Yog tias koj tseem tsis tau thov se xyoo 2023/24 financial year ces tam sim no txog caij yuav tau npaj lawm.
Australia lub tuam chav sau se (The Australian Taxation Office - ATO) thiaj tau rov qab los qhia kom tej neeg nco qab tias yuav tag sij hawm sai sai no rau tej neeg ntiag tug cov kev thov se rov qab lawm.
Thiab yog tias koj tsis thov se raws sij hawm ces tej zaum koj kuj yuav raug nplua thiab.
Nod yog txhua yam uas peb tsim nyog paub txog.
Kuv yuav tau thov se thaum twg?
Tej neeg ntiag tug muaj peev xwm npaj tej ntaub ntawv thiab yus thov yus se los tau los sis kuj muaj peev xwm siv ib tug registered tax agent pab yus thov los tau.
Tej neeg ntiag tug uas yus thov yus se ces tsuas muaj sij hawm txog hnub tim 31 lub 10 hlis ntuj xwb.
Yog tias koj siv ib tug registered tax agent pab thov ces koj yuav muaj sij hawm thov ntev zog, tab sis Manoj Gupta uas yog ib tug certified public accountant ceeb toom tias lub sij hawm tag thov se rau lub 10 hli ntuj no kuj tseem yog tej yam tseem ceeb thiab.
Nws tau hais tias yog ib tug twg xav siv ib tug tax agent pab thov ces yuav tsum tau thov ua ntej yuav tag sij hawm kom ATO tsis txhob teev tias yus thov se dhau sij hawm lawm.
"Yog tej yam tseem ceeb heev uas yuav tsum tau nrhiav kom tau ib tug tax agent ua ntej hnub tim 31 lub 10 hli ntuj thiab nrog nws tham thiab hais kom nws pab thov se rau yus kom nws thiaj muaj peev xwm txuas lub sij hawm thov se kom ntev ntxiv," raws li nws tau hais.
"Piv txwv li yog ib tug twb pheej tos thiab mam li mus ntsib ib tug tax agent rau hnub tim 15 lub 11 hlis ntuj xwb, ces lawv twg thov se lig dua hnub tim 31 lub 10 hli ntuj lawm.''
Yuav muaj dab tsi tshwm sim yog tias koj tsis thov se raws sij hawm?
Koj yuav raug nplua yog koj xa ntawv thov se lig.
Tej neeg ntiag tug uas tsis xa ntawv thov se raws sij hawm ces yuav tau txais daim ntawv nplua qhia tias tsis thov se (Failure to Lodge penalty). Txhais tau tias koj yuav raug nplua $313 txhua txhua 28 hnub twg uas koj tsis xa ntawv thov se, thiab yuav raug nplua nyiaj ntau tshaj plaws txog $1,565.
Neeg Australia kuj muaj peev xwm xaiv yus thov yus se rov qab los sis ntiav ib tug tax agent pab thov se rau yus los tau. Source: Getty / LPETTET
Bob Thomson uas yog tus neeg ua hauj lwm pab tus coj lub tuam chav ATO tau hais tias kuj yuav sam qee zaus rau qee cov xwm txheej thiab.
"Yog koj ntseeg tias yog tej yam nyuaj ua rau koj tsis muaj peev xwm thov se, ces yuav tsum tau nrog ATO tham ua ntej caij thov se yuav tag sij hawm kom peb thiaj los nrog koj txheeb,'' raws li nws tau hais.
Kuv muaj peev xwm thov tau dab tsi rau cov kev thov se rov qab no?
Tsuas nyob ntawm seb koj poob rau tej xwm txheej zoo li cas xwb, tej zaum koj kuj yuav muaj peev xwm thov txo se tau rau qee yam nqe cuam tshuam txog tej hauj lwm koj ua thaum thov se rov qab thiab.
Yog tias koj ua hauj lwm ntawm tsev, ces koj kuj muaj peev xwm thov tau nqe hluav taws xob thiab nqe siv internet me ntsis. Thiab yej muaj ntsis zoo siab xws li yus cov kev siv xov tooj tes ua hauj lwm, uas yus muaj peev xwm thov txo tej nqe siv xov tooj me ntsis thiab.
Thiab yog tias koj yuav tau yuav ntawv yuav cwj mem siv los yog yuav tau subscribe rau ib co ntawv xov xwm twg tam li yog ib feem ntawm koj tej hauj lwm ces kuj muaj peev xwm claim tau thiab.
Tab sis Gupta tau hais tias koj tsis muaj peev xwm yuav claim kom txo se rau koj cov kev caij tsheb mus ua hauj lwm.
Nws tau hais tias "Tej neeg yeej ib txwm ua yuam kev li pheej claim tej nyiaj cuam tshuam txog cov kev siv tsheb ntawm yus tsev caij mus ua hauj lwm, uas yog tej yam yus claim tsis tau,''
"Tab sis yus kuj muaj peev xwm claim tau cov kev siv tsheb yog tias yus caij ntawm ib qho chaw ua hauj lwm mus rau lwm qhov chaw ua hauj lwm, los yog lwm cov kev siv tsheb cuam tshuam txog cov kev ua hauj lwm uas tsis yog caij ntawm tsev mus ua hauj lwm.''
Yog tias koj yuav tau hnav khaub ncaws ua hauj lwm uas muaj ib lub cim (logo) los yog tej twj siv los pov puag thiab khau rau tam li yog ib feem ntawm yus txoj hauj lwm, ces kuj muaj peev xwm claim tau, tab sis kuj tsis muaj peev xwm claim tau tej hauj lwm tsis hnav ua hauj lwm thiab raws li Gupta qhia.
Nws tau hais tias "Tsis hais ib hom khaub ncaws twg uas yus hnav uas tsis hnav rau lwm qhov chaw hlo li, ces yog tej khaub ncaws uas yus muaj peev xwm claim tau,''
"Yog tias yus muaj ib lub hnab siv ntim ib lub computer mus ua hauj lwm, ces yog yus muaj peev xwm calim lub computer no ces kuj yuav muaj peev xwm claim tau hnub hnab no thiab.''
Nws tau hais tias tsis tsim nyog claim tej khoom siv li hnab ntim nyiaj, tej ris tsho uas tsis muaj lub cim, los yog tej khau rau ua hauj lwm hauv tej chav ua hauj lwm.
Tsis tas li ntawd los yus kuj muaj peev xwm claim tau tej nyiaj pab rau tej koom haum pab lwm tus uas ntau tshaj $2 dollars thiab yog tias yus khaws tau ib daig tw ntawv (receipt), los yog tej nqe them union membership, nqe kawm ntawv los yog mus xyaum ib yam hauj lwm dab tsi los yog tej nqe siv thov se.
Will I get a tax bill?
Tsuas nyob ntawm seb koj khwv tau nyiaj npaum li cas thiab yuav txo se rau koj ntau npaum li cas xwb, ib txhia ces yuav thov tau se rov qab thom qab xa ntawv thov se lawm, los lwm tus ces yuav tau the se rov qab.
Thiab yog tej yam nyuaj uas tsis muaj peev xwm twv tau vim rau qhov muaj ntau yam cuam tshuam tias seb yus yuav tau them se rov qab los tsis tau.
Piv txwv li yog koj muab ib lub tsev los yog nqe peev ntau yam, ces yuav ua rau koj yuav tau them se siab zog, txhais tau tias koj yuav tau them se ntau zog rau ATO.
Ntxiv ntawd los yog tias koj ua tau txoj hauj lwm, los yog tsis tau qhia tias koj tshuav nuj nqe nyiaj qev siv kawm ntawv li HECS or HELP nrog koj tus tswv lagluam los yog khwv tau nyiaj lwm yam los, ces tej zaum koj tseem them se tsis txaus ntawm lub xyoo ntawd thiab.
Yog tias koj poob peev thiab kho khwv tau nyiaj tsawg zog lawm los yog poob hauj lwm rau ib lub caij twg thawm lub xyoo lawm, los sis yog ho thov tau se ntau ces tej zaum koj tau them se ntau heev lawm thiab tsim nyog yuav thim rov qab rau koj.
Yog koj xav nrog ib tug neeg sab laj tawm tswv yim txog nyiaj txiaj (Financial counsellor) ntawm koj lub xeev ces hu tau rau lub koom haum National Debt Helpline tus xov tooj 1800 007 007. Los sis hu rau lub koom haum Mob Strong Debt Help tus xov tooj 1800 808 488 nrog neeg txum tim tus neeg sab laj tawm tswv yim txog nyiaj txiaj.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
