xov xwm luv tshaj tawm hnub zwj Feej (Wednesday news 14.05.2025):
Jane Hume uas yog tus nom tswj hauj lwm nyiaj txiaj ntawm pab nom Liberal Party hais tias cov kev xaiv Sussan Ley los ua tus coj pab nom no yog ib co kev pib tshiab tom qab nws tau yeej cov suab ntau dua Angus Taylor uas yog tus nom tswj nyiaj txiaj rau lwm pab nom teb chaws thaum tawm suab xaiv nag hmo. Ted O'Brien uas yog pab nom Liberal tus lwm coj tshiab kuj tsis kam qhia tias seb nws pab nom puas yuav txhawb nqa tej hauj lwm nuclear energy ntawm teb chaws Australia.
Penny Wong uas yog Australia tus nom tswj dej num txawv teb chaws hais tias Russia cov kev xav koom tes tub rog nrog Indonesia tsis muaj feem cuam tshuam nrog Australia thiab Indonesia cov kev sib raug zoo. Thawj pwm tsav Anthony Albanese tseem yuav yav dav hlau (5 pm - 14.05.2025) mus ntsib President Prabowo Subianto tham txog ntiaj teb tej lagluam thiab tej kev tsis haum xeeb, thiab Indonesia cov kev sib raug zoo nrog Suav thiab Russia rau nws cov kev mus txawv teb chaws thawj zaug tom qab tau rov qab los ua tsoom fwv teb chaws zaum ob.
Lub koom haum Parents for Climtate tab tom coj lub tuam txhab EnergyAustralia mus hais plaub ntawm NSW lub tsev hais plaub Federal Court hnub tim 14.05.2025 no liam tias lub tuam txhab no dag tej customers txog lawv tej khoom tias tso tej emissions tsawg.
UN tau zoo siab heev rau Meskas cov kev xaus cov kev rau txim rau Syria tom qab Meskas tus coj Donald Trump tau ntsib Saudi Arabia tus tub huab tais Mohammed bin Salman ntawm Riyadh thiab muag riam phom rau Saudi raug nyiaj tshaj $200 billion uas Saudi tus tub huab tais hais tias yuav siv nyiaj $600 billion nqes peev lagluam ntawm teb chaws Meskas.
Friederich Merz uas yog Germany tus coj tau ceeb toom rau Russia tias yog nws tsis kub siab xyuas kom tsim tau kev thaj yeeb rau Ukraine limtiam no ces tej zaum yuav rau txim lagluam ntxiv rau Russia. Volodymyr Zelenskyy uas yog Ukraine tus coj yeej xav kom tau ntsib Mr Putin tim ntsej tim muag hnub Thursday (15.05.2025) ntawm teb chaws Turkey kom xaus tsov rog.
Tsoom fwv NSW tseem yuav xyuas kom pom zoo tso cai rau tej midwives thiab nurses tso cai sau tau tej tshuaj siv pab rho me nyuam rau tej neeg nyob zos toj siab tom qab Greens tus nom MP Amanda Cohn coj tsab cai los sab laj vim pom tias zoo li tej neeg rho me nyuam ntawm lub xeev no tej zos toj siab tseem raug cais.
Penny Wong uas yog Australia tus nom tswj dej num txawv teb chaws tsis pom zoo nrog Sussan Ley uas yog tus coj ntawm pab nom Liberal tej lus tias tsoom fwv Labor tej tswv yim tswj ntau yam xwm txheej cuam tshuam txog neeg Jews yuav ua rau tsis muaj kev koom npoj, thiab tau qia rau SBS tias tus coj ntawm pab nom Liberal tsis tsim nyog yuav siv tej xwm txheej txawv teb chaws kom nws tau txiaj ntsim rau tej laj fai kum xeeb.
Cob Tsib npaj yuav tsim lub tshav dav hlau Phu Qouc International Airport nyob sab qab teb hnub poob ntawm teb chaws Nyab Laj ntawm Gulf of Thailand coj los txhawb nqa tej lagluam ntoj ncig raws li Tuoitre News qhia.
Nom tswv Nplog tau qhia tias nws tseem yuav tsim kom tau cov system hu ua Online Dispute Resolution coj los tswj tej lagluam e-commerce kom tsis txhob muaj teeb meem dab tsi rau tej kev lagluam yuav thiab muag khoom hauv online raws li Vientiane Times tau tshaj tawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
