Raws li tsoom fwv Australia tau qhia txog nws cov nyiaj them pab rau tej tswv lagluam siv them ua nyiaj hli rau tej neeg ua hauj lwm (Wage subsidies) uas pab rau tej neeg rau lub caij muaj kab mob coronavirus no kho dua tshiab ces yuav muab cov nyiaj no txo ntawm $1,500 los ua $1,200 lawm xwb.
Tej neeg ua hauj lwm tsawg dua 20 teev rau ib limtiam ces lawv cov nyiaj JobKeeper yuav raug txo los ua $750 rau 2 limtiam twg lawm xwb.
Tsis tas li no los tej lagluam los yuav tsum rov qab los txheeb xyuas dua tias seb lawv puas muaj cai thov tau cov nyiaj JobKeeper uas yog yuav tsum qhia kom tau rau nom tswv paub tias lawv khwv tau nyiaj tsawg txog li 30% ntawm 50% ntawm tej tuam txhab lagluam loj khwv tau.
Yog li ntawd thiaj yuav pib siv cov kev them tej nyiaj tshiab no txij lub 9 hli ntuj xyoo 2020 mus txog lub 3 hlis ntuj xyoo 2021.
Txij lub 3 hlis ntuj xyoo 2021 mus ces tsuas them cov nyiaj JobKeeper no $1,000 rau cov neeg ua hauj lwm full-time thiab them $650 rau cov neeg ua hauj lwm tsawg dua 20 teev lawm xwb.
Thiab yuav txo cov nyiaj pab rau tej neeg tseem nrhiav hauj lwm ua rau lub caij muaj kab mob coronavirus ntawm $550 mus ua $250 rau thaum xaus rau lub 9 hli ntuj thiab yuav them li no mus txog rau thaum xaus lub xyoo 2020 no.
Tej neeg uas tau cov nyiaj JobSeeker no yeej tseem muaj peev xwm ua hauj lwm kom khwv tau nyiaj me ntsis ntxiv txog li $300 thiab tsis cuam tshuam dab tsi txog tej nyiaj JobSeeker uas tsoom fwv pab no.
Thawj pwm tsav Scott Morrison thiaj tau los qhia txog cov kev pauv hloov rau tej nyiaj no ntawm tuam ceeb Canberra rau hnub zwj Quag (Tuesday) zwj thaj tim 21 July 2020 no.
Tsis tas li no los nom tswv tseem yuav rov qab los txheeb xyuas cov kev them tej nyiaj rau tej neeg tsis tau hauj lwm ua no rau hnub tim 6 lub 10 hlis ntuj xyoo 2020 uas nws qhia txog nws cov nyiaj puag xyoo (Budget) seb zoo li cas ntxiv.
Kim Morrison hais tias "Raws li tej xwm txheej peb pom tam sim no ces kuv xav tias tsim nyog peb yuav pab cov nyiaj rau tej neeg rau lub caij tseem muaj tus kab mob COVID txuas ntxiv tom qab dhau lub 12 hlis ntuj thiab."
Tab sis txij hnub tim 4 lub 8 hli ntuj xyoo 2020 mus ces tej neeg thov cov nyiaj no yuav tsum tau nrhiav hauj lwm ua, thiab nom tswv yuav los txheeb xyuas seb lawv ho muaj tej peev txheej li cas rau thaum xaus rau lub 9 hlis ntuj no seb tsim nyog pab nyiaj li cas rau tej neeg no lawm xwb.
Thawj pwm tsav tau hais tias neeg Australia yeej to taub zoo tias 2 co nyiaj pab cuam no tsuas pab ib ntus xwb.
Kim Morrison hais tias "Lawv yeej paub tias tej xwm txheej tam sim no ua rau yuav tau siv nyiaj ntau heev, siv lawv tej nyiaj ntau heev los yog siv tej neeg cov nyiaj se ntau heev txog li $11 billion rau ib lub hlis twg ntawd yuav tsis muaj rau tej sawv daws siv li no mus ib txhi."
Lub tuam chav tswj nyiaj txiaj rau tsoom fwv kwv yees tias tej zaum yuav muaj tej neeg thov cov nyiaj JobKeeper no tsawg me ntsis los ua 1.4 roob (million) tus rau thaum lub 12 hlis ntuj thiab tsuas muaj 1 roob (million) tus rau lub 3 hlis ntuj xyoo 2021 lawm xwb.
Tam sim no ces muaj tej neeg ua hauj lwm txog li ntawm 3.5 roob (million) tus tseem tau cov nyiaj them rau tej tswv lagluam them ua nyiaj hli (Wage subsidies) rau lub caij tseem muaj tus kab mob coronavirus sib kis thoob ntuj no.
Download tau lub los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.
Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.
Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :
Australia muaj neeg kis tus kab mob COVID-19 li no:
Ntiaj teb muaj neeg kis tau kab mob COVID-19 npaum li no:
Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:
