Lub caij uas Australia tej xeev muaj neeg hno tshuaj vaccine coob tuaj ntxiv thiab tej neeg muaj peev xwm mus los yooj yim tom qab tsis raug kaw lawm, ces peb ho yuav nrog tej neeg uas pheej tseem tsis tau kam mus hno tshuaj vaccine tham li cas?
Sahra Behardien O’Doherty uas yog ib tug psychologist ntawm Sydney hais tias peb yuav tau ua tib zoo xyuas thiab txhawb nqa kom muaj cov kev sib thawm uas muaj uab tib zoo mloog lwm tus cov kev xav thiab nug tej lus nug rau lawv.
Maj mam tham
Nws tau qhia rau SBS News tias tias "Yog tej yam tseem ceeb uas peb yuav tsum tau nrog tej neeg tham ntau zaus thiab qhia rau lawv tias tej kuv hais tsis yog yuav yog nkaus xwb thiab tej koj hais tsis yog tej yuam kev nkaus xwb."
“Kuv xav kom lawv los txheeb lawv cov kev xav txog qhov zoo thiab qhov tsis zoo, qhov yuav tau txais txiaj ntsim thiab yuav muaj tau teeb meem, uas ua rau lawv ntshai thiab txhawb nqa lawv lawv ua tib zoo txheeb tej xov xwm tseem ceeb kom lawv muaj peev xwm hno tshuaj vaccines.
People line up at a mass vaccination hub at South Bank in Brisbane, Monday, September 20, 2021. Source: AAP
ces lawv thiaj muaj peev xwm los ua tib zoo txiav txim siab ntawm lawv tus kheej tias seb tej tshuaj vaccine puas yuav tau txais txiaj ntsim rau lawv, los yog ho tau txais txiaj ntsim li cas rau lawv tej zejzog."
Teev txog cov statistics
Billy Stoupas uas yog ib tug kws kho mob ntawm Melbourne yeej tau sab laj txog tej yam ntxwv mob cuam tshuam los ntawm tej tshuaj coronavirus vaccines tas mus li, hais tsi ntsees txog
Dr Stoupas tau hais tias “Peb yeej tau siv sij hawm ntau heev los tham txog tej no thiab ua tib zoo nkag siab txog
[Tej neeg mob]
lawv tej kev txhawj xeeb, tej neeg uas raug cov teeb meem ntshav khov no, tej xwm txheej cuam tshuam thiab tej kev phom sij loj muaj tau los ntawm tus tshuaj no ces mam los ua tib zoo luj qhov tseeb."
Tej nom tswv yeej hais tias yus yuav muaj cib fim raug lej ntau dua qhov yuav raug cov teeb meem ntshav khov uas muaj tsawg tsawg no, thiab yeej tau txais txiaj ntsim ntau tshaj los ntawm tus tshuaj AstraZeneca no dua tej kev phom sij uas yuav muaj tau ntawd.
Kom nkag siab tias sawv daws yeej ib txwm muaj civ kev tshai
Ms Behardien O'Doherty hais tias yog tej yam tseem ceeb peb yuav tau lees paub tias yeej ib txwm muaj cov kev ntshai txog tej tshuaj vaccine thiab kuj tsis yog tej yam ua rau peb ceeb dab tsi, yog peb xam txog tej tshuaj uas ntiab teb coj los siv thoob ntuj thiab lwm yam teeb meem li lub sij hawm tsim tej tshuaj no.
Nws hais tias raws li ib txwm pom ces, tos ho muaj cov kev ntshai no los vim yog tsis tau tej xov xwm tseeb xwb.
Ms O'Doherty hais tias “Tos ho muaj tej neeg coob heev tseem ua xyem xyav tsis xav hno tshuaj vaccine txhua hnub los twb vim tias
[tej neeg ]
tsis nkag siab ntxawv txog tias tej tshuaj vaccines ua dab tsi tiag, lawv ua hauj lwm li cas, thiab ho yuav muaj tau lwm yam teeb meem dab tsi cuam tshuam nrog."
"Thiab yog thaum peb tsis kub siab tiag tiag txog ib tug neeg txoj kev ntshai ces yeej yuav ua rau lawv taw tsam ces thiaj yuav ua rau yus tsis muaj peev xwm ua tau dab tsi li pab lawv kom lawv tsis txhob ntshai, thiab ua kom lawv qhib siab thiab lees paub tej tshuaj vaccine tias yog tej yam tsim nyog thiab yog tej yam pab tau."
Shoppers flock to Westfield Bondi Junction as Greater Sydney exits 108 days of lockdown, Monday, October 11, 2021. Source: AAP
Tham txog yus cov kev hno tshuaj
Liz Jones yog ib tug neeg ua hauj lwm pab tej poj niam yug me nyuam ntawm cheeb tsam zos Norther Rivers ntawm New South Wales, thiab nws kuj tau los xaiv tias yuav hno tshuaj tom qab tau nrog ib tug neeg nrog nws ua hauj lwm ua ke ua hnyuam qhov hno tshuaj vaccine tas tham.
Tus neeg muaj hnoob nyoog 38 xyoo no ces yeej ua xyem xyav tsis xav hno tshuaj vaccine yav dhau los thiab.
Nws hais tias “Kuv tau ua hauj lwm hmo ntuj nrog lwm tus neeg ua hauj lwm pab poj niam yug me nyuam thiab nws yeej nyuam qhuav tau hno tshuaj
[vaccine],
Nws tau hais rau kuv tias yog tham txog tej yam ntxwv mob cuam tshuam thaum kis tau tus kab mob COVID no thiab ua lub neej nyob nrog tej yam ntxwv mob uas yuav muaj ntev tuaj lawm ces yuav yog tej yam phem tshaj cov kev phom sij yuav muaj cuam tshuam nrog cov kev hno tshuaj vaccine lawm."
“Thaum nws tau hais li ntawd lawm, ces kuj zoo li muaj qab hau kawg nkaus rau kuv lawm thiab."
Dr Stoupas hais tias yog muaj neeg hno tshuaj vaccine coob ntxiv tuaj ces yuav pab kom muaj kev ntseeg siab rau cov kev hno tshuaj vaccine thiab.
“Yog yus tau ntsib tej neeg tau hno tshuaj vaccine ntau npaum li cas ces yuav ua rau yus xav mus hno tshuaj vaccine ntau npaum li ntawd."
Txhawb nqa kom xam pom lub hom phij tseem ceeb tshaj plaws
Tias yog muaj neeg hno tshuaj COVID-19 vaccine coob ces yog ib txoj xub ke pab kom Australia ntxeem dhau ntawm tus kab mob kis thoob ntuj no.
Nom tswv yeej tau hais tias yog muaj neeg hno tshuaj coob ces yuav ua rau raug kaw tsawg zog lawm thiab yuav rov qab qhib tej ciam teb thiab qhib ciam teb rau pej kum haiv thiab.
Dr Stoupas hais tias " Yeej muaj neeg coob heev xav tias cov kev hno tshuaj pab kom lawv tau mus ncig thaum twg los tau rau tej chaw uas nom tswv tso cai mus tau, thiab lawv tau txais kev tso cai mus tau, lawv kuj xav paub thiab tias yog lawv hno tshuaj vaccine lawm ne lawv puas yog cov yuav tau mus ntoj ncig dua thiab."
Tej neeg ntawm Australia uas tseem muaj kev txhawj xeeb txog tshuaj coronavirus vaccines ces xav txhawb nqa kom mus sab laj nrog nej teb kws kho mob.
Tsis tas li ntawd los yeej tseem muaj tej xov xwm txog tej tshuaj COVID-19 vaccines ntawm tsoom fwv lub tuam chav lis laj fai tswj kev noj qab haus huv lub thiab.
