Ntsiab lus tseem ceeb:
- Raws li tau muaj ib co kev teeb txheeb tshiab ces tej neeg nrhiav hauj lwm ua uas siv lawv tej npe tsis yog npe Aaskiv los yeej raug hu mus interview txog ib nrab tib yam li tej neeg siv npe Aaskiv thiab.
- Tsab ntawv cej luam no txheeb tau tias tseem muaj cov kev faib cais rau 6 pawg neeg pawg tsawg.
- Tag nrho txhua tus neeg nrhiav hauj lwm ua yeej yog cov neeg yug ntawm Australia, ua hauj lwm ntawm Australia thiab kawm ib lub teej kawm twg los yog kawm qib siab ntawm Australia.
Raws li tau muaj ib cov kev teeb txheeb tshiab ces tej neeg nrhiav hauj lwm ua uas tsis siv npe Aaskiv tseem ''raug faib cais rau lub caij nrhiav hauj lwm ua tas mus li'' yog thaum nrhiav txoj hauj tus coj ua.
Tej kws teeb txheeb ntawm Monash Business School tau txheeb tau tias tej neeg pawg tsawg uas nrhiav hauj lwm ua ntawm teb chaws Australia los yeej tau txais xov tooj hu rov qab rau lawv ib nrab tib yam li tej neeg nrhiav hauj lwm ua uas siv npe Aaskiv thiab txawm tias muaj cov resume muaj ntsis zoo tib yam thaum nrhiav txoj hauj lwm ua tus coj ua.
Lub caij ob xyoos uas tau ua cov kev teeb txheeb no, ces tej kws teeb txheeb tau xa tej ntawv nrhiav hauj lwm ua ntau tshaj 12,000 daim teb rau tej lagluam haub tau yaum nrhiav neeg ua hauj lwm rau cov hauj lwm ntau tshaj 4,000 txoj ntawm Melbourne, Sydney thiab Brisbane.
Ces tej kws teeb txheeb no thiaj tau xa peb tsab ntawv nrhiav hauj lwm ua mus nrhiav 12 yam hauj lwm sib txawv. Uas ib tsab ces siv npe Aaskiv, hos ob tsab ces tsis siv npe Aaskiv.
Ces thiaj tau siv tej npe ntawm 6 pawg neeg tsawg uas muaj tej npe sib txawv suav neeg txum tim Aboriginal and Torres Strait Islander tej npe, npe Arabic, npe Suav, Npe neeg Aaskiv, npe neeg Greek thiab Npe neeg India.
Thiab tag nrho tej neeg nrhiav hauj lwm ua no yeej yog cov neeg yug ntawm teb chaws Australia, tau ua hauj lwm ntawm Australia no thiab tau mus kawm Australia ib lub teej kawm twg los yog kawm tsev kawm qib siab.
Ces tau coj tsab ntawv cej tau los ntawm cov kev teeb txheeb no coj mus nthuav tawm rau ntawm phau ntawv xov xwm ScienceDirect, uas Mladen Adamovic ntawm lub tsev kawm qib siab King's College London thiab Andreas Liebbrandt ntawm tsev kawm qib siab Monash Business School yog ob tug sau.
Ces Professor Liebbrandt uas yog tus coj cov kev teeb txheeb no thiaj tau hais tias 'nod yog peb thawj cov kev txheeb txog txoj hauj lwm ua tus coj seb zoo li cas.'
Ces peb kuj txheeb tau tias tseem muaj cov kev faib cais cuam tshuam txog cov kev nrhiav txoj hauj lwm ua tus coj ua ntau heev li.Professor Andreas Liebbrandt, Monash Business School
Txawm tias tej resumes yeej muaj ntsis zoo sib xws, los cov kev teeb txheeb no txheeb tau tias tej neeg nrhiav hauj lwm ua uas yog cov neeg pawg tsawg yeej tau txais xov toj hu rau lawv tsawg dua 57.4 feem pua yog piv rau tej neeg siv npe Aaskiv nrhiav hauj lwm ua.
Hos yog tej hauj lwm tsis yog hauj lwm ua tus coj ces tej neeg pawg tsawg yeej tau txais xov tooj ntawm tej chaw nrhiav neeg ua hauj lwm rau lawv tsawg dua li 45.3 feem pua kom mus interview xwb.
Thiaj pom tau tias tseem muaj cov kev cais tej neeg pawg tsawg rau tej hauj lwm ua tus coj uas raug coj mus haub tau yaum (advertised) uas muaj feem cuam tshuam nrog tej customer, tab sis kuj nrhiav tau hauj lwm zoo tuaj ntxiv yog tias txoj hauj lwm no kub siab txog xav tau tus neeg zoo li cas, kawm dab tsi, thiab puas muaj laj lim tswv yim zoo li cas ntawd.
Professor Liebbrandt thiaj tau hais tias tseem muaj cov kev txiav txim siab uas tej zaum yeej tseem cais ib cov neeg twg thiab pheej tseem xav tias tsim nyog cov neeg zoo li cas thiaj tsim nyog ua cov coj xwb.
Cov kev teeb txheeb no thiaj taw qhia kom tsis txhob qhia tej neeg nrhiav hauj lwm ua no thaum ntxov tias yog leej twg. Tsis txhob qhia npe thaum pib nrhiav tej neeg no kom ib tug twg kom thiaj li ncaj rau sawv daws.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
