Txij xyoo 2019 uas Dr Fan Yang tau teeb txheeb txog tej xov xwm yuam kev los sis xov xwm cuav ntawm tsev kawm qib siab Melbourne University los ces kuj tseem pom tias yeej muaj tej xov xwm yuam kev raug coj mus sib qhia ntawm Suav lub app, WeChat.
Nws hais tias ''Raws li tau muaj cov kev txheeb txog Australia tsab cai misinformation thiab disinformation bill xyoo 2023 thiab 2025 ces pom tau tias yeej tsis teev dab tsi txog tej xov xwm cuav ua lwm yam lus, yeej tsis teev txog tej chaw nthuav tej xovx wm cuav, yeej tsis tswj lwm cov social media services uas tsis yog Meskas li, tsis tswj lwm cov social media uas tsis tshua muaj neeg siv coob los yog neeg tsis nyiam siv li WeChat thiab RedNote li, thiab zoo li tsoom fwv cia li tau tso tseg tsis kub siab txog tej cai no rau lub 11 hlis ntuj xyoo 2024 lawm.''
Dr Yang hais tias tej tub koom siab ntawm tej zejzog yeej tos ib tug neeg ntawm lawv tsev neeg ua tus los txheeb tej xov xwm seb tseeb los cuav xwb.
Tsis ntev los no los kuj tau muaj ib tsab ntawv cej luam ntawm lub koom haum Australia Curriculum Assessment and Reporting Authority thiaj qhia tias muaj ib tug ntawm plaub tug me yes kawm xyoo 10 thiaj nkag siab txog cov kev ua ib tug pej xeem, li totaub txog cov kev tswj hwm democracy uas tso cai rau pej xeem xaiv nom sawv cev rau lawv ua nom hauv tsev tsoom fwv, tej txheej txheem tsim cai siv thiab tej tsoom fwv lub luag hauj lwm xwb.
Dua ntawm lub koom huam e-Safety Commissioner uas pheej qhia kom tej neeg tau txais kev nyab xeeb thiab paub txog tej xov xwm cuav lawm ces Australia lub koom haum tswj cov kev xaiv tsa (Australian Electoral Commission -AEC) yeej tau tsim ib co sob kawm qhia rau tej neeg zejzog coj ntseeg ntau yam kab li kev cai thiab.
Evan Ekin-Smyth uas yog AEC tus kis hais tias ''Peb yeej tau tsim ib cov programs ua ntau yam lus coj los qhia rau ntau thaj chaw ntawm Western Sydney, ntawm Victoria thiab ntau qhov chaw sib txawv raws li tej zejzog xav tau kom thiaj muaj peev xwm txheeb tau qhov tseeb thiab cuav ntawm tej xov xwm, thiab kom tham txog Australia cov voting system.''
Txawm li cas los zoo li yeej tsis muaj peev xwm yuav xa tau tej xov xwm no mus thawm mus txog rau tej neeg zejzog raws li qhov tsim nyog.
Ces Mr Ekin-Smyth thiaj xav xa ib tsab xo rau tag nrho txhua tus neeg xaiv nom tias: kom cheem thiab kom ua tib zoo xav txog tej xov xwm yus pom hauv online.
Nws hais tias ''Peb yuav tsum tau nug ntau yam lus nug txog tej xovxwm uas peb pom tam sim no tias tseeb los cuav, peb yuav tsum tau txheeb ntau qhov chaw seb puas muaj tseeb, uas kuv xav tias tej no yog tej yam zoo tshaj plaws uas peb muaj peev xwm ua tau coj los pov puag peb tus kheej.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
