Xov xwm luv tshaj tawm hnub zwj Quag (Tuesday news 05.11.2024):
Grant Ngulmiya Nundhirribala uas yog ib tug neeg nqua yas suab nto npe ntawm Arnhem Land raug xaiv los ua tus neeg tau txais khoom plig Australia of the Year xyoo 2024 ntawm xeev Northern Territory.
Tej zaum ze rau qhov uas tej neeg xav caij tsheb ciav hlau khiav ceev ntawm sab hnub tuaj ntawm teb chaws Australia kuj yuav ua tau raws tej hom phij no rau lub caij tau muaj cov kev sim khiav thawj txoj kab tsheb ciav hlau uas khiav ceev ntawm Central Cost txuas rau Newcastle mus rau Sydney. Txij kev tsheb no ces yuav ua txuas ntawm Brisbane rau Sydney, Canberra, Melbourne thiab tej zos ntawm tej chaw no.
David Crisafulli uas yog tus hau xeev Queensland tau txiav txim siab tsis txheeb txog cov hauj lwm Truth telling thiab Healing inquiry tom qab limtiam dhau los tau qhia tias yuav tau ua tej no thiab kom tej neeg tsis txhob txhawj.
Donald Trump thiab Kamala Harris tau mus nrhiav suab hnub kawg ntawm cov xeev tseem ceeb li Pennsylvania thiab Pheladelphia. Ms Harris hais tias 'peb yuav tsis rov qab tswj hwm li qub lawm, yog cov kev pov puag peb lub neej pem suab thiab kev ywj pheej', Trump hais tias 'Peb tswj tau lagluam zoo tshaj plaws, peb tswj tau ciam teb zoo, thiab tsis tsim nyog kuv swb cov kev xaiv tsa xyoo 2020.'
Mike Burgess uas yog ASIO tus coj hais tias muaj 9 co xwm txheej tshwm sim ntawm Australia xyoo 2024 tab sis tsis cuam tshuam txog cov kev kub ntxhov ntawm Middle East, ib cov cuam tshuam txog tej neeg cov kev hlub haiv, tej tswv yim nruj tsiv cuam tshuam txog tej kev ntseeg thiab kev to taub yuam kev uas tsim kev kub ntxhov rau Australia xwb.
Israel tej tub rog nruab ntug tau tua Hezbollah ntau qhov chaw tseem ceeb ze Damascus uas yog ib cov kev tawm tsam tej hauv paus txhim kho tseem ceeb ntawm Syria.
Nom tswv Palestinian uas tswj hauj lwm noj qab haus huv qhia tias tsis muaj tej tsheb thauj neeg mob thiab tej neeg ua hauj lwm emergency txaus siv ntawm sab qaum teb rau lub caij Israel nias tsam hnyav heev.
Mark Rutte uas yog NATO tus coj tau qhia tias nws yeej yuav koom tes nrog Meskas tus President tshiab tsis hais tus twg yuav yeej li kom thiaj tswj tau kev ruaj ntseg.
Tsoom fwv kuj tab tom ua tib zoo los xyuas kom siv tau cov nyiaj paj tshab $600 million los ua cov hauj lwm Defence workforce strategy raws tsoom fwv Albanese cov hauj lwm 2024 Defence Workforce Plan uas tau sim pub $50,000 bonuses rau tej neeg ua hauj lwm tub rog ruaj rau lub sij hawm 3 xyoos ntxiv no. Ua ua rau muaj tub rog ntau tuaj ntxiv txog li ntawm 80 feem pua.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
