Meskas tus President Donald Trump tau qhia tias kom Meskas tej tuam txhab kub siab txog Suav tuam txhoj cov kev muaj peev xwm rau sab txuj Artificial Intelligence tom qab cov AI hu ua DeepSeek tau ua rau Meskas lub tuam txhab AI computing giant Nvidia poob nyiaj yuav laug txog li $1 trillion tom qab Meskas tej stock poob nqe. Tau muaj tej xwm txheej no tom qab tssis ntev los no uas President Trump tau qhia tias yuav nqes peev USD$500 billion rau tej AI infrastructure.
Lub koom haum Quakers tau coj tsoom fwv Trump mus hais plaub vim tau hais tias tsoom fwv Trump tau hloov nws tej cai thiab tso cai rau Meskas lub tuam chav Department of Homeland Security tso cai rau tej neeg Immigration and Customs Enforcement agents tau mus muab tej neeg txhom ntawm ntau thaj chaw li chaw teev hawm, teej kawm, me nyuam yaus tej chaw ua si, tsev kho mob yam tsis tau txais kev tso cai ntawm tej neeg saib xyuas tej neeg no.
Tsoom fwv teb chaws Australia yuav coj tsab cai tiv thaiv kom neeg phem tsis txhob ntxias dag tej neeg los txheeb hauv tsev tsoom fwv hnub no (28.01.2025). Tab cai Scams Prevention Framework Bill raug coj los sab laj lub 11 hlis ntuj tsaib no thiab tej zaum yuav nplua tej tuam txhab lagluam txog li $50 million yog tias lawv tsis kub siab los ua ntau yam los tiv thaiv, txheeb, cheem, thiab daws tej teeb meem no los yog cej luam txog tej xwm txheej dag no rau nom tswv paub.
Ellie Smith uas yog ib tug neeg sab laj rau tej hauj lwm ib puag ncig yog tus neeg yuav los ua tus nom ywj pheej sib tw nrog Peter Dutton uas yog tus coj ntawm lwm pab nom teb chaws lub rooj nom Dickson ntawm Brisbane.
Meskas tus President Donald Trump qhia tias yuav tsub txim ntau cov teb chaws tej lagluam kom ntau ntxiv yog tias lawv tsis kam txais lawv tej neeg Meskas xa rov qab, tom qab uas tsoom fwv Colombia tsis kam txais nws tej neeg mus rau Meskas tsis raug cai uas Meskas tej tub rog ib co fij dav hlau tau thauj tej neeg no rov qab thiab thaum kawg tus tsoom fwv no kam txais nws tej neeg lawm.
Tau muaj Australia tej neeg zej zog tau mus koom ntau million tus ntawm cov teb chaws Asia ua kev zoo siab rau lub koom txoos Lunar New Year uas yog nab xyoo 2025. Tab sis ib txhia kuj muaj cov tsiaj sawv cev sib txawv li nyuj, miv, dav thiab muas lwj.
Tau muaj cov kev sib tua muaj ceem heev ntawm Democratic Republic of Congo lub nroog Goma ntawm pab neeg tawm tsam tsoom fwv M23 thiab tsoom fwv tej tub rog. Pab neeg no hais tias lawv txheeb tau lub nroog no tab sis tsoom fwv Congolese tsis lees.
Senator Sarah Hanson-Young tau hais kom tsoom fwv Australia muab cov koom haum National Socialist Network xam tam li yog lub koom haum terrorist raws li Australia tej cai, tom qab uas tub ceev xwm tau mus txhom tau 16 tus tub koom siab neo-Nazi uas xav cuam tshuam nrog hnub Survival Day ntawm Adelaide nag hmo.
Jim Chalmers uas yog Australia tus nom tswj nyiaj txiaj rau tsoom fwv ntseeg tias cov xov xwm qhia txog nyiaj poob nqe hnub zwj Feej los yog Wednesday yuav pab kom neeg Australia muaj kev tso siab rau tej nuj nqes siv ua lub neej, vim rau qhov tsoom fwv yeej tau pab nyiaj los pab them nqe hluav taws xob, nqe roj tsheb, nqe yuav rooj tog thiab ris tsho rau lub caij muaj neeg poob hauj lwm tsawg.
Tau muaj ntau caum txheeb tus neeg Palestinians tau rov qab mus rau sab qaum teb ntawm Gaza thiab lub nroog Gaza city tom qab Israel pom zoo thim nws tej tub rog tawm ntawm cheeb tsam no.
Tsoom fwv teb chaws Australia lub tuam chav tswj kev kawm tau coj ib co xov xwm tshiab qhia txog cov hauj lwm childcare subsidy ua ntej yuav muaj cov kev nrhiav suab xaiv tsa rau lub caij uas yuav muaj neeg kub siab txog tej nuj nqes siv ua lub neej, ces pom tau tias yuav muaj peev xwm pab tej cuab yig txuag tau nyiaj tshaj li $2,700 txij li tsaib no uas tau coj los siv.
Tej neeg uas ciaj dim los ntawm lub yeej Auschwitz tau ceeb toom txog cov kev phom sij yuav muaj tau ntawm tej tswv yim ntxub tsis nyiam neeg Jews ntau tuaj ntxiv rau xyoo 80 uas nco txog Soviet tej tub rog uas tau daws tso lub yeej no. Thiab tau muaj 50 tus neeg tseem ua neej nyob tau hais lus qhia txog tej xwm txheej Holocaust uas tej neeg Jews raug tua tuag ntau millions tus no.
Vientiane Times tau qhia tias tau muaj Suav tuam tshoj 2 lub tuam txhab tuaj aws ib cov av txog li 270,000 hectares ntawm ib lub xeev twg ntawm ob lub xeev Oudomxay thiab Savanhnakhet yuav siv coj los cog qoob loo luam yeeb, kab tsib thiab txiv tsawb.
Bangkok Post qhia tias Thaib lub tsev kawm Chulaongkorn University tau koom tes thiab pab Cambodia lub tuam chav tswj kev kawm kom muaj peev xwm siv tau cov txuj AI technology pab lawv cov kev kawm thiab tsim nyog yog ib co txuj uas zej tsoom kawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum
los yog lwm cov podcast platforms (, , thiab ).
