Ntsiab lus tseem ceeb:
- Tsoom fwv cov nyiaj puag xyoo yuav pab $300 them tej nqe hluav taws xob.
- Tau npaj nyiaj ntau tshaj $160 million pab tsim ib co program los tswj poj niam txoj kev noj qab haus huv.
- Txiav nyiaj ntawm tej hauj lwm ntiav tej neeg consultants, contractors thiab ntiav dag zog.
Tsoom fwv teb chaws cov nyiaj puag xyoo 2024-25 no yuav pab $300 rau neeg Australia them nqe hluav taws xob, thiab ntxiv no yog tej neeg uas tau thiab plam txiaj ntsim los ntawm tej nyiaj puag xyoo no.
Leej twg yog cov tau txiaj ntsim ntawm tej nyiaj puag xyoo no?
Tej neeg ua hauj lwm them se
Yuav muaj tej neeg Australia txog li 13.6 million tus uas ua hauj lwm them se yuav tau nyiaj ntau me ntsis ntxiv li tau xub qhia rau thaum ntxov tab sis tau kho cov kev txo se theem peb lawm.
Treasurer Jim Chalmers tau qhia tias tej neeg yuav tau nyiaj theem nrab txog li $38 ib limtiam twg, thiab lawv yuav ''pab nyiaj them tej nuj nqes ... rau tej poj niam thiab pab kom muaj neeg nrhiav tau hauj lwm ua ntau tuaj ntxiv''.
Ces cov kev txo se no thiaj yog cov kev txo se theem kawg ntawm tus tsoom fwv koom tswj dhau los (Morrison government) uas yuav tsis siv ntau cov kev sau se sib txawv rau tej neeg khwv tau nyiaj txij $45,000 txog $200,000 los them tib tug se ntawm 30 feem pua lawm xwb.
Ces tsoom fwv thisj siav lub tswv yim tshiab los txo se thoob plaws rau txhua theem se, thiab tau txo cov kev sau se ntawm 32.5 feem pua los sau 30 feem pua thiab kuj cia tej neeg khwv tau nyiaj kom ntau tshaj $18,000mam li them se.
Tej cuab yig
Txhua yim neeg txij tim 1 lub 7 hli ntuj (2024) ces thiaj yuav ua rau tsoom fwv yuav tau siv nyiaj txog $3.5 billion.
Chalmers tau hais tias "Peb paub tias Australia tej cuab yig thiab tej lagluam yeej ntsib teeb meem nyuaj — vim li ntawd peb thiaj tau los pab.''
Txij tim 1 lub 7 hli ntuj 2024 mus ces txhua yim neeg Australia yuav tau nyiaj pab cuam them nqe hluav taws xob. Credit: AAP
Cov nyiaj puag xyoo no kuj pab nyiaj ze txog li $2 billion rau lub sij hawm 5 xyoos ntxiv no uas yuav pab tej nyiaj rau tej neeg ntiav tsev nyob (Rent Assistance) ntau ntxiv tuaj txog li ntawm 10 feem pua.
Ces thiaj yog ib co kev pab cuam ntxiv rau tej uas twb tau pab txog 15 feem pua uas tau qhia rau lub 9 hlis ntuj tsaib no thiab.
Thiaj yog thawj zaug uas tau txais cov kab theem pab cuam ntau tuaj ntxiv rau tsoom fwv 2 co nyiaj puag xyoo rau lub sij hawm ntev tshaj 30 xyoo no raws li Chalmers tau qhia.
Ces cov kev pauv hloov rau tej kev pab cuam ntiav tsev nyob (Rent Assistance) ntau tuaj ntxiv rau tej cuab yig muaj tib tug leej niam los yog leej txi tab cuab yig los yog tej nkawm niam txiv uas muaj ib los yog ob tug me nyuam ntawd thiaj yuav tau nyiaj ntau tshaj $70 rau ob limtiam twg.
Tej neeg mob
Tsoom fwv cog lus tias yuav nrog xyuas kom tau tej tshuaj pheej yig rau sawv daws siv li los nrog xyuas kom tsuas tau them tej nqe yuav tshuaj Pharmaceutical Benefit Scheme (PBS) co-payment rau ib lub xyoos tsis yog yuav nce nqe tshuaj kim uas tej zaum yuav ua rau nyiaj poob nqe ntxiv. Tsis tas li ntawd los kuj yuav pab tej pensioners thiab lwm cov neeg tau concession card siv tib tug nqe rau lub sij hawm 5 xyoos li qub xwb thiab.
Chalmers thiaj tau qhia tias yuav ua rau tej nqe yuav tshuaj nyob li qub, thiab qhia tias ''xyoo no thiab xyoo tom ntej no ces tsis muaj ib tug twg yuav tau them nqe tshuaj ntau tshaj $31.60".
Tsis tas li ntawd los kuj siv nyiaj $361 million pab daws teeb meem nyuaj siab ntxhov plawv. Li yuav tsim cov kev pab cuam uas siv dawb li National Digital Mental Health Service pab rau tej neeg txog li 150,000 tus uas raug nyiaj txog $588.5 million.
Tsoom fwv Albanese los kuj yuav siv nyiaj $3.4 billion rau lub sij hawm 5 xyoos los teev ib co tshuaj tshiab thiab txheeb tej tshuaj uas teev nrog cov PBS thiab xyuas kom tau kev pab cuam rau tej qub tub rog tsev neeg tau siv tshuaj thiab ntxuav qhov txhab (Repatriation Pharmaceutical Benefits Scheme - RPBS) uas suav cov kev kho mob rau qee yam kab mob plawv thiab mob cancer mis.
Poj niam tej kev noj qab haus huv
Cov nyiaj puag xyoo 2024-25 no kuj tau npaj nyiaj ntau tshaj $160 million los pab kom tej poj niam tau txais kev noj qab haus huv.
Yuav siv nyiaj ntau tshaj $50 million mus pab rau tej chaw tu saib xyuas tej poj niam muaj me nyuam thiab yuav siv $49 million pab kho tej mob ua qog ntawm tsev me nyuam.
Tsis tas li ntawd los kuj yuav tshwm nyiaj pab tej poj niam thiab tej cuab yig uas nchuav me nyuam thiab.
Ntxiv ntawd los kuj tseem muaj $1 million pab tej neeg ua hauj lwm kho mob uas mus teev npe kawm cov zob kawm tswj tej mob nkeeg cuam tshuam txog poj niam cov kev coj khaub ncaws thiab.
Qee cov neeg tau nyiaj pab cuam rau lub caij tseem nrhiav hauj lwm ua
Tej neeg uas tsuas ua hauj lwm txog 14 teev ib limtiam twg xwb kuj yuav tau nyiaj ntau ntxiv tuaj li $55 rau ob limtiam, ntxiv rau tej nyiaj pab them nqe siv hluav taws xob.
Ces thiaj yuav ua rau muaj tej neeg txog li ntawm 5,000 tus uas tau cov nyiaj pab JobSeeker payment no yuav tau nyiaj ntau zog ntxiv.
Vaj tse nyob
Tsoom fwv kuj xav siv $423 million rau lub sij hawm 5 xyoos los pab tej xeev tsim tej vaj tse rau zej tsoom ntiav nyob thiab tsim kev pab cuam rau tej neeg tsis muaj vaj tse nyob.
Tsoom fwv kuj tseem pab nyiaj $1 billion ntxiv rau tej nom tswv xeev los tsim kom tau tej vaj tse kom ntau tuaj ntxiv rau ib co chaw uas zoo tsim vaj tse ntxiv.
Thiab kuj tseem yuav qev $1.9 billion coj los qev siv sim 40,000 lub tsev social and affoardable homes rau tej neeg tau ntiav nyob.
LISTEN TO
Cost of Living Secrets: Mortgages
SBS News
07/05/202425:50
Tej lagluam me
Yuav muaj tej lagluam txog li 1 million lub yuav tau nyiaj $325 coj mus pab them nqe siv hluav taws xob, tab sis tau tej nyiaj no ib nyuag ntau zog pab rau tej cuab yig them nqe siv hluav taws xob.
Yuav muaj 4 million cov lagluam yuav tau lub sij hawm 1 xyoos ntxiv tsis tau them lawv tej nuj nqes rau tej peev txheej txog li $20,000 rau ib lub xyoos txog rau hnub tim 30 lub 6 hli ntuj xyoo 2025.
Tej laus neeg
Tej laus uas tau nyiaj laus noj thiab tau cov concession card siv ces tsuas tau them tej nqe tshuaj PBS li qub rau lub sij hawm 5 xyoos.
Chalmers tau hais tias yuav ua rau tej neeg no tsuas tau them ntau tshaj $7.70 rau tej tshuaj uas lawv xav tau siv xwb.
Ntxiv ntawd los kuj tseem siv nyiaj $2.2 billion rau cov kev pab tu tsom kwm tej laus tshiab li yuav muaj 24,000 cov kev pab cuam mus tu tsom kwm tej laus ntawm tej tsev thiab npaj cov kev pab cuam los pab kom tej neeg muaj peev xwm nyob tau ntawm lawv tej vaj tse.
Thawj pwm tsav Anthony Albanese mloog Treasurer Jim Chalmers qhia txog tsoom fwv teb chaws Australia cov nyiaj puag xyoo 2024/25. Source: AAP / Lukas Coch
Tej neeg nyiaj noj zaub yuav txuag tau nyiaj ntawm tej chaw yuav zaub yog tias cov kev pab tej neeg cog zaub txo nqe pheej yig rau tej neeg yuav. Tsoom fwv tseem tab tom los hloov tej se sau rau tej qoob loo thiab tej se sau rau qos liab li los txo cov se ntawm 1.5 feem pua ua 0.5 feem pua.
Cov program pab rau neeg India
Yuav tsim ib cov program tshiab los pab rau tej neeg India kom muaj txoj xub ke rau tej neeg India 3,000 tus uas kawm thiab pib ua hauj lwm tshiab uas muaj hnoob nyoog txog 30 xyoo uas muaj txuj ci thiab muaj kev kawm kom muaj peev xwm nyob tau thiab ua hauj lwm ntawm Australia rau lub caij 2 xyoos.
Ces thiaj yuav hu cov program no ua Mobility Arrangement for Talented Early-professionals Scheme (MATES) thiab yuav pib siv txij tim 1 lub 11 hlis ntuj xyoo 2024.
Thiab yuav xub tsub nqe $25 ua ntej yuav sau ntawv thov siv thiab tsub nqe $365 thaum sau daim ntawv thov siv cov program no, thiab yuav sau tus nqe raws li cov kab theem nyiaj poob nqe rau ntau xyoo rau yav pem suab.
Tej me yes (Tej tub kawm)
Ntxiv ntawm cov kev pab uas tau qhia tias yuav tsib tej tub kawm tej nuj nqe qev kawm ntawv raws CPI los yog Wage Price Index ntawd lawm, kuj tseem yuav tshwm nyiaj $89 million los tsim cov sob kawm TAFE thiab VET 20,000 sob kawm dawb coj los qhia tej neeg ua hauj lwm construction thiab.
Tsis tas li ntawd los kuj tseem yuav siv nyiaj txog li $350 million tsim cov sob kawm dawb ntawm tej tsev kawm qib siab txij tim 1 lub 1 hlis ntuj xyoo 2025 mus thiab kom tej tub kawm tau mus kawm qib siab.
Tej neeg siv public transport
Yuav muaj ib co nyiaj coj los pab tsim ntau cov project thoob teb chaws, li muaj nyiaj los tsim ib txoj kab kev tsheb ciav hlau ntawm Sunshine Cost thiab Brisbane, yuav siv nyiaj $1.9 billion los tsim ntau cov projets ntawm Western Sydney li tsim tshav dav hlau thiab lwm cov project tsim kev thiab kev tsheb ciav hlau, tsim tej tsheb cia hlau me ntxiv ntawm Canberra, tsim tej kev ntawm Victoria thiab tsim tej kev tsheb ciav hlau Metronet rail ntawm Western Australia.
Leej twg yog cov plam txiaj ntsim ntawm tej nyiaj puag xyoo?
Tej neeg tuaj ntoj ncig uas muaj cai ua tau hauj lwm (Working holiday makers)
Tej neeg tuaj ntawm cov teb chaws li Suav tuam tshoj, Cob Tsib thiab India uas xav thov cov working holiday visa tuaj ntoj ncig thiab ua hauj lwm ntawm Australia yuav tau npaj los ua raws li ib co txheej txheem xub txheeb tej visa no ua ntej yuav thov cov visa no siv txij xyoo no mus.
Ces tej txheej txheem no thiaj yuav sau nqe thov cov visa no txog li $25, uas tsoom fwv hais tias yuav pab tsim tau cov program no rau tej neeg siv thiab pab kom tej neeg ntawm tej teb chaws uas xav thov tej visa no siv tau siv raws li lub caij nyoog tsim nyog siv.
Tej neeg feem coob uas tau nyiaj pab cuam job seekers siv
Yuav tsis tau nyiaj JobSeeker payment ntxiv txawm tias tej koom haum pab tej neeg txom nyem tau nqua hu kom pab tej nyiaj no ntau ntxiv tuaj thiab tej neeg Australia los kuj txom nyem rau lub caij uas muaj ntau yam nuj nqes siv ua lub neej uas yuav tau siv.
Tsuas muaj ib txhia neeg uas tau cov nyiaj pab cuam JobSeeker payments thiaj yuav tau nyiaj pab cuam ntau ntxiv tuaj rau tej nyiaj puag xyoo 2024-25 no xwb. Source: AAP / Dan Peled
Tej teej kawm no tsuas teev tias pub tej tub kawm pej kum haiv npaum li cas teev npe kawm ntawm ib lub tsev kawm qib siab raws lub tswv yim tias lub tsev kawm ntawd muaj vaj tse ntau npaum li cas rau tej tub kawm nyob lawm xwb.
Thiab tij tim 1 lub 2 hlis ntuj xyoo 2025 mus ces lub koom haum National Student Ombudsman yuav tso cai rau tej tub kawm mus yws tsis txaus siab rau tej chaw qhia ntawv nrog nws tau. Thiab tsoom fwv hais tias nws tseem yuav los txheeb seb puas yuav thim tau tej nqe kawm no rov qab li cas txij xyoo 2026-27 no.
Public Service Contractors
Tsoom fwv yuav txuag t au nyiaj $1 billion rau lub caij 4 xyoos thaum nws txiav tej nyiaj siv ntiav tej consultants, contractors thiab ntiav dag zog. Tsoom fwv los kuj kuj tseem yuav rov qab npaj lub tswv yim rov qab los txheeb cov kev ntiav neeg ua hauj lwm txheeb seb tej neeg ua hauj lwm no ho pab kom tsoom fwv ho txuag tau nyiaj los ntawm cov kev ntiav tej neeg sab nrauv pab nws ua hauj lwm li cas thiab.
Tej neeg kho mob uas tau siv cov kev kho mob bulk billing
Tam sim no ces tej neeg mob tsuas muaj cai claim Medicare bulk bill ib xyoos xwb uas raug txo lub caij ntawm 2 xyoos los ua 1 xyoos lawm.
Tsoom fwv tau hais tias cov kev txo lub sij hawm no yuav ''pab kom muaj peev xwm los txheeb seb puas yog muaj neeg ua tsis ncaj los yog tsis ua raws tej cai cuam tshuam txog cov kev siv Medicare'' li cas, uas yuav pab kom nom tswv tau nyiaj txog $33.6 million rau lub caij 3 xyoos txij xyoo 2025-26.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
