Ntsiab lus tseem ceeb:
- Tau muaj ib tug nom senator tau teev txog ib co kev cej luam tias cov khoom noj Tim Tams muag ntawm Australia no kim dua tej muag ntawm teb chaws Askiv.
- Thaum nug txog tej no lawm ces lub tuam txhab Coles thiab Woolworth hais tias tsim nyog lub tuam txhab Arnnott yog tus tawm tswv yim txog tej no.
- Yeej muaj ntau yam cuam tshuam txog tus nqe muag tej khoom no tab sis lub tuam txhab Arnott yeej hais tias Australia yuav tau tej khoom no pheej yig tshaj Askiv.
Tau muaj Australia ib tug nom senator tau nug Australia tej supermarkets tej kis txog tej nqe muag Australia ib co chocolate biscuits rau lub caij nug txog tej .
Senator Jane Hume tau hais tias Tim Tams muag pheej yig dua ntawm Askiv tej khw Tesco thiab Waitrose piv rau tej muag ntawm Australia.
Victoria tus nom senator ntawm ntawm pab nom Liberal no thiaj tau hais rau hnub zwj Kuab (Friday) tias ''Kuv tsis nkag siab tias vim li cas tej supermarkets ntawm teb chaws Askiv thiaj muaj peev xwm muag tau tus nqe Tim Tams pheej yig dua tej muag ntawm Australia tej supermarket uas peb paub tias yog ib co khoom noj uas muaj neeg xav yuav heev thiab yog tej yam tsim nyog muaj rau sawv daws noj.''
Hume tau teev txog ib tsab ntawv cej luam uas qhia tias ib pob Tim Tams 200 gram uas muag ntawm ces raug tus nqe $6, tab sis tib pob khoom noj no ho raug muag tus nqe $4.86 ntawm lub supermarket hu ua Tesco ntawm tuam ceeb London xwb.
Ces Coles thiab Woolworths tej kis thiaj tau hais tias lub tuam txhab uas tsim tej khoom noj no tsim nyog yog tus tawm tswv yim tias yog vim li cas tiag.
Ib pawg rooj saib xyuas tab tom txheeb txog tej nqe siv ua lub neej ntau yam uas tau ras los ua ib cov kev nyuaj siab rau tej neeg Australia. Source: Getty / chameleonseye
Ces Arnott's thiaj tau teb ib co ncauj lug xa rau SBS News tsis pom zoo nrog lub tswv yim tias cov khoom noj Tim Tams pheej yig dua ntawm teb chaws Askiv piv rau tej muag ntawm teb chaws Australia no.
Nws tej lus tau hais tias "Tus nqe nrab uas Australia tej neeg yuav khoom siv them thaum yuav ib pob Tim Tam Original 1 xyoos dhau los tsuas tau them $3.15 xwb yog piv rau tus nqe muag rau tej neeg ntawm teb chaws Askiv ces tau them txog $4.50 diam.''
Thaum uas SBS tau nug tias ho muaj lwm yam dab tsi ua rau tus nqe khoom Tim Tams pheej yig dua ntawm teb chaws Askiv dua ntawm teb chaws Australia, ces lub tuam txhab Arnott's kuj tsis teb ib lo lus teb ncaj qha dab tsi.
Tsis tas li ntawd los Senator Hume cov kev tau teev txog ''ib cov kev cej luam tsis ntev los no ntawm teb chaws Askiv'' uas haj yam ua rau tej neeg yoob txog tej no ntxiv thiab tias yog thaum nws muab pob khoom Tim Tims sib piv tias loj tib yam, tab sis tej khoom uas muag ntawm Askiv ob lub supermarket Waitrose thiab Tesco tej vas sab kuj yog cov khoom ntim tsawg dua tej muag ntawm teb chaws Australia uas tsuas ntim 9 tus chocolate biscuits hnyav txog 163 gram muag pheej yig zog raws li tus nqe uas Hume tau teev xwb.
Ces thiaj tsuas ua rau tus nqe muag tej biscuits no ntawm Askiv thiab Australia sib txawv li ntawm ob peb xee, thiab tej zaum tej neeg Askiv kuj yuav tau tej khoom noj no ib nyuag ntau zog.
Australia lub koom haum Australian Competition and Consumer Commission (ACCC) los kuj tau pib coj ob lub tuam txhab Coles thiab Woolworths mus hais plaub rau lub 9 hlis ntuj thiab tau liam tias tau nce tej nqe muag khoom ua ntej yuav txo tej nqe no, thiab muag tej khoom no tus nqe siab tshaj tej nqe ib txwm muag.
Tim Tams ces kuj yog ib yam ntawm ntau yam khoom muag uas ACCC liam tias Woolworts tau dag tej neeg yuav khoom txij xyoo 2021 thiab 2023.
Senator Jane Hume tau hais tias Tim Tams pheej yig dua ntawm teb chaws Askiv tej khw Tesco thiab Waitrose dua tej muag ntawm teb chaws Australia. Source: AAP / Lukas Coch
Nws tau hais tias "Tej ntawd tsis yog tej uas kuv los yog lub tuam txhab Coles xam pom txog hlo li, tab sis kuv xav tias yuav yog ib lo lus nug tsim nyog coj mus nug lub tuam txhab Arnott's tshaj plaws.''
Ib co kev tawm tswv yim ntau yam
Professor Gary Mortimer yog ib tug kws paub zoo txog tej retail marketing ntawm tsev kawm qib siab Queensland University of Technology lub teej kawm lagluam tau qhia tias yeej muaj pej kum haiv ntau cov khw retails yeej tau txais tej txiaj ntsim ''lagluam ntau dua'' tej Australia tej tau txais.
Nws tau hais tias "Raws li cov kev tawm tswv yim lawm ces tej zaum tej tuam txhab tsim biscuits yeej xav kom muaj lawv tej khoom noj no muag ntawm teb chaws Meskas thiab thoob plaws rau nrim av Europe tej kiab khw, thiab yeej tuaj yeem sib khom tus nqe pheej yig dua kom tau muag lawv tej khoom no ntawm tej kiab khw no tej txee muag khoom.''
Mortimer tau hais tias nws cia siab tias tsev tsoom fwv pawg rooj saib xyuas yuav xav ''rau kis dav dav'' li xam txog ntau yam uas muaj feem ua rau tej nqe khoom noj kim.
Nws tau hais tias "Kuj yog tej yam uas zoo li lawv pheej mus txheeb ob lub khw supermarkets loj xwb, los yog tej supermarkets feem ntau xwb, tab sis zoo li lawv tsuas kub siab txog ob lub khw no nkaus xwb thiab.''
Mortimer tau hais tias "yuav tsum tau txheeb tag nrho tej lagluam no", seb cov kev teeb tej nqe zoo li cas, thiab lawv ho muag rau pej kum haiv tej khw li cas rau tib co khoom zoo tib yam uas muag ntawm Australia tej supermarkets tej txee muag.
Vim tias yog muab tej lagluam ntawm 2 lub tuam txhab supermarkets loj lis Woolworths thiab Coles sib sau ua ke lawm ces twb sawv cev rau Australia tej kiab khw muag khoom noj txog li 65 feem pua lawm.
Tom qab tau nug tas lawm ces Senator Hume tau qhia rau tej chaw nthuav xov xwm tias ''yog ib cov kev txaus txhawj xeeb'' uas tej chocolate biscuits ''tseem kim heev ntawm teb chaws Australia no, ib lub khw supermarkets uas tsuas nyob nrug ntawm lub tuam txhab tsim tsis deb li ntau metres xwb piv rau tej khoom muag ntawm teb chaws Akiv uas nyob deb ntawm lub tuam txhab tsim txog li 17,000 km diam.''
Nws thiaj tau hais tias "Vim li ntawd peb thiaj tua hais tias tsis tsim nyog lawv siv tej voluntary code xwb tab sis yuav tsum tau yuam kom lawv ua raws ib co code of conduct, peb xav ua tib zoo xyuas kom tej khw supermarkets yuav tsum ua tib zoo xyuas lawv tej supply chain (tej kiab khw xa khoom rau lawv muag) raws li qhov tsim nyog,''
"Vim li ntawd peb thiaj xav tsim ib tug coj tsi ntsees rau lub koom haum ACCC los ua tib zoo xyuas kom lawv muaj peev xwm los daws tej kev tsis txaus siab no, yog tias muaj peev xwm ua ntiag tos yam tsis qhia tias yog leej twg yog tsim nyog ua, ntawm tej suppliers kom thiaj tau txais kev ncaj ncees rau lawv.''
Ces thiaj tau muaj tsev tsoom fwv pawg rooj saib xyuas no cov kev nug txog tej xwm txheej no rau lub caij uas muaj
Thiab raws li tsev kis xeev siab (Senate) cov kev tau txheeb txog tej no rau thaum ntxov xyoo no rau lub caij uas tseem muaj tej teeb meem nuj nqes siv ua lub neej kim ntau yam, thiab yeej ua rau
SBS News los kuj tau nug rau Senator Jane Hume los nws kuj tsis tawm tswv yim dab tsi txog tej no.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxivntawm ,, , thiab los yog download thiab kom koj mloog tau SBS Hmong.
