Yog tham txog cov kev thov se rov qab lawm ces coob leej ntau tus yeej xav tias yuav tau ib qho nyiaj rov qab.
Yeej nkag siab tias neeg Australia xav nrhiav tej xub ke pab kom thov tau se rov qab ntau npaum li qhov muaj peev xwm thov tau vim peb tseem ntsib tej nuj nqes siv ua lub neej ntau yam.
Tab sis tsis hais yus thov yus se los yog ntiav ib tug tax agent pab ntiav rau yus li, yeej tsis xav taw qhia kom ua ib yam dab tsi kom raug teeb meem rau yus.
Ceev faj txog 'tej tswv yim thov se'
Tej zaum koj kuj yuav hnov txog lob lus 'tax hacks' hauv online li kuv tab tom saib koj hauv TikTok thiab. Ces thiaj muaj ob yam tseeb:
1. Tsis txhob cia tej se cuam tshuam
Yeej muaj ntau cov lus taw qhia txog kev thov se qhia kom yus siv nyiaj mus them kiag yuav ib yam khoom twg thiab mam thov se (tax deduction) rov qab. Tab sis tej zaum tej se thov tau rov qab ntawd tsis tsim nyog tej nyiaj uas yus siv thiab.
Piv txwv li, yog yus khwv tau nyiaj ib xyoos twg $60,000 thiab yuav ua rau yus yog cov neeg yuav tau them seb 32.5 feem pua lawm.
Tej zaum yus siv nyiaj $1,000 yuav ib yam khoom twg thiab cia siab tias yuav thov tau cov kev txo se $1,000. Txawm li cas los yus yeej yuav tau rho nyiaj ntiag tug txog li $675 mus yuav yam khoom rau tus nqe $1,000 thiab tsuas tau cov kev txo se txog $325 xwb (vim xam cov kev thov se raws tej nyiaj hauj lwm yus khwv tau los uas yus muaj cai thov xwb).
Thiab xyoo tom ntej ces tseem yuav thov tau se tsawg zog thiab vim tsoom fwv tau kho dua cov kev txo se theem peb thiab tej ntawd kuj yog ib qho zoo vim rau qhov yuav pab kom yus tau them se tsawg zog.
2. Yog tias zoo li tsis tshua txaus ntseeg ces tej zaum kuj tsis muaj tseeb thiab
Txawm tias koj siv ib tug registered tax agent (los yog tej yam tseem ceeb yuav tau txheeb seb lawv puas teev zwm raug cai nrog lub koom haum Tax Practitioners Board), vim yog pheem thov txo se ntau ces yus yog tus yuav tau ris yog thaum lub tuam chav sau se (Australian Taxation Office - ATO) yuav txheeb yus, tab sis tej zaum kuj yuav tsis yog li hais ntawd thiab.
Txawm li cas los tias tej neeg ua hauj lwm them se ua yuam kev rau cov kev thov se rau tej neeg ua hauj lwm uas yuav tau them seb ces ATO yuav hais kom lawv ua tus ris tej xwm txheej no.
lawv yuav tau raug ATO hais kom ris tej xwm txheej no.
Thiab qhov tseeb tiag ces ATO yeej tau qhia lawm tias nws yuav los ua tib zoo txheeb xyuas tej neeg ua hauj lwm them se cov kev thov se yuam kev kom zoo, li cov kev:
- Thov tej nyiaj yuam kev cuam tshuam txog yus cov kev ua hauj lwm.
- Thov nyiaj rau tej tsev ntiav ntau tshaj qhov tsim nyog thov.
- Tsis qhia tag nrho tej nyiaj uas yus khwv tau los thaum sau ntawv thov se.
Tej zaum yus yuav xav tias yus yuav dim rau cov kev thov se ntau los yog tsis qhia tej nyiaj yus khwv tau rau ATO paub, tab sis ATO yeej muaj ib cov system zoo heev los txheeb yus tej xov xwm thiab txheeb tej yus thov.
Ces yus yuav tsum ua tib zoo ua tib zoo xyuas kom muaj pov thawj los qhia tau txog yus cov kev thov, thiab yuav tau teev tej ntaub ntawv tseg. Yog tias ATO ho txheeb tias yus ua yuam kev ces tej zaum yus kuj yuav raug nplua nyiaj los sis yog raug kaw tsev laj cuj thiab.
Ob hli dhau los, ces tau muaj ib tug poj niam raug txwm kaw tsev laj cuj 2 xyoos 6 hli thiab raug txib kom them nyiaj $39,600 rov qab tom qab uas nws tau sau peb daig ntawv dab txog cov kev ua luam (Business Activity Stantements - BAS) thiab thov tau cov se GST uas nws tsis muaj cai tau.
Lub caij uas ATO tseem tshuaj ntsuam tej xwm txheej no, ces nws tseem tau xa 8 tsab ntawv cuav rau ATO kom thov tau nyiaj ntau ntxiv thiab.
Ces tus neeg no thiaj yog ib tug ntawm tej neeg ntiag tug coob leej ntau tus uas ATO tau teev rau hauv nws lub vas sab coj los qhia txog tej hauj lwm uas nws mus txheeb tej neeg cov kev thov se uas nws ib txwm ua.
Puas tsim nyog kuv ntiav ib tug tax agent pab thov se?
Yeej muaj tej neeg ntiag tug ntawm Australia yuav laug txog li ntawm 20.5 million tus yeej siv tej tax file numbers, thiab tsaib no AT) yeej tau txais tej ntawv thov se txog li 13.7 million tsab. Ua yog muaj cov kev xa ntawv thov se no ntau tshaj 3 feem pua ntxiv piv rau tsaib ub. Thiab kuj muaj tej ntawv thov se no tshaj 5.6 million tsab yog tej neeg ntiag tug sau tej ntawv thov se thiab muaj tej ntawv thov se ntau tshaj 8 million tsab ces yog tej tax agents pab thov se sawv cev rau tej neeg.
Kuj yog tej yam zoo thiab uas tej neeg Australia feem coob siv tej tax agents pab thov se. Vim yooj yim dua thiab ua rau yus tsis txhawj dab tsi ntau, pab kom yus ntseeg siab tias thov se raug thiab txuag tau sij hawm.
Txawm tau hais li ntawd lawm los, yeej ua rau yus yuav tau them ib tug nqe (txheeb tej nqe tau piav txog dhau los saum toj ntawm zaj xov xwm no txog cov kev thov txo se), thiab yeej muaj tej kev teeb txheeb dhau los pom tias txhua txhua dollars uas siv ntiav ib tug tax agent pab sau ntawv thov se rau yus tsuas txuag tau nyiaj 20 cents twg xwb, thiab yog yus tsuas thov tej se yooj yooj yim xwb ces yeej yog tej yam ua tau yooj yim thiab yus ua yus tus kheej sai dua.
Kuv yuav npaj thov kuv tej se li cas?
Raws li ib txwm pom ces yeej tsim nyog sawv daws thov se rau ib lub xyoos twg (los sis yog koj tsis thov se rov qab ces xav kom lodge a non-lodgement advice qhia rau ATO paub). Thiab ATO yeej muaj cov tooj hu uaqhia koj yog koj tsis paub tias yuav ua li cas?
Tsis tas li ntawd los kuj muaj txog tej txheej txheem kom yus paub tias yuav sau ntawv thov se li cas hauv online raws cov myTax system li cas thiab.
Yog tias koj tsuas thov se yooj yooj yim xwb ces tsuas ua raws li tej txheej txheem txuas ntxiv no xwb:
- Nrhiav kom tau thiab npaj tag nrho koj tej xovx wm cuam tshuam txog tej nyiaj ua hauj lwm uas koj khwv tau, tej paj, tej dividens thiab lwm yam nyiaj koj khwv tau los, piv txwv li capital gains ntawm koj tej crypto assets los yog tej nyiaj koj tau los ntawm cov kev muag shares.
- Ntxiv ntawd ces npaj tag nrho koj tej xov xwm uas xav thov txo se rau tej nyiaj koj xav claim cuam tshuam txog koj tej hauj lwm, ua tib zoo xyuas kom koj muaj pov thawj rau koj cov kev claim no. Tsis hais yuav yog tej receipts, invoices, log books thiab diary entries.
- Yog tias yus thov yus se ces muaj peev xwm mus siv myGov los yog siv ATO lub app los pab npaj thiab thov se rau yus. Ces xav kom yus tos txog yav lig lub 7 hli ntuj tso mam li ua vim ATO yeej tau sau tej xov xwm ntau yam rau daim ntawv thov se lawm. Thiab yeej muaj sij hawm thov se mus txog ntua hnub tim 31 lub 10 hli ntuj.
Tsis tas li ntawd los yus kuj muaj peev xwm siv ATO cov kev pab tej neeg thov se dawb hu ua TaxHelp uas muaj tej neeg yeem thaj pab thov se pub dawb rau koj (yog koj muaj cai siv), los yog cov los sis yog ntiav ib tug registered tax agent pab koj. Txawm li cas los ua zoo xyuas kom yuav tsum tau thov ua ntej hnub tim 31 lub 10 hli ntuj.
Tej zaum kuj yuav sib chab sib chaws thiab
Yog tej neeg uas muaj cov Australian Business Number (ABN) ces yuav ib nyuag sib chab sib chaws me ntsis thiab. Yog koj ua koj li lagluam tam li yog tus sole trader ces koj yuav tsum tau thov se, txawm tias tej nyiaj koj khwv tsawg tau tsawg tshaj tej nyiaj uas teev tias khwv tau npaum li cas tsis tas them se ntwm tej neeg ntiag tug.
Thiab yog koj registered them GST — ces koj yuav tau thov se thaum koj cov lagluam ntawd tau tej se txog li $75,000 los yog tau ntau tshaj ntawd, los yog koj yog ib tug neeg tsav taxi, tsav tsheb Uber — ces koj yuav tau xa cov Business Activity Statement (BAS) txhua txhua 3 lub hli twg ib zaug thiab.
Thiab cov kev thov se haj yam sib chab sib chaws tuaj ntxiv yog tias koj tseem koom nrog lwm tus ua luam, teeb tsa tej koom haum trust thiab teeb tsa tej tuam txhab lagluam, ces qhov zoo tshaj plaws ces yog sab laj nrog tej kws paub ua tej hauj lwm no li tej registered tax agent yog tias koj tseem tsis tau ua.
Tab sis yog kuv tsis muaj nyiaj ntaiv ib tug tax agent ne?
Xyoo no ces neeg Australia yeej txom nyem heev. Tab sis raws li lub koom haum Australian Securities and Investments Commission lub vas sab Moneysmart cov kev teeb txheeb yee kwv yees tias muaj tej neeg Australia coob tshaj 5 million tus txom nyem nyiaj txiaj siv.
Ces thiaj ua rau tej neeg coob heev tsis muaj peev xwm yuav ntiav ib tug registered tax agent los thov se rau lawv vim rau qhov twb sis muaj peev xwm yuav tau tej khoom tseem ceeb siv li yuav tej zaub mov noj lawm.
Yog tias koj poob rau tej xwm txheej zoo li no, ces tej zaum kuj sab laj nrog ib tug neeg sab laj tawm tswv yim nyiaj txiaj pab dawb ntawm lub koom haum los yog ntawm lub koom tau.
Tsis txhob sej cov kev thov se
Tsis txhob ncua tsis thov se. Vim yog thaum yus poob qab rau cov kev thov se no lawm ces kuj yog tej yam nyuam rau yus rov qab los npaj dua, hais tsi ntsees yog tias yus yuav tau them se ntau ntxiv xyoo no tsis yog yuav thov tau se rov qab. Tab sis cov kev tsis xa ntawv thov se kuj yuav ua rau muaj teeb meem rau yus thiab. Zoo tib yam li cov kev lug thiab ncua tsis mus ntsib kws kho mob txheeb yus tej tawv nqaij, ces yog yus tos ntev npaum li cas ces haj yam yuav muaj teeb meem ntau npaum li ntawd ntxiv.
Cov kev sib txuas lus thiab nrog ATO tham thiaj yog tej yam tseem ceeb heev vim lawv muaj ntau yam twj los pab yus, tsis hais tej tswv yim npaj koj yus muaj peev xwm them rov qab. Thiab kuj yog tej yam qhia rau ATO tias yus yeej pom zoo ua raws lawv tej cai. Tab sis cov kev kub siab txog cov kev thov se no yuav pab kom yus tsis txhob raug nplua, tsis txhob tau them paj los yog tsis txhob raug tsub txim.
Yog tias koj yog ib tug ntawm tej neeg Australia 80,000 tus uas txom nyem heev thiab tsis muaj peev xwm ntiav tej neeg pauv ua tej hauj lwm no pab koj thiab ho xa ntawv thov se lig, ces tsoom fwv yeej muaj cov pab tawv tswv yim pub dawb rau yus thiab.
Ann Kayis-Kumar yog tus teeb tsa thiab yog tus coj lub koom haum UNSW Tax and Business Advisory Clinic, ntawm lub tsev kawm qib siab UNSW ntwm Sydney.
Ann Kayis-Kumar tau nyiaj ntawm tsoom fwv Australia lub koom haum Australian Taxation Office cov National Tax Clinic Program thiab lub koom haum Ecstra Foundation cov program Financial Capability Program.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
