Thawj pwm tsav Anthony Albanese thiab pab nom Labor tau rov qab los ua nom tom qab uas tau yeej cov kev xaiv tsa tsoom fwv teb chaws (03.05.2025) uas yeej tej rooj nom feem coob — tab sis thaum twg thiaj yuav los siv tej cai uas nws tau cog lus no?
Labor tau yeej tej rooj nom feem coob ntawm thiab tam sim no ces yeej tau kwv yees tias yuav yeej tej roj nom yam tsawg li 92 lub piv rau pab nom koom tswj cov kev yeej li 40 lub rooj nom.
Pab nom no (Labor) yeej tau cog lus tias yuav los siv ntau tsab cai los ua ntau yam pab zej tsoom tsis hais kho cov kev kho mob kom siv tau zoo tshaj qub ntxiv, kev kawm thiab tej energy.
Nod yog thawm twg thiaj yuav ua tej hauj lwm li hais no:
Txo nuj nqe HECS
Labor tau cog lus tias yuav txo tej nuj nqe HECS 20 feem pua ces thiaj yuav txo tau tej nuj nqe uas neeg Australia txog li ntawm 3 million tus uas tau qev los kawm ntawv raug txo kom tsawg txog li ntawm $16 billion dollars.
Cov kev txo no ces yog txo tag nrho rau tej nyiaj qev kawm ntawv txhua yam li: HELP, VET Student Loan, Australian Apprenticeship Support Loans thiab lwm cov nyiaj qev pab rau tej tub kawm qev kom tau nyiaj siv.
Thaum uas tus tsoom fwv tau qhia txog nws tej cai lub 11 hlis ntuj tsaib no, ces lawv yeej tau hais tias yuav txo tej nuj nqe no pib txij hnub tim 1 lub 6 hli ntuj xyoo 2025, thiab tsis ntev los no ces Albanese yeej tau hais tias .
Txo se
Tej kev txo se yeej yog ib feem ntawm tus tsoom fwv Albanese tau qhia rau lub caij nws qhia nws tej nyiaj puag xyoo uas tus tsoom fwv Albanese tau cog lus tias rau txhua tus neeg Australia ua hauj lwm them se. Thiab tsab cai uas yuav los txo se no twb tau txais kev pom zoo siv hauv tsev tsoom fwv lub 3 hlis ntuj (2025) lawm.
Ces thiaj li yuav maj mam txo se ntau zaus li xub pib txo rau tej nyiaj khwv tau ntawm 16 feem pua los ua 15 feem pua txij tim 1 lub 7 hli ntuj xyoo 2026 mus.
Txij hnub tim 1 lub 7 hli ntuj xyoo 2027, ces yuav txo se ntawm 15 feem pua mus ua 14 feem pua (rau tej neeg khwv tau nyiaj ib xyoos twg txog $18,000 - $45,000).
Hos tej neeg ua hauj lwm uas khwv tau tshaj $45,000, ces yuav tau tej nyiaj los ntawm cov kev txo se xyoo 2026-27 txog li $268 thiab yuav tau nyiaj $536 rau xyoo 2027-28.
Cov kev txo se rau tej neeg ua hauj lwm ntawm tsev
Tsoom fwv Albanese tau cog lus rau tej neeg Australia ua hauj lwm ntawm tsev tias yuav muaj peev xwm claim tau nyiaj kiag $1,000 rau tej nqe siv cuam tshuam txog cov kev ua hauj lwm.
Albanese tau hais tias cov kev txo se no thiaj yuav pab kom ''tau tej nyiaj pab them nqe siv ua lub neej ruaj thiab xyuas kom thov tau se sai dua thiab yooj yim dua rau 5.7 million tus neeg ua hauj lwm them se.''
Tus tsoom fwv no tau hais tias cov kev txo se no yuav txo rau financial xyoo 2026-27.
Tub kawm pej kum haiv tej nqe thov visa
Labor yuav nce li nws tau qhia rau lub 4 hlis ntuj tias yuav nce tej nqe visa ntawm $1,600 mus ua $2,000, kom thiaj tau nyiaj coj los ua tej hauj lwm uas nws tau cog lus tseg rau lub caij tseem nrhiav suab sib tw xaiv nom.
Tej nqe thov visa siv uas kim tuaj ntxiv no thiaj yuav tau nyiaj txog li $760 million rau tsoom fwv tej nyiaj puag xyoo rau lub caij 3 xyoos thiab yuav pib sau tej nqe visa tshiab no txij tim 1 lub 7 hli ntuj mus.
Siv bulk billing kho mob
Cov bulk billing yog Labor ib co hauj lwm tseem ceeb coj los sib tw nrhiav suab xaiv nom uas cog lus tias , suav cov kev nrog xyuas kom siv tau cov bulk-billing nthuav dav rau tag nrho txhua tus neeg Australia thiab tsim dua ib cov kev them nyiaj tshiab coj los txhawb nqa tej chaw kho mob kom siv cov bulk billing rau txhua tus neeg mob.
Labor tau hais tias tej kev pauv hloov tshiab no yuav ua kom txhua txhua 9 cov kev mus ntsib tej kws kho mob ntawm 10 cov twg yog cov tau siv bulk billing mus txog rau xyoo 2030.
Ces thiaj yuav pib siv cov kev paub hloov rau tej nyiaj txhawb nqa tej chaw kho mob kom siv cov bulk billing thiab cov Bulk Billing Practice Incentive Program txij tim 1 lub 11 hlis ntuj.
LISTEN TO
Labor's new frontbench confirmed; leadership contests underway for Greens, Liberals and Nationals
SBS News
04:11
Roj teeb khaws tej phiaj ziab tshav tsim hluav taws xob siv (Solar batteries)
Tsoom fwv tau cog lus tias yuav los xyuas kom kom pheej yig dua rau tej cuab yig thiab tej lagluam me li los txiav tej nqe yuav tej batteries siv ntawm tsev.
Cov hauj lwm Cheaper Home Batteries Program thiaj yuav pab txo tej nqe nruab tej batteries ntawm tsev txog li 30 feem pua txij li hnub tim 1 lub 7 hli ntuj.
Pab them tej nqe zov me nyuam
Lub 2 hlis ntuj ces tsoom fwv Albanese tau tsim tau tsab cai uas pub tej cuab yig .
Tsoom fwv tau hais tias tej cuab yig uas khwv tau nyiaj txij $50,000 txog $100,000 yuav txuag tau nyiaj xam raws tus zauv nrab txog li ntawm $1,460 ib xyoos twg, thiab pab nom Labor yuav xav los nrog xyuas kom tsim kom tau cov universal child care rau Australia siv.
Ces thiaj yuav tsis siv cov activity tests ntxiv lawm, txhais tias tej niam txiv tsis tas ua hauj lwm los yog kawm ntawv xwb es thiaj mam muaj cai tau siv cov kev pab zov me nyuam (childcare subsidies).
Thiab yuav siv cov kev pauv hloov no txij lub 1 hlis ntuj xyoo 2026 mus.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
