Xov xwm luv tshaj tawm hnub zwj Teeb (Thursday news 30.01.2025):
New South Wales tus coj tau txiav txim siab tsis qhia tej xov xwm tau los ntawm nom tswv cov kev tshuaj ntsuam cov xwm txheej ntxub ntxaug tsis nyiaj neeg Jews vim tsis xav kom tej neeg cuam tsuam paub tias tsoom fwv tseem sam sim tshuaj ntsuam lawv, tom qab uas tau muaj ib tug neeg zejzog txheeb pom ib cov foob pob thiab ib cov lus tawm tsam neeg Jews ntawm ib lub Caravan ntawm Sydney qaum teb hnub poob.
Serbia tus thawj pwm tsav Milos Vucevic tau ua ib siab tawm tsis ua nws tus nom tom qab tau muaj cov kev rwg npoj tawm tsam thoob teb chaws tau ntau hli tsis txaus siab rau tej xwm txheej lub roov tsev ntawm ib lub chaw nres tsheb ciav hlau vau ua rau muaj neeg tas sim neej 15 leeg rau lub 11 hlis ntuj tsaib no.
Tsoom fwv Queensland tau txwv tsis pub lub xeev no tej chaw kho mob siv cov puberty blockers thiab tej hormone therapies rau tej hluas uas xav hloov lawv cov gender. Txhais tau tias tam sim no tej neeg hnoob nyoog 18 xyoos yuav tsis muaj peev xwm siv tau cov hormone therapies ntawm tej gender clinics ntxiv coj los pab kom lawv muaj peev xwm hloov ntawm poj niam ua txiv neej los yog txiv neej ua poj niam ntxiv.
Meskas tus president Donald Trump lub tuam chav Office of Management and Budget tau thim tsis cheem cov kev siv tsoom fwv tej nyiaj grants tom qab tau ob hnub uas tau muaj ib tug kws lij choj tau cheem thiab tau ua rau muaj kev yoog rau thiab muaj plaub ntug thoob teb chaws Meskas.
Tseem muaj cov kev sib tua muaj ceem heev sab hnub tuaj ntawm teb chaws Democratic Republic of Congo ntawm tej tub rog tawm tsam tsoom fwv thiab lub teb chaws no tej tub rog ntawm lub nroog Goma. Pab neeg tawm tsam hu ua M23 cav tias lawv tswj tau lub nroog no tab sis nom tswv hais tias tsis yog li hais ntawd.
Tau muaj ntau caum txheeb tua neeg Palestinians tau pib rov qab mus rau ob thaj chaw Gaza city thiab sab qaum teb Gaza rau lub caij uas Israel pom zoo thim nws tub rog ntawm cheeb tsam no.
Australia tus thawj pwm tsav Anthony Albanese tau cog lus tias yuav tshwm nyiaj $6.4 million los tsim lub chaw National Holocaust Education Centre ntawm Canberra coj los qhia zej tsoom kom paub txog tej xwm txheej neeg raug tua tuag coob tshaj 1 million tus ntawm Nazi lub yeej Auschwits-Birkenau uas feem ntau yog neeg Jews rau lub caij uas pheej muaj tej xwm txheej tawm tsam ntxub ntxaug neeg Jews tej zejzog ntau tuaj ntxiv.
NASA tau qhia txog ib cov kev teeb txheeb txog tej pob zeb uas poob saum ntuj los rau ntiaj teb tias seb puas yog tej uas ua rau muaj tej txuab zeej txuab sim muaj sia. Cov kev teeb txheeb no tau mus txheeb tej plua tshauv thiab tej pob zeb uas lub hnub qub cuav Osiris-Rex nqa ntawm lub pob zeb ze ntiaj teb hu ua Bennu los.
Nplog phau ntawv xov xwm Vientiane Times tau tshaj tawm tias nom tswv Russia tau pab nyiaj tshaj $12 million los pab kho lub tsev kho mob coj los pab lub teb chaws no cov hauj lwm noj qab haus huv uas yuav cia UN thiab Nplog lub tuam chav tswj dej num noj qab haus huv ua tus tswj.
Cob tsib tau tsim tau ib tsab cai coj los txhawb nqa kom zej zog pej kum haiv nqes peev rau cov technology (AI technology, semiconductors) uas yuav pab kom teb chaws Nyab Laj yog ib lub muaj peev xwm rau tej hauj lwm no rau cheeb tsam Southeast Asia raws li Cob Tsib phau ntawv xov xwm Tuoitre tshaj tawm.
Tej neeg Suav uas mus ncig teb chaws Thaib kuj txhawj thiab ntshai tsam raug neeg phem txhom tom qab tau muaj ib tug neeg Suav ua yeeb yam raug neeg Phem txhom ntawm teb chaws Thaib uas nom tswv tau pab tso tau lawm. Ua ke no los nom tswv Thaib kuj tau ceeb toom kom tej neeg ceev faj txog 20 tawm lub websites uas tej neeg phem tsim coj los ntxias dag kom tau tej neeg tej xov xwm ntiag tug raws li Bangkok Post tau qhia.
Yannik Sinner kuj zoo siab heev tom qab nws yog thawj tug txiv neej uas muaj peev xwm rov qab yeej thiab los pov puag nws cov kev sib tw Australian Open final txij li xyoo 2009 uas Rafael Nadal thiab Roland Garros tau yeej los.
Australia los kuj tau pib cov kev sib tw cricket hu ua 2025 Test nrog teb chaws Sri Lanka limtiam no ntawm Galle lawm.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
