Cancer noob qes ces yeej raug txheeb tau tias yog ib tug mob raug ntsuam tau ntau tshaj plaws rau txhua txhua ib tug txiv neej neeg Australia ntawm 6 tus twg thaum lawv muaj hnoob nyoog 85 xyoo.
Raws li tau muaj ib cov kev teeb txheeb ntawm Monash Rural Health ntawm Victoria uas tau mus teeb txheeb nrog tej neeg Victoria yuav laug txog 26,000 tus txij xyoo 2009 txog 2022 ces txheeb tau tias tej txiv neej neeg Australia uas coj ntseeg lwm yam kab lis kev cai thiab hais lwm hom lus uas hais lus Askiv ua hom lus ob yog cov pheej raug txheeb tau feem ntau tias twb mob cancer noob qes loj thiab poob rau theem phoj sij lawm yog piv rau lwm cov txiv neej neeg Australia.
Thiaj pom tau tias tej txiv neej no txog li 54 feem pua yog cov uas raug txheeb tau tias tswb tau tus mob no thaum mob loj tuaj lawm.
Mario Raspor uas yog ib tug txiv neej neeg Australia caj ceg neeg Croatian tau hais tias cov kev kho hormone therapy thiab kev ua excercise pab thiab coj tej cwj pwm pab kom tau txais kev noj qab nyob zoo pab kom nws muaj peev xwm tswj tau tus mob no.
Dr Richard Savdie uas yog ib tug urologist hais tias cov kev txheeb tau thaum ntxov yog tej yam tseem ceeb heev.
''Tsuas siv cov kev sim ntshav hu ua Prostate Specific Antigen (PSA) sim ntshav xwb ces paub lawm. Yog txheeb tau thaum ntxov ces muaj cib fim yuav kho tau yooj yim thiab muaj cib fim 100 feem pua yuav ciaj dim ntawm tus mob no rau lub caij 5 xyoos tom qab ntsuam tau lawm. Tab sis yog tias cia twb mob loj lawm mam txheeb tau ces tsuas muaj cib fim ciaj dim txog 32 feem pua xwb,'' raws li Dr Savdie hais.
Dr Eli Ristevski uas yog tus coj cov kev teeb txheeb no thiaj hais tias ''tim cov kev tsis paub lus zoo, cov kev txaj muag thiab raug ntaus nqe yuam kev thiaj ua rau tej txiv neej ntawm tej neeg tsiv teb tsaws chaw tsis tshua mus ntsuam tus mob no.''
Dr Ristevski thiaj hais tias peb yuav tau ua tib zoo los nrog xyuas kom tsim tau tej program qhia kom tej neeg tau txais kev noj qab haus huv thiab kom nrog tau tej neeg zejzog no tam txog tus mob no ua lawv hom lus thiab ntawv thiab siv tau tej kev pab haum raws li lawv tej kab lis kev cai kom thiaj muaj fib fim ciaj dim ntawm tus mob no ntau tuaj ntxiv.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
