Penny Wong uas yog Australia tus nom tswj dej num txawv teb chaws tau hais tias:
''Muaj pov thawj tim khawv qhia tau tias pawg neeg Terrorgram raug cov neeg Australia extremists, white extreme, white supremacists thiab extremists siv, yog li ntawd peb yuav tsum tau tawm tsam. Thiab yuav siv tsoom fwv txhua yam twj los tiv thaiv tej tswv yim extremism no, los tawm tsam nrog lub tswv yim antisemitism thiab tawm tsam nrog txhua yam kev ntxub ntxaug lwm tus.''
Nom tswv Australia hais tias tej neeg muaj feem nrog pawg neeg no txhawb nqa thiab tsim kev ntxub ntxaug thiab tsim teeb meem kub ntxhov rau lwm tsav neeg yuav raug kaw tsev laj cuj txog li ntawm 10 xyoo yog tias muaj feem pab nyiaj thiab cuam tshuam nrog pawg neeg no.
Dr Simon Copland ntawm tsev kawm qib siab Australian National University hais tias Terrogram yog ib feem ntawm cov right wing extremism. Nws hais tias:
''Tau ntau caum xyoo tom qab tim 11 lub 9 hli ntuj uas tej neeg phem tua Meskas ob lub tsev ntxaib, ces tej neeg pheej xav tias cov tswv yim ua phem tua neeg kom zej tsoom ntshai tsuas yog cov Islamic extremism xwb, tab sis pom tias 10 dhau los no tej neeg right wing extremists ntau dua cov Islamic extremism yog cov tsim tej kev phom sij no ntau dua rau Meskas thiab Europe.''
Dr Copland hais ntxiv tias ''Qhov peb paub tseeb tshaj plaws ces pom tias tej txiv neej hluas pheej mloog tau tias teb chaws tsis kub siab txog lawv, lawv tsis muaj muaj txoj kev txaus siab rau lawv lub neej thiab raug cais ntawm tej zejzog raws ntau yam laj thawj, lagluam tsis zoo, tsis tau txais kev ruaj ntseg thiab tsis tau hauj lwm ua, los yog muaj kev pauv hloov rau lub teb chaws thiab tej ib puag ncig. Ces thiaj xav tias lub tswv yim multiculturalism, cov kev tsiv teb tsaws chaw, tej gender txoj cai thiab tej teeb meem ntau yam li tau hais los saum toj no yog tej ua rau muaj kev pauv hloov rau lub teb chaws lawm.''
Nws thiaj hais ntxiv tias peb yuav tau ''ua ob peb yam li hais kom tej social media companies nrog xyuas thiab kub siab tshaj no ntxiv, los tiv thaiv kom tej neeg no tsis txhob mus koom tej koom haum tsim kev kub ntxhov. Thiab yuav tau tsim ib cov kev pab cuam ntau yam pab rau tej hluas, tsim cov kev sib tw, tsim cov pawg ntseeg, tsim cov kev pab kom tej txiv neej tau hauj lwm ua thiab muaj feem koom nrog zejzog, tej no thiaj yuav tsis ua rau lawv raug tej right wing extremists ntxias vim lawv tau mus online tsawg lawm.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
