Nyob rau hnub tim 25 lub 4 hlis ntuj ib xyoo twg, ces yeej yog hnub tej neeg Australia nco txog hnub Anzac Day. Thaum xub mas yog tau tsim coj los fi rau tej tub rog Australia thiab New Zealand (Australian and New Zealand Army Corps - ANZAC) uas tau sib ntau sib tua ntawm Gallipoli rau lub caij tsov rog ntiaj teb zeeg ib. Tab sis tam sim no ces yog ib cov kev nco txog tag nrho txhua tus qub tug rog lawm.
Koom lub koom txoos nco txog qub tub rog thaum sawv ntxov
Nyob rau hnub Anzac Day, ces muaj lub koom txoos Dawn Services thoob teb chaws. Lawv tau pib tej koom txoos no thaum sij hawm li ntawm 5:30 am, uas yog lub caij tej tub rog no tau mus txog rau ntawm thaj chaw Gallipoli. Uas yog ib lub koom txoos nco txog tej tub rog uas tau tas sim neej lawm.
Tom qab ntawd ces yeej ib txwm tua phom thaum sawv ntxov ntawm tej koom haum RSL Clubs, uas muaj cov kev ci nqaij yooj yooj yim noj nrog hnyuv ntxwm, thiab mov mog nrog qe thiab muaj qee zaus ces haus kasfes ces mam haus cawv kab tsib lawv qab. Ces lub npe Gunfire Breakfast thiaj li yog tham txog cov kev noj tshais ua ntej tej tub rog no yuav ua tsov rog.
READ MORE
Anzac Day yog hnub dab tsi?
Cov koom txoos taug kev rau hnub Anzac Day
Yav lig rau thaum sawv ntxov ntawd ces tej qub tug rog yuav mus taug kev thoob plaws ntawm lub teb chaws no.
Brian Wilson ntawm lub koom haum Australian War Memorial hais tias "Tam sim no tsuas muaj tej qub tub rog uas tau koom tsov rog ntiaj teb zeeg ob tsawg tsawg lawm xwb. Thiab cov uas tseem muaj txoj sia nyob ces twb yog cov muaj hnoob nyoog 90 tawm xyoo lawm. Tab sis kuj yeej tseem muaj tej qub tub rog uas tau koom tej tsov rog Korea, Vietnam thiab cov tsov rog tiam vam meej no li Somalia, Afghanistan thiab Iraq uas Australia tej tub rog, tej tug rog nruab deg thiab nruab ntug tau ua rog ntawd koom nrog thiab."
“Ntxiv ntawd los kuj yeej tseem muaj cov qub tub rog txawv teb chaws coob heev uas tau ua lwm cov tsov rog thiab tau tuaj nyob rau teb chaws Australia no nrog thiab."
Yuav mus kom qhov twg?
Ib lub nroog twg nyias yeej muaj nyias cov koom txoos nco txog tej qub tub rog thaum sawv ntxov (Dawn Service) thiab tej koom txoos taug kev nco txog cov qub tub rog rau hnub Anzac Day (Anzac Day). Ntawm Canberra ces yeej muaj tej koom txoos no ntawm . Nyob Sydney ces muaj rau ntawm thaj chaw hos ntawm Melbourne ces muaj tej koom txoos no rau ntawm tus pej thuam nco txog cov qub tub rog .
Lub koom haum sawv cev rau cov qub tug rog yog tus npaj tej koom txoos Dawn Services, Gunfire Breakfasts thiab Marches. Yog li ntawd txoj xub ke zoo tshaj plaws uas yog koj xav paub tias ho ua dab tsi rau ntawm koj tej zejzog ces sib txuas lus nrog lub koom haum no.
Feem ntau ces tej qub tug rog thiab lawv tsev neeg yeej sib hnub Anzac Day no mus sib ntsib ntawm lawv tej koom haum RSL. Thiab yog ib thaj chaw zoo rau koj koom cov kev sib tw hu ua uas tsuas muaj cai twv tau rau tib hnub Anzac Day nkaus xwb. Cov kev twv no ces ua yooj yooj yim xwb: xws li koj muab lub npib cuam kom tig rau saum ntuj poob los ces cov neeg twv mam twv tias seb yog taub hau los yog tw thaum poob rau hauv pem teb ces yog yus twv raug 2 lub taub hauv tib yam los yog 2 tug tw tib yam ces yeej thiab tau nyiaj npaum li yus tso twv. Yog tsis raug ces yus swb thiab poob qhov nyiaj yus twv ntawd.
Lub cim ntawm hnub Anzac Day
Yeej muaj qee cov cim cuam tshuam txog hnub Anzac Day. Muaj ib txhia neeg muab cov luam laws rosemary rhais rau ntawm lawv lub tsho rau hnub no, vim yog ib co nrog uas tuaj rau ntawm suam av Gallipoli uas ncaus ntse ntse mus rau tom hiav txwv (Gallipoli peninsula). Muaj ib txhia ces cog yub ntoo thuv thiab cov paj ntshua nplaim muaj ntawm Gallipoli tom qab uas tej tub rog nqa noob ntawm thaj chaw Gallipoli mus cog.
Hos cov paj liab ces yeej yog cov tej paj ib txwm muaj ntawm cheeb tsham Europe uas yeej tawg rau ntawm tej tshav rog tom qab tsov rog ntiaj teb zeeg ib. Uas tau ras los ua ib lub cim nco txog Australia tej qub tug rog uas tau tas sim neej lawm.
Koj yeej muaj peev xwm npaj ib yam cim ntawm koj tus kheej thiab yog koj ua cov ncuav qab zib uas siv cov noob qoob oats thiab cov piam thaj nyoj.
Anzac biscuits
Tsis muaj ib yam dab tsi yuav piv tau Australia cov ncuav mog Anzac biscuits li.
Txheeb xov xwm ntxiv txog hnub Anzac Day
Lub vas sab yeej muaj xov xwm ntau txog hnub Anzac Day thiab Australia tej tub rog tej keeb kwm. Tsis tas li ntawd los koj yeej muaj peev xwm ntawm Canberra. Thiab yeej muaj ib txhia duab thiab tej khoom tej twj coj los tso rau sawv daws saib ntawd yeej raug txhais ua ntau hom lus.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download kom koj mloog tau SBS Hmong.
