Ntau puas tus neeg tsiv dej nyab ntawm Queensland thiab hav zoov kub 2 lub tsev ntawm Victoria

Muaj ntuj los nag hlob heev rau sab qaum teb Australia thiab tseem muaj nag los ntxiv rau ntau hnub, rau lub caij uas muaj hav zoov kub hnyiab thiab muaj nag xov nag cua phem ntawm Victoria txuas ntxiv.

A two-way image showing a sign reading road closed with floodwater covering a road on the left and bushfire embers illuminating burning trees on the right.

North Queensland has been hit by torrential rain for days, prompting road closures and many rescues, while a sweltering heatwave has breathed new life into existing bushfires in Victoria's west. Source: AAP / Scott Radford-Chisholm / Horsham Incident Control Centre

Tau muaj ntau puas tus neeg tau tsiv ntawm lawv tej vaj tse ntawm sab qaum teb Australia mus so rau tej chaw so nom tswv npaj tseg rau lub caij ntuj los nag loj heev thiab tseem muaj dej nyab txuas ntxiv.

Tej neeg nyob qaum teb Queensland txij ntawm Cairns thiab Mackay raug ceeb toom kom yuav tau xyuam xim ceev faj txog tej dej nyab siab tuaj tom qab tau kwv yees hais tias ntshe tseem yuav los nag hlob tuaj ntxiv mus txog yam tsawg li hnub zwj Feej (Wednesday).

Matt Collopy uas yog ib tug neeg ntawm lub chaw kwv yees thiab ntsuam huab cua tau qhia rau tej neeg nthuav xov xwm tias: ''Peb tab tom pom muaj ntuj los nag hlob heev rau ntau thaj chaw. Thiab tseem yuav muaj hnub los nag ntau heev ntxiv thiab ... ces ntshe tseem yog ntau hnub mas tej dej nag thiaj yuav ntsws los rau tej dej los sis tej pas dej.''

Pom tias twb muaj dej nag ntau tuaj ntxiv rau ntawm Townsville lub pas dej yuav laug txog li 1 metre rau lub caij 2 hnub dhau los, thiab ntawm Ingham ces kuj tau muaj dej nag noo ntub thawm av tob txog li 400 mm ib hnub dhau los thiab.

Ces thiaj yuav ua rau muaj tej dej nyab txuas ntxiv siab tuaj ntxiv ntawm Ingham uas tsuas tshuav ntau centimetres ntxiv xwb ces tej twg yuav nce siab tshaj 15.2 me uas tau teev tseg xyoo 1967 uas tau tsim kev puas tsuaj rau thawj chaw ntawd.

Townsville tus dej Ross River los kuj tau muaj dej tshoom siab tshaj tej dej uas tau nyab rau hnub Monday tom qab tav su dua dhau los lawm thiab.

Hnub zwj Hnub (Sunday) dhau los thiaj tau muaj ib tug poj niam hnoob nyoog 63 xyoos tau tas sim neej,

thaum lub koom haum State Emergency Service ib lub nkoj tau mus pab tej neeg ntawm tej chaw raug dej nyab tau mus nrau ib tsob ntoo thiab tau ntxeev ntawm lub zos Ingham.

'Kuj yuav yog ib cov xwm txheej uas pauv hloov tau saib sai kiag tam sid'

Tej dej nyab no tau ua rau tsis tau hluav taws xob siv thiab tej kev puas thoob rau sab qaum teb, thiab puas loj rau txoj kev tsheb Bruce Highway uas txuas rau tus coj Ollera Creek Bridge ze Townsville — uas tau vau rau hauv dej hnub zwj Hnub (Sunday) tom qab tav su.

Ramon Jayo uas yog tus tswv zos thiaj tau piav tias "yog ib cov kev puas tsuaj ntxiv" rau lub zos Ingham uas tsis tau hluav taws xob siv vim lub chaw cais thiab xa hluav taws xob raug dej nyab, thiab tsuas tshuav tej dej huv siv txaus siv 5 hnub ntxiv lawm xwb, uas yuav tau tos tej nyob hoom kiv tshuab xa dej tuaj siv xwb.

Ces thiaj tau muaj muaj ntau cov kev ceeb toom kom tsiv tawm rau tej neeg zos ntawm ntau cheeb tsam chaw thoob sab far north cov zos

Cardwell, Ingham thiab Townsville thaj chaw "black zone" uas suav cov zos li Cluden, Hermit Park, Idalia, Oonoonba, Railway Estate thiab Rosslea uas tej neeg tseem tsis tau muaj peev xwm rov qab mus tsev.

Thiaj muaj 11 cov kev mus pab tej neeg raug dej nyab thiab muaj tej xov tooj hu thov kev pab ntau dua 400 tsab vim qab nthab to dej xau, ruv tsev puas, dej nyab, tsiv tawm mus rau lwm qhov chaw, los yog ntoo vau los tsuam los tais rau hmo zwj Hnub (Sunday).

Townsville councillor Andrew Robinson said floodwaters in the black zone were expected to peak on Tuesday morning while more areas could be impacted in the coming days.

Thiaj tau tshem 400 tus neeg mus rau tej chaw so nom tswv npaj tos thoob Townsville, Ingham and Cardwell.

Thiab muaj tsoom fwv tej teej kawm yuav laug txog li 70 lub thiab 16 lub tsev kawm ntawv ntiav thiab 24 lub tsev kawm Catholic thoob sab qaum teb raug muab kaw.

Thiab kuj ua rau muaj neeg nyob sab qaum teb xeev Queensland tshaj 11,000 tus tsis tau hluav taws xob siv tom qab lub chaw cais thiab xa hluav taws xob ntawm Ingham thiab Cardwell raug muab tua vim raug dej nyab.

Lub caij uas tseem raug kev puas tsuaj los ntawm cov kev raug dej nyab txuas ntxiv no, ces ntshe tseem yuav muaj ntuj los nag hlob ntub noo thawm av tob txog 200 mm rau ntau thaj chaw sab qaum teb ntawm xeev Queensland no, thiab kuj yuav los nag hlob ua rau tej av noo ntub thawm av tob txog li 300 mm ntawm Ingham thiab Ayr.

Hav zoov kub hnyiab thiab nag xov nag cua ntawm Victoria

Tseem muaj ntau kob hav zoov kub hnyiab txuas ntxiv ntawm Little Desert thiab Grampians national parks sab hnub poob ntawm xeev Victoria, uas twb raug kub txog 84,000 hectares ntawm Little Desert, thiab kub txog li 46,000 hectares ntawm Grampians lawm.

Tau muaj ob lub tsev raug kub hnyiab thiab ib lub shed raug puas tsuaj vim raug xob tua ces thiaj kub hniab ntau dua 100 kob kub hnyiab tshiab ntawm lub xeev no uas twb raug hav zoov kub hnyiab tsim kev puas tsuaj rau lawm.

Ces tej vaj tse thiaj raug kub hnyiab ntawm lub zos Nangiloc sab qaum teb hnub poob ntawm xeev Victoria.

Thiab kuj yog ib kob kub hnyiab ntawm 114 kob uas kub loj tuaj, feem ntau yog xob tua, thiab huab cua kub sov thiab tej nag xob nag cua uas tau los rau lub xeev no hnub zwj Hnub (Sunday) thiab thaum ntxov hnub zwj Hli (Monday) dhau los.

Kob hav zoov kub hnyiab ntawm Little Desert National Park, ces nyob nrug sab hnub poob ntawm Melbourne 375km, thiab yog kob uas raug teev tias tswj tau lawm, tab sis rov qab kis kub txuas ntxuas ntxiv rau hnub zwj Hnub tom qab tav su dua lawm.

Tej neeg tua hluav taws thiaj sam sim tua kob hav zoov kub hnyiab ntawm Little Desert fire uas yog ib kob uas tsis muaj peev xwm tua tau rau hnub zwj Hli (Monday), thaum uas tau kub kis hla cov ciam kem txiav thaiv thiab tau kub sai heev mus rau tej av cog qoob loo.

Tej neeg tua hluav taws thiaj tseem tab tom npaj tias ntshe hnub zwj Feej (Wednesday) yuav yog ib hnub nyuaj heev vim rau qhov muaj cua tshuab tig qab teb ces ntshe haj yam yuav ua rau kub muaj ceem tshaj qub ntxiv.

Chris Hardman uas yog tus coj tswj lub tuam chav tua hluav taws Forest Fire Management Victoria tau hais tias kob hav zoov kub hnyiab ntawm Grampians mas ntshe ''tseem tshuav ntev heev mam li tswj tau.''

Nws tau hais tias muaj cua sab qaum teb thiab ces thiaj ua rau muaj teeb meem rau tej zejzog ntawm Victoria Valley, Victoria Point, sab hnub poob Cavendish thiab Rocklands Reservoir.

Tej neeg ua hluav taws los kuj tau tab tom kub siab los tswj tej hav zoov kub hnyiab no rau lub caij tau txais kev pab los ntawm tej tsheb nrau av kem ciam, tej twj ua tau hauj lwm hnyav thiab tej nyob hoom.

Hardman tau hais tias "Peb yeej tau muaj tej neeg tua hluav taws tshaj 600 tus tseem tab tom tua hluav taws rau ob peb hnub dhau los no,''

"Thiab ntshe lawv tseem yuav tua tej hav zoov kub hnyiab ntawd txuas ntxiv ... vim rau qhov ntshe tseem yuav ntev mas thiaj yuav tswj tau tej hav zoov kub hnyiab no.''

Thiab yeej tseem siv cov kev ceeb toom emergency warning li qub rau ntawm kob hav zoov Grampians fire vim rau qhov tias yeej tseem tsis tau muaj peev xwm tswj tau li.

Ntxiv ntawd los kuj tau muaj cov kev ceeb toom kom kub siab xyuas thiab npaj ua li cas rau 4 kob hav zoov kub hnyiab ntawm Great Otway National Park ntawm Victoria sab hnub poob qab teb, thiab ntawm Apollo Bay, Cape Horn, Hordern Vale thiab Cape Otway.

Kuj muaj nag xob nag cua hlob heev thoob Geelong thiab Melbourne hmo Sunday dhau los, ces thiaj ua rau ntuj los lag hlob, muaj xob roo xob laim, los lawg thiab cua hlob heev.

Thiaj tau ua rau muaj 45,000 lub tsev tsis tau hluav taws xob siv, tab sis kuj muaj tej vaj tse tsawg dua li 3,500 lub kuj tseem tsis tau tau hluav taws xob siv txog rau thaum 4 teev tsaus ntuj hnub zwj Hli (Monday) thiab.

Ces tag nrho 9 cheeb tsam ntawm xeev Victoria thiaj yog cov chaw uas yuav raug kev phom sij tau los ntawm tej kab theem ceeb toom hav zoov kub hnyiab.