Tsuas tshuav lub sij hawj li ntawm 4 - 5 hnub txog rau tim 5 lub 11 hlis ntuj uas neeg Meskas yuav xaiv tsa lawv tus president tshiab los us tus tsoom fwv tshiab hloov tus tsoom fwv Biden lawm xwb. Tab sis kuj yeej tseem muaj cov kev sib tw xaiv nom ntawm ob pab nom Democrats thiab Republican uas muaj neeg txhawb nqa sib nrawg nroos ntawm 47 thiab 46 feem pua sib lawm liag raws li Dr Lis Pov Xyooj hais.
Dr Lis Pov hais tias ''Peb Hmoob lub suab xaiv nom yeej tseem ceeb heev thiab, yeej pom tias lawv (nom tswv) yeej xa cov neeg tseem ceeb tuaj mus nrog peb cov Hmoob tham nyob rau Wisconsin thiab Minnesota tib si thiab.''
Dab tsi yog tej uas txaus txhawj xeeb ntawm cov kev xaiv tsa 2024 US Presidential election no.
Txawm li cas los Meskas cov kev xaiv tsa president xyoo 2024 no kuj ua rau nw hnyiav siab kawg thiab.
Nws hais tias ''Kuv yeej tau nrog peb cov Hmoob coob heev tham tsis hais laus los hluas li lawv yeej hais tias Kamala Harris tsis muaj chance yuav yeej, ces lawv yeej hais tias lawv yuav pov rau Trump xwb, lawv yuav pov rau tus neeg yeej xwb. Qhov no kuj ua rau peb cov taug thiab soj ntsuam no txhawj tias, sawv daws puas paub tias Trump cov policies thaum xaiv tau nws nws yuav ua dab tsi, los yog Kamala Harris los yog nws raug xaiv lawm nws yuav los ua dab tsi pab rau sawv daws thiab. Kuv saib mas zoo li sawv daws tsis tau taug tej no meej, ces zoo li lawv cia li ua raws li lawv xav xwb, tsis yog ua raws kev tshawb fawb. Qhov no kuj yog ib cov ua rau peb hnyav siab txog qhov no.''
Dr Lis Pov kuj hais tias 'Trump mas nws yog ib tug neeg uas cais lwm tus li nws cem tej neeg Muslim, Solami, Suav, Mexican, Latino ces los cem tej neeg Asian txuas ntxiv ntawd ces cem cov neeg Puerto Rican ... thiab zoo li nws yog ib tug neeg txug ntxaug cov neeg pawg tsawg,' tab sis lub caij uas Donald Trump tau hais lub nrhiav suab rau tej neeg txhawb nqa nws ces nws kuj tau hais tias ''Yog ib tug president tsis nyiam neeg Meskas ces tsis tsim nyog nws yuav ua tus coj los yog ua tus president thiab.''
Tej cai thiab tej hauj lwm tseem ceeb uas ib tog nom twg yuav los ua yog lawv yeej.
Dr Lis Pov hais tias Trump lub tswv yim uas pheej yuav muab tej neeg tsiv teb tsaws chaw xa rov qab yog nws yeej los ua nom mas 'yuav tau txheeb xyuas qhov tseeb tias yog tim laj thawj dab tsi thiaj ua rau lawv khiav mus rau teb chaws Meskas - puas yog tim kev txom nyem los yog tim kev khiav tsov rog nrhiav kev cawm siav?'.
Zeskais Lis Pov hais tias 'lub koom haum Heritage Foundation daim blueprint hu ua Project 2025 yog hnub twg Donald Trump yeej los ua nom ces yuav coj tej plan no coj los siv. JD Vance kuj yog ib tug tau sau tej cai no thiab yeej muaj cov kev yuav thim tsis pub tej neeg ua pej xeem (Denaturalization) Meskas yog tias ua txhaum cai ces yauv raug xa rov qab rau tus neeg ntawd lub qub lub teb chaws'.
Nqe ob tuaj ntxiv ces yog 'Health Care Act los yog Obama Care uas lub caij Obama tseem ua nom uas nws tau los tsim kom tej neeg muaj mob muaj peev xwm yuav tau nyiaj tuav pov hwm noj qab haus huv siv, thiab kom yuav tau tshuaj pheej yig siv. Tsab cai no yuav txwv tsis pub tej health insurance refuse tsis muag health insurance rau tej neeg uas muaj cov pre-condition health issues uas Trump hais tias nws yuav muab tso tseg tsis siv ntxiv lawm, raws li Dr Lis Pov hais, ces thiaj pab kom muaj 8 million tus neeg yuav tau health insurance siv vim muaj qhov Affordable Care Act. Thiab yeej muaj Hmoob coob leej ntau tus tau health insurance siv vim muaj tsab cai no.'
Nws hais tias 'Trump yog ib tug neeg uas hais tias yuav ua ntau yam xwb tab sis nws yeej tsis muaj peev xwm qhia tias nws tsim tau cai dab tsi coj los siv li. Nws tej cai ces yog confrontational thiab focusing on oneself.'
'Vim muaj ntau yam li hais no uas Hmoob tsis tau mus tshawb fawb, thiab pheej hais tias yuav mus pov npav rau Trump!' Yog Trump tau nom, thiab muaj ib hnub twg koj ua txhaum cai li nuv ntshe tshaj tej nom tswv pub yuav, tua muas lwj yuam kev ntawm tus phaw thiab tus maum, tej no twb yog ib cov kev ua txhaum cai ces Trump yuav muab nej cov kev ua pej xeem lawb, thiab muab nej xa rov qab rau Nplog teb,' raws li Dr Lis Pov hais.
Lawb lub Department of Education thiab muab tej nyiaj tso rau State seb nws yuav ua li cas. Nqe no Dr Lis Pov hais tias yuav ua rau muaj teeb meem rau tej neeg kawm ntawv txom nyem tsis muaj nyiaj ces yuav tsis muaj peev xwm kawm tau qib siab vim tsis tau nyiaj ntawm nom tswv pab (Financial Aids/Scholarships). Tsis tas li ntawd los kuj tseem yuav tsis muaj cov kev txhais lus rau tej neeg tsis paub lus Askiv siv ntau yam kev pab cuam ntxiv lawm thiab.
Nws hais tias lub caij Trump tseem ua nom ces nws tau tso tseg tsis siv tsab cai pub tej neeg rho me nyuam tab sis Kamala Harris hais tias poj niam lub cev ces cia poj niam ua tus txiav txim siab nom tswv tsis muaj cai yuav yuam tej neeg.
Hais txog LGBTQI ces Trump kuj tsis pom zoo vim tswv ntuj yeej tsim muaj poj niam thiab txiv neej xwb, yog tej neeg no sib yuav ces yuav tsis tau hospital cover los yog yuav tsis tau ntau yam txiaj ntsim.
Hais txog Trump cov kev yuav kaw ciam teb thiab xa tej neeg tsiv teb tsaws chaw rov qab ces Dr Lis Pov hais tias ''yuav tau xyuas raws li tej laj thawj tsim nyog tias vim li cas tus neeg ntawd thiaj tau mus rau teb chaws Meskas.''
Ib nqe ntxiv uas Dr Lis Pov tawm tswv yim ntxiv ces yog nws hais tias 'Nej tsuas vote zaum nod xwb lwm zaus nej tsis vote lawm.' Nqe no tej zaum Trump kuj yuav muaj peev xwm siv nws tej judge los pab kom nws muaj fwj chim li Xi Jinping thiab Putin los kuj tau vim nws cov kev ua txhaum li tau nqa tej classified documents mus rau nws lub tsev Supreme Court twb tsis pub rau txim rau nws. Tab sis tej zaum tsuas yog ib cov speculation xwb.
Dr Lis Pov kuj hais ntxiv tias 'Qhov project 2025 kuj qhia tias yog leej twg xav ua hauj lwm rau nom tswv Meskas ces yuav tau ntxeem kom dhau cov screening program tso mam li tau ua thiab.'
'Yeej muaj xov xwm qhia tias Trump tseem tau xa ib cov twj thiab tshuaj mus pab Russia lub caij pandemic thiaj ua rau Meskas tsis muaj twj txaus siv thiab neeg tuag coob.'
'Trump yog ib tug neeg worship Putin, North Korean leader, nws worship dictators,' raws li Dr Lis Pov hais ces yog ib qho very dangerous rau teb chaws Meskas. Nws yog ib tug neeg very confrontational nws nrhiav teeb meem tsis nrog lwm tus tham thiab tsim kev thaj yeeb, sib pab tiv thaiv teb chaws, thiab kev ncaj ncees thiab democracy tab sis zoo li nws pheej muaj ntsis nyiam cov dictatorship ntau.'
Tim 6 lub 1 hlis ntuj los Trump yeej haub kom tej neeg tsim kev kub ntxhov thiab tsis lees paub txog nws cov kev swb cov kev xaiv tsa rau President Joe Biden thiab. Yeej muaj tej neeg tshaj xov xwm tau nug tej neeg txhawb nqa Trump ces tej neeg nyiam nws yeej teb tsis tau tias seb lawv puas lees swb.
Yog tham txog Australia cov hauj lwm AUKUS ces Dr Lis Pov hais tias ''Trump ces focus rau Mekas nkaus xwb, America first. Nws tsis xav thiab tsis pom zoo muab nyiaj txiag mus pab lwm lub teb chaws. Nws thiaj hais tias 'txij thaum Trump los ua nom ces nws yeej tau tso tseg ntau yam tsis hais yog NAFTA, yuav tsis pab NATO, UN los yog tso tseg cov nuclear agreement nrog Iran, yuav tsub se import tariff rau tej khoom nqus muag rau Meskas uas yuav kim heev rau tej neeg Meskas them, tej se uas Trump hais tias yuav txo rau sawv daws los yuav txo rau tej neeg muaj txiaj nplua nuj xwb thiab tej zaum yuav ua rau Meskas tej lagluam recess'.
Dr Lis Pov hais tias 'Koj ua nom ua tswv mas yuav tsum pab lwm teb lwm chaw es thaum twg txog koj los luag thiaj pab, sawv daws sib pab thiaj tiv thaiv tau kev ncaj ncees, yog tias peb ua rau peb xwb no ces hnub twg muaj teeb meem rau peb ces luag yeej tsis tuaj pab peb, rau qhov peb twb tsis pab luag ne'.
Dr Lis pov thiaj hais ib cov lus rau sawv daws xav tias ''Peb Hmoob ces yeej muaj cov kev xav li Republican, ntseeg txog kev tiv thaiv teb chaws, family units thiab ua hauj lwm los kom tau nyiaj rau yus kom nom tswv tsis txhob sau se, tab sis kom sawv daws ras tias pab nom Republican tam sim no txawv pab nom Republican dhau los uas tsim cai thiab nrhiav kev ncaj ncees, tab sis under Trump ces pab Republican tsis yog pab qub thaum i lawm. Tej zaum peb yuav tuaj tog tod (Trump) dua tab sis tej zaum Kamala Harris cov policies yuav pab peb Hmoob dua, yuav txhawb Hmoob thiab txhawb lub teb chaws nod (America) kom yog ib lub teb chaws uas luag pom luag ntshai, luag pom los luag ntshaw thiab. Tab sis yog Trump yeej ua nom lawm ces tej zaum peb lub teb chaws no yog ib lub teb chaws uas luag teb luag chaw yuav tsis fwm thiab tsis tas li ntawd los yuav raug peb Hmoob hnyav.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
