Dr Jim Chalmers uas yog tus nom tswj nyiaj txiaj rau tsoom fwv teb chaws tau qhia tias yuav los xyuas cov nyiaj puas xyoo xyoo no kom yog ib cov luj haum raws tej xwm txheej.
Vim rau qhov tseem muaj neeg Australia coob heev tseem txom nyem thiab kab theem nyiaj poob nqe los kuj yog ib co tseem ceeb yog li ntawd tej nyiaj puag xyoo no thiaj yuav los ua tib zoo xyuas kom pab tau zej tsoom yam tsis ua rau muaj teeb meem rau tej nyiaj poob nqe.
Hnub tim 14 lub 5 hlis ntuj xyoo 2024 no ces yog hnub uas Jim Chalmers yuav los qhia txog tsoom fwv cov nyiaj puag xyoo 2024-25.
Thaum ntxov xyoo no ces nom tswv yeej qhia tias yuav txo se theem peb tab sis kuj tau hloov kho kom txo tau se rau txhua tus Australia tsis yog tej neeg khwv tau nyiaj ntau xwb. Thaum xub ces yeej npaj tias yuav siv tib tub kab theem sau se ntawm 30 feem pua rau tej neeg khwv tau nyiaj ib xyoos twg ntawm $40,000-$200,000 xwb. Ces cov kev kho tshiab no thiaj yuav txo se ntawm 32.5 feem pua los ua 30 feem pua thiab yuav cia tej neeg khwv tau nyiaj ib nyuag ntau zog ntxiv mam li tau them se.
Treasurer Jim Chalmers tau qhia tias 'hmo qhia txog peb cov nyiaj puag xyoo ces yog kub siab txog tej nuj nqes siv ua lub neej, vim peb yeej paub tias muaj neeg Australia coob heev tseem txom nyem heev, ces peb thiaj yuav txo se rau txhua tus neeg ua hauj lwm them se uas yog ib co tseem ceeb ntawm peb cov nyiaj puag xyoo no.'
Tsis tas li ntawd los 'tsoom fwv kuj yuav tshwm nyiaj ntau billion dollars los tsim kom tau vaj tse ntau tuaj ntxiv txaus rau tej neeg Australia nyob vim tej nqe ntiav tsev los kim heev ces thiaj yog ib co hauj lwm tej nyiaj pub xyoo no xub kub siab txog kom muaj peev xwm tsim tau vaj tse yooj yim ntxiv, ntiav tau tsev yooj yim ntxiv, thiab yuav tau tsev yooj yim ntxiv,' raws li Treasurer Chalmers qhia.
Dr Chalmers tau qhia tias ''txawm yog tej yam nyuaj tsis muaj peev xwm yauv twv tau ntau yam tab tom tshwm sim hauv ntiaj teb no los cov nyiaj puag xyoo yeej muaj lub luag hauj lwm muaj peev xwm los tswj tej kab theem nyiaj poob nqe koj pab tau tej lagluam no zoo tshaj qhov tau kwv yees tseg thiab.''
Ces nws thiaj qhia ntxiv tias txij tim 1 lub 7 hli ntuj xyoo 2025 no ces yuav pib them nyiaj super rau tej niam txiv tau cov paid prental leave mus so yug me nyuam tshiab raws li Dr Chalmers tau qhia rau phau ntawv xov xwm Sydney Morning Herald.
Ua ke no los tej nom tswv teeb teb chaws Australia los kuj tab tom los nrog daws tej teeb meem kub ntxhov hauv lub cuab yig uas muaj rau tej poj niam thiab. Limtiam dhau los tsoom fwv teb chaws tau qhia tias yuav tshwm nyiaj $5,000 pab rau tej poj niam tsiv tawm ntawm tej teeb meem no, thiab pab rau tej poj niam uas poob rau tej xwm txheej phom sij kom khiav tawm tau.
Treasurer Chalmers qhia tias 'raws li kuv nco peb yeej tshwm nyiaj ntau tshaj 3 billion dollars ntawm cov nyiaj puab xyoo los pab tej hauj lwm no tab sis peb yeej paub tias yeej tseem pab tsis tau tau txaus thiab tseem tshuav ntau yam hauj lwm yuav tau ua.'
Tus nom no los kuj qhia tias 'xyoo tom ntej no yuav tswj kom tsuas muaj tej neeg txawv teb chaws tuaj txog ib nrab ntawm tej tau tuaj tsaib no lawm xwb, hais tsi ntsees rau tej tug kawm thiab tej neeg ntoj ncig uas tau tuaj coob heev us tau ua rau muaj vaj tse tsis txaus rau sawv daws nyob'.
Txawm li cas los yeej tseem cia 1,900 tus neeg trades qualification skilled migrants txawv teb chaws tuaj pab Australia cov lagluam tsim vaj tse thiab. Tab sis Dr Chalmers kuj tau qhia tias 'yeej yuav xub kub siab txog cov kev xyaum kom neeg Australia xub tau ua tej hauj lwm no ua ntej tso.'
Dr Chalmers tseem qhia ntxiv tias 'ntshe tseem yuav tau tos siv cov fossil fuel (roj, gas..,etc) txuas ntxiv kom thiaj pab Australis siv tau cov renewable energy kom tsis txhob tso tej pa tsis huv paug tsuas rau tej ib puag ncig ntxiv, uas yuav siv nyiaj ntau billion dollars los pab hloov tej technology qub mus siv tej tshiab uas huv dua thiab pab peb tej lagluam thiab pab ntiaj teb daws tej teeb meem huab cua pauv hloov. Ua ke no los nom tswv kuj yuav tshwm nyiaj coj los pab tej neeg tau txais kev pab cuam ntawm tsoom fwv uas tsi them se thiab tej lagluam me them tej nqe hluav taws xob thiab.'
Nws qhia ntxiv tias yeej tseem yuav muaj tej nyiaj pab cuam rau cheeb tsam Middle East hauv nws tej nyiaj puag xyoo thiab, 'tab sis yuav txheeb seb ho muaj dab tsi tshwm sim hauv ntiaj teb ces mam li npaj kev pab cuam raws qhov tsim nyog.'
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
