Muaj neeg kis tau kab mob COVID-19 coob tuaj ntxiv ntawm xeev Victoria cov chaw muaj neeg kis kab mob coronavirus coob heev lawm

Muaj xov xwm ntau yam tshwm sim rau lub limtiam no peb ho mus xyuas seb yog dab tsi.

A nurse conducts a coronavirus test in Melbourne.

Victoria has increased the number of COVID-19 testing sites across the locked down suburbs. Source: AAP

Cov xov xwm tseem ceeb ntawm lub limtiam 03.07.2020:

  • Daniel Andrews uas yog hau xeev Victoria yeej tau nqua hu kom tej neeg mus sim seb puas kis tus mob no thiab. Nom tswv yeej tau xa ib cov neeg mus khob tej neeg qhov rooj kom tej neeg sim thiab mus sim rau tom tej chaw nom tswv tau npaj rau tej neeg sim yog tias tej neeg ib tug twg muaj cov yam ntxwv mob li khaub thuas kom txhob kis rau tej neeg lwm tus ntxiv.
  • Koj muaj peev xwm mus sim tau ntawm 
    https://www.dhhs.vic.gov.au/getting-tested-coronavirus-covid-19#where-to-get-tested
  • Ib hnub dhau los no xwb xeev Victoria twb muaj neeg kis tau tus ab mob COVID-19 no txog 66 tus lawm. Tam sim no muaj neeg tshaj 440 tus kis tau tus mob no ntawm xeev Victoria tshiab, tshaj 20 leej raug kho ntawm tsev kho mob thiab muaj 6 tus raug kho ntawm Intensive Unit Care raws li Jenny Mikakos uas yob Victoria tus pwm tsav tswj kev noj qab hau huv tau qhia. Nws thiaj qhia tias muaj ntau yam laj thawj ua rau muaj tej neeg kis kab mob no. Cov postcodes muaj neeg kis kab mob coronavirus coob tshaj plaws yog:
    • 3064 - Craigieburn, Donnybrook, Mickelham, Roxburgh Park, Kalkallo.
    • 3047 - Broadmeadows, Dallas , Jacana.
    • 3021 -Albanvale, Kealba, Kings Park, St Albans.
    • 3060 - Fawkner.
  • Muaj 2 tug neeg ua hauj lwm ntawm tsev kho mob Norther Health ntawm Epping kis kab mob COVID-19 thiab lawv tau txheeb tau tej neeg tau nrog 2 tug neeg no ua ke tas lawm.
  • Tau muaj ib tug tub kawm kis kab mob COVID-19 ntawm tsev kawm qib siab Mout Riodley P-12 College ntawm Craigieburn kis tau kab mob lawm, ces thiaj muaj lub teej kawm no kaw thiab nom tswv tau mus txheeb tej neeg tau nrog nws ua ke lawm thiab tau los tu lub teej kawm no kom huv lawm.
  • Tau muaj ib tug tub ceev xwm ntawm Werribee kis tau kab mob COVID-19.
Nom tswv tseem npaj 10 cov chaw sim ntxiv roj los sim rau cov zos li Brunswick West, Fawkner hnub tim 3 Jul 2020 no hos tag kis ces mam tsim cov mobile testing rau Glenroy, Roxburgh Park thiab Craigieburn coj los sim tej neeg. 

  • Nom tswv xeev Victoria tau kaw cov zos 36 lub ntawm 10 cov postcodes txij hnub tim 01.07-29.07.2020 li: 
    • 3012 -Brooklyn, Kingsville, Maidstone, Tottenham, West Footscray.
    • 3021 -Albanvale, Kealba, Kings Park, St Albans.
    • 3032 - Ascot Vale, Highpoint City, Maribyrnong, Travancore.
    • 3038 - Keilor Downs, Keilor Lodge, Taylors Lakes, Watergardens.
    • 3042 - Airport West, Keilor Park, Niddrie.
    • 3046 - Glenroy, Hadfield, Oak Park.
    • 3047 - Broadmeadows, Dallas , Jacana.
    • 3055 - Brunswick south, Brunswick west, Moonee vale, Moreland west.
    • 3060 - Fawkner.
    • 3064 - Craigieburn, Donnybrook, Mickelham, Roxburgh Park, Kalkallo.
  • Nom tswv xeev Victoria tau txib kom tej neeg nyob twj ywm hauv tsev tsuas pub mus hauj lwm, kho mob, exercise, pab lwm tus thiab yuav zaub mov los yog khoom siv xwb. Tub ceev xwm yuav mus soj tej chaw no yog leej twg lam tawm mus plas tsis muaj qab hau ces yuav raug nplua.
NSW  tau qhia tias cov neeg ntawm tej zos no leej twg tseem nyiag mus rau nws lub xeev thiab ces yuav raug nplua $11,000 los yog raug kaw 6 hli los sis yog raug nplua raug kaw tib si. Tub ceev xwm yuav mus zov thiab txheeb tej neeg ntawm Murray River.

Download tau lub 
COVIDSafe app
 los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.

Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.
READ MORE

Cov tshuaj vaccine coj los kho tus kab mob COVID-19

READ MORE

Lub app coj los tiv thaiv kab mob COVID-19


READ MORE

Tej cai uas tej xeev coj los siv tswj kab mob thoob plaws teb chaws Australia

Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :
Australia muaj neeg kis tus kab mob COVID-19 li no:
Ntiaj teb muaj neeg kis tau kab mob COVID-19 npaum li no:
Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:

Tej neeg nyob ntawm nroog Melbourne yuav tsum tau nyob twj ywm hauv tsev li nom tswv tau haias thiab tsuas tawm tsev mus yuav khoom noj khoom haus tseem ceeb, mus kawm ntawv, mus ua hauj lwm, mus ua exercise los yog mus tu saib xyuas lwm tus neeg xwb. Tsis tas li no los nom tswv yeej tau taw qhia kom siv ntaub khwb qhob ncauj thaum lawv mus rau zej tsoom tej chaw thiab. Mus txheeb tau tej xov xwm koj yuav tsum tau paub txog tus kab mob COVID-19 ntawm tej xeev tau ntxiv ntawm no.

Tej neeg nyob ntawm teb chaws Australia yuav tsum nyob kom nrug ntawm lwm tus neeg li 1.5 metres. Thiab mus txheeb ntxiv seb koj lub xeev ho muaj cov kev txwv tsis pub tej neeg sib sau li cas ntxiv.

Yog tias koj tau khaub thuas thiab muaj yam ntxwv mob, ces nyob twj yim hauv tsev thiab npaj hu xov tooj nrog koj tus kws kho mob tham los yog hu rau lub koom haum Coronavirus Health Information Hotline tus xov tooj 1800 020 080 tham seb yuav mus sim seb puas kis tus kab mob coronavirus no tau li cas.

SBS yeej tsim tau cov xov xwm ua 63 hom lus qhia txog tus kab mob no thiab koj muaj peev xwm mus txheeb xyuas tau ntawm sbs.com.au/coronavirus.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.

Share

Published

Updated

By Vixay Vue

Share this with family and friends