Ntsiab lus tseem ceeb:
- Txij hnub tim 1 lub 7 hli ntuj financial year xyoo 2023-24 ces koj muaj peev xwm thov se.
- Tej tax agents thiaj xav kom tej neeg tso nyiaj rau lawv tej nyiaj super los yog coj nyiaj mus pab rau tej koom haum pab zej tsoom ua ntej yuav thov se..
- Yog li ntawd qee cov kev yuav khoom siv kuj muaj peev xwm siv txo tej se uas ib tug twg yuav tau them thiab.
Hnbu tim 30 lub 6 hli ntuj ces xaus financial year xyoo 2023-24 lawm, txhais tias txog caij yuav tau xav tias seb yuav npaj thov se li cas.
Lub koom haum sau se (The Australian Taxation Office - ATO) yeej muaj cov kev hloov rau tej cai kom ua thiab txwv tsis pub ua tas mus li, thiaj yog tej yam tseem ceeb xav kom ua tib zoo xyuas kom yus thov se rov qab raws sij hawm thiab thov txhua yam kom raug raws li qhov tsim nyog thov kom thiaj lug hla tsis txhob raug them se los yog tsis txhob raug nplua.
Nod yog txhua yam tsim nyog koj paub txog thiab qee yam ntawm ntau yam uas koj muaj peev xwm ua ua ntej yuav xaus xyoo nyiaj txiaj (Financial year) kom thiaj li tau txais txiaj ntsim ntau tshaj plaws rau koj cov kev thov se.
Tso nyiaj ntxiv rau koj tej nyiaj super
Marianna Agostino uas yog tus teeb tsa lub koom haum Conscious Wealth Creation thiab kuj yog ib tug tax agent thiaj xav kom tso nyiaj ntxiv rau tej nyiaj ua ntej yuav xaus xyoo nyiaj txiaj.
Cov kev tso nyiaj ntxiv tsis yog yuav pab kom yus muaj nyiaj super ntau ntxiv xwb tab sis yuav pab kom yus tau them se tsawg zog rau tej nyiaj yus khwv tau uas yuav tau them se thiab.
Marianna Agostino uas yog tus teeb tsa lub koom haum Conscious Wealth Creation thiab yog ib tug tax agent hais tias tej neeg uas xav them se tsawg rau lawv tej nyiaj khwv tau los muaj peev xwm tso nyiaj ntxiv rua lawv tej nyiaj super ua ntej hnub tim 30 lub 6 hli ntuj. Source: Supplied
"Ces tsis hais yus yuav yog ib lub tuam txhab lagluam los tsis yog li, yus yeej muaj peev xwm tso nyiaj ntau tshaj tej nyiaj super uas yus tus tswv lagluam them rau yus ntxiv rau yus tej nyiaj super.''
Agostino tau hais tias yeej teev tias xyoo no yeej pub tej neeg tso nyiaj txog $27,500 uas ntej yus tsis tau them se yam tsis tau them se ntxiv rau yus tej nyiaj super thiab.
Nws hais tias "Thiab yus kuj muaj peev xwm txuas lub sij hawm tso nyiaj rau yus tej nyiaj super thiab yog tias yus yeej tsis tau tso nyiaj ntxiv rau tej nyiaj super 5 xyoos dhau los li, ces yus kuj muaj peev xwm siv tej nyiaj uas tseem tsis tau tso ntxiv ntawd sib sau tso ua ke tib zaug los tau.''
Muab nyiaj pub tej koom haum pab zej tsoom
kuj muaj peev xwm pab kom yus tau them se tsawg rau tej nyiaj yus khwv tau los thiab.
Agostino tau hais tias txawm tias tej nyiaj tshaj li $2 dollars pab rau tej koom haum pab zej tsoom kuj yog tej yam yuav tau txiaj ntsim rau lub caij thov se thiab yog tias tsis cuam tshuam nrog tej crowdfunding campaigns.
Nws tau hais tias "Yuav tsis tau xo se yog tshwm nyiaj pab tej koom haum ntawm GoFundMe pages, tab sis yuav tsum yog cov kev them nyiaj pab rau tej koom haum uas pab kom yus muaj cai thov txo se tau (Deductible gift recipient) uas siv qhov GoFundMe them rau lawv,''
"Vim tej no tseem yog ib cov kev totaub yuam kev uas pom tas mus li uas tej neeg pheej xav tias yog thaum yus tau tshwm nyiaj pab lwm tus raws li cov crowdfunding los yog GoFundMe lawm ces txawm yuav thov tau se rov qab. Tab sis yuav thov tsis tau tsuas yog tias lub koom haum ntawd yog ib lub uas teev raug cai tias yog yus pab lawm muaj peev xwm thov txo se xwb.''
Txheeb seb ho siv nyiaj cuam tshuam txog cov kev ua hauj lwm ntawm tsev li cas
Vim , ces Gavan Ord uas yog CPA Australia tus kis thiaj tau hais tias yeej muaj ntau yam uas tej neeg ua hauj lwm ntawm tsev muaj peev xwm thov tau thiab.
Nws tau hais tias ''Muaj ob txoj xub ke xam rau cov kev thov txo se rau cov kev ua hauj lwm ntawm tsev - uas yog cov fixed rate method (uas yus muaj peev xwm claim tau 67 cents ntawm txhua teev uas yus ua hauj lwm ntawm tsev) thiab tej nqe cuam tshuam uas yus tau siv tiag,''
''Txhais tias yus yuav tsum tau teev tej ntaub ntawv tseg thiab xaiv tias seb qhov twg yog qhov zoo tshaj plaws haum raws tej xwm txheej ntiag tug.''
Tej xov xwm no ces tej zaum kuj yog tej sij hawm ua hauj lwm pes tsawg teev ntawm tsev, muaj pov thawj qhia tau txog tej nyiaj yus siv cuam tshuam txog cov kev ua hauj lwm li ntawv them nqe xov tooj, nqe hluav taws xob thiab tej tw ntawv (Receipts) thiab tej ntaub ntawv siv technology los yog tej rooj tog yuav siv rau yus chav ua hauj lwm.
Thiab yeej muaj ntau zaus uas kuj muaj peev xwm thov tau tej nqe ntawm tej khoom yuav coj los siv rau lub caij ntau xyoo uas paub tias yog cov khoom poob nqe (Depreciating assets).
Khaws tej tw ntawv (Receipts) ntawm tej nyiaj uas yus siv cuam tshuam txog cov kev ua hauj lwm
Raws li Ord hais ces cov kev thov se cuam tshuam txog cov kev ua hauj lwm yog ib co kev thov txo se pom muaj ntau tshaj plaws ntawm neeg Australia cov kev thov se.
Nws tau hais tias tej zaum tej neeg claim tej nqe cuam tshuam txog cov kev ua hauj lwm no ntau tshaj qhov tsim nyog lawm, los yeej muaj ib txhia cia li thov yam tsis muaj pov thawj dab tsi los pab tias vim li cas thiaj thov thiab.
Ord thiaj tau hais tias ''Yog tej yam tseem ceeb yuav tau xyuas kom tsuas thov raws li tej nyiaj uas yus tau siv cuam tshuam txog yus cov kev ua hauj lwm xwb. Tsis txhob thov tej kev siv internet 100 feem pua ntawm yus tsev tam li yog ib cov kev siv ua hauj lwm.''
Tej nqe cuam tshuam txog cov kev ua hauj lwm rau tej neeg uas ua hauj lwm rau ntawm ib qho chaw ua hauj lwm twg li tej khaub nchaws hnav uas muaj lub cim, tej khoom siv pov puag kom tau txais kev nyab xeeb, li tej tsom iav dub yog tsim nyog siv.
Ord tau hais ntxiv tias ''Kom nco tias yog koj qhov chaw ua hauj lwm them rau koj lawm, ces koj tsis muaj peev xwm thov txo se lawm.''
Gavan Ord uas yog CPA Australia tus kis tau hais tias yog tej yam tseem ceeb yuav tau muaj pov thawj los pab thov txo se thaum koj thov se. Source: Getty / Martin Poole
Nws tau hais tias tej neeg uas caij ib lub tsheb rau yus ntiag tug thiab ua lagluam yuav tsum tau muaj peev xwm txheeb thiab qhia kom tau qhov tseeb tias tau siv lub tsheb ntawd txog pes tsawg feem pua ua lagluam.
"Tsis muaj peev xwm yuav thov txo se tau rau cov feem puas uas yus siv lub tsheb rau yus ntiag tug. Thiab yog koj xav claim ces koj yuav tsum tau siv ib phau ntawv logbook los yog diary teev tias yus siv ntoj ncig rau ntiag tug li cas los yog yus siv ua luam li cas.
"Cov kev caij tsheb ntawm tsev mus ua hauj lwm raug xam tias yog siv rau ntiag tug xwb, tsuas yog tias ntshe yus ho ua lagluam ntawm tsev xwb mas thiaj yuav raug xam tias yog ib cov kev mus ua lagluam xwb.''
Txheeb xyuas yus cov kev ua luam
Agostino tau txhawb nqa kom tej lagluam me them tej nqe ntau yam ua ntej yuav thov txo se ua ntej yuav xaus lub caij thov se ntawm xyoo nyiaj txiaj (Financial year).
Nws tau hais tias ''Yeej ib txwm xam tej lagluam me cov kev them se raws cov kev siv nyiaj ntsuab xwb, txhais tias tus nqe tiag uas yus tau txais los yog tej nqe ntau yam uas yus tau them ntawd tsis muaj tw ntawv teev.''
Agostino tau hais tias tej tswv lagluam yeej ib txwm tsis tshua nco txog tej khoom lawv muaj rau lub caij thov se.
Nws tau hais tias ''Yog tias koj yog ib co lagluam uas muag tej khoom, ces yuav tau los txheeb koj tej khoom koj muag rau hnub tim 30 lub 6 hli ntuj los yog ze rau lub caij tim 30 lub 6 hli ntuj kom thiaj muaj peev xwm txheeb tau tias seb tej khoom muag twg poob peev, puas, tsis tau muag li cas thiab ua tib zoo txheeb kom tau tej zauv yog, vim tej khoo koj tau yuav yog tej qhia tias koj khwv tau nyiaj npaum li cas.''
Muaj pov thawj
Ord tau qhia tias txhua cov kev thov se yuav tsum tsim nyog muaj pov thawj los qhia tau qhov tseeb.
"Tej zaum ATO kuj yuav nug yus txog tej pov thawj pab thov txo se, yog li ntawd thiaj tsim nyog yus ua tib zoo xyuas kom muaj tej tw ntawv los yog lwm yam teev txog tej kev siv nyiaj no coj los qhia txog yus cov kev thov no.''
Nws thiaj tau qhia tias tej nqe siv yuav tsum cuam tshuam txog , yus tus kheej yuav tsum yog tus tau them tej nqe no, thiab tseem tsi tau hais kom yus lub chaw ua hauj lwm them rau yus, thiab yuav tsum muaj tej tw ntawv (Receipts) ua pov thawj qhia txog cov kev them tej nqe no.
Neeg Australia muaj peev xwm xaiv thov se kheej los yog ntiav ib tug tax agent pab thov se rau yus. Source: Getty / LPETTET
''Tej zaum tej no thiaj yuav ua rau ATO sau ntawv nug yus ntxiv. Thiab yog ib co kev claim twg txawv tej cai teev tseg ces ATO muaj peev xwm tsis tso co thiab yuav siv ntau cov kev nplua tau.''
Thov kom tau tej nyiaj rov qab
Txawm tias muaj ib txhia ces yeej nyiam , los yeej muaj lwm cov neeg ces tej zaum kuj yuav them nyiaj kom lwm tus pab thov se rau lawv.
Ord tau hais tias tej neeg uas tau ntiav ib tug twg kom pab thov se rau lawv tsim nyog nco qab ntsoov claim tej nqe no thaum thov se rau thaum xaus xyoo nyiaj txiaj.
Nws hais tias “Ib co uas zoo li tej neeg tsis tshua kub siab txog rau lub caij thov se ces yog tej nqe ntiav ib tug tax agent. Tej zaum ib txhia xav tias xyov lawv puas muaj peev xwm ntiav ib tug tax agent, tab sis yog ntiav lawm ces kuj muaj peev xwm thov tau cov nqe no yam raug cai txhua xyoo thiab, vim li cas yus thiaj tsis siv mas?''
Npaj yus tej ntaub ntawv kom txhij
Ord tau nqua hu kom tej neeg sawv daws npaj yus tej ntaub ntawv thiab tej xov xwm kom txhij tso mam li mus thov se.
Nws tau hais tias ''Txawm tias hnub tim 30 lub 6 hli ntuj yog lub caij yuav tau thov se ntawm lub xyoo, los txhais tsis tau tias yus yuav npaj zojzeeg mus thov se rov qab kom tiav kiag,''
"Thiab tsis xav kom yus yog thawj tug neeg mus ntsib yus tus accountant rau hnub tim 1 lub 7 hli ntuj, vim tej zaum yus tseem npaj tsis tau tej xov xwm txhua yam txhij coj mus siv thov se, ces tej zaum kuj yuav ua yuam kev loj thiab.''
Yog tias yus thov se kheej xwb ces lub caij thov yuav xaus rau hnub tim 31 lub 10 hli ntuj lawm.
Tab sis yog tej neeg siv tax agents ces kuj yuav muaj peev xwm thov se rau ib tug twg tom qab lub caij ntawd tau.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
