Tej nom tswv ntawm teb chaws Nplog tsis kam lees txais Australia cov kev pab nws mus tshuaj ntsuam tej xwm txheej caug methanol cawv uas tau ua rau Australia ob tug ntxhais hluas ntawm Melbourne tas sim neej.
Tub ceev xwm teb chaws Australia tau qhia tias nws yuav pab txheeb seb yog tim li cas Holly Bowles thiab Bianca Jones uas tau tas sim neej nrog 6 tug neeg ntoj ncig txawv teb chaws hos tas sim neej ntawm Vang Vieng tom qab tau hais ib co cawv uas muaj lwm yam tov xyaw rau tsaib no.
Penny Wong uas yog Australia tus nom txawv teb chaws thiaj tau los txhawb nqa sawv cev rau ob tse neeg no.
Richard Marles uas yog Australia tus lwm thawj pwm tsav thiaj hais tias txawm tias nom tswv Nplog tau hais tias nws tsis xav tau kev pab, los Australia yeej npaj txhij yuav pab dab tsi los tau raws li qhov Nplog xav tau.
Mr Marles hais tias ''Kuv xav qhia meej rau Bianca thiab Holly tsev neeg tias peb yeej tseem nrog nom tswv Nplog sab laj thiab yuav muaj kev pab ua ntuv zus thiab yeej qhia tias muaj cov kev pab no rau nom tswv Nplog.''
Pab nom koom tswj (Coalition) hais kom tsim nyog tsub nias Nplog ntau tuaj ntxiv kom kam lees txais Australia cov kev pab cuam mus tshuaj ntsuam tej xwm txheej no.
Nom tswv Nplog los yeej tsis tau teb tias nws kam txais Australia tej tub ceev xwm teb chaws cov kev pab koom tes mus txheeb 6 tus neeg ntoj ncig txawv teb chaws uas tau tas sim neej - uas muaj ob tug yog neeg Australia - tom qab uas tau haus cawv paug cov taug methanol ntawm Vang Vieng.
Jason Clare uas yog Australia tus nom tswj dej num kev kawm thiaj hais tias raws li tsoom fwv xav ces nom tswv Nplog yeej tseem tsis tau tsis lees kiag tias yuav tsis siv Australia cov kev pab cuam, tej zaum lawv tseem tsis tau siv xwb.
Tab sis Sussan Ley uas yog tus lwm coj ntawm lwm pab nom teb chaws tau qhia rau lub chaw nthuav xov xwm tshooj 7 tias Nplog tej lus teb tau ua rau nws chim.
Ms Ley hais tias ''Yog tej yam tsis tsim nyog, thiab xav kom lawv rov qab ua tib zoo xav kom zoo txog tej no. Vim yeej paub tseeb tias tseem muaj tej teeb meem dej caw uas tsis muaj peev xwm tswj tau zoo ntawm lub teb chaws no, thiab yeej cuam tshuam nrog nws tus tsoom fwv ...financial year no ces twb yuav pab nyiaj $53 million rau Nplog thiab ... Peb yeej tab tom pab lawv ntau heev yog li ntawd thiaj xav kom lawv pab peb.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
