SBS Examines: Vim li cas peb thiaj sib teev theev txog tej kev cai Welcome to Country?

The federal government spent almost half a million dollars on Welcomes to Country across two years according to an FOI released earlier this year. Credit: Supplied/AAP Photos

SBS Hmong

View Podcast Series

Get the SBS Audio app

Other ways to listen

Tau muaj neeg tim tsum hnyav heev rau tsoom fwv tej nyiaj siv los ua tej kab lis kev cai Welcome to Country tab sis kuj muaj ib txhia ntseeg tias tau siv tej kab lis kev cai no coj los ua ib co "laj fai kum xeeb kom tau txais txiaj ntsim los sis tswj tau tej kev cai no xwb''.

Mloog tau tej zaj lus thiab lwm yam xov xwm ua lus Hmoob tau ntawm

SBS Hmong | SBS Hmong

Raws li pab nom koom tswj (Liberal thiab National Party) tej xov xwm uas tau raws li cov Freedom of Information Request ces pab nom no tau qhia tias lub sij hawm 2 xyoos tau muaj tsoom fwv tej tuam chav hauj lwm 21 lub tau siv nyiaj yuav laug txog $450,000 los ua cov kev cai Welcome to Country.

Ces Jacinta Nampijinpa Price uas yog tus nom tswj tej dej num neeg pua cev thiab saib xyuas kom tsoom fwv tsis txhob siv nyiaj luam thuam ntawm lwm pab nom teb chaws thiaj tau tim tsim tej kev siv nyiaj no loj heev.

Nws tau qhia rau SBS Examines tias "Tsoom fwv tej tuam chav hauj lwm cov kev siv nyiaj tshaj $500,000 rau cov kev ua tej kab lis kev cai Welcome to Country thiab tej kev cai hlawv nploj nco pa taws tsis yog tej kev siv tej nyiaj sau se raws li qhov tsim nyog siv thaum uas twb tsis tau tej yam tau txais txiaj ntsim rau Australia tej neeg zejzog txum tim uas tsis muaj neeg kub siab txog,''

Tus nom no tau hais tias pab nom koom tswj yeej tau ''qhia meej tseeb ua ntuv zus'' txog lawv cov kev cog lus rau tej kev xaiv tsa tias ''yuav txo kom tsoom fwv tsis txhob nkim nyiaj rau tej hauj lwm tsis tau txiaj ntsim dab tsi,'' thiab ''yeej kub siab yuav npaj ib co tswv yim uas siv tau hauj lwm zoo kom pab kho tau neeg txum tim Australia lub neej kom zoo tshaj qub ntxiv''.

Nws tau hais tias "Yog tham txog qhov tias tsoom fwv tej kev siv nyiaj no tab tom ua rau tej nyiaj poob nqe thiab ua rau muaj tej nuj nqe siv ua lub neej ntau yam kim tuaj ntxiv no ces, yeej tsim nyog siv neeg Australia tej nyiaj raws li qhov tsim nyog siv tsoom fwv yuav tsum ua tib zoo xyuas kom siv tau tej nyiaj no tau txais ntsiaj ntsim tshaj plaws.''

Nws kuj tau liam tsoom fwv tias tsuas yog ''ib lub tswv yim thiab ib txoj xub ke ua txoj tias zoo li neeg txum tim muaj feem koom thiab tau txais vaj huam sib luag xwb'' thiab ''yog ib tej yam ua rau tsoom fwv tsis qab siab los ua tej hauj lwm tiag xwb.''

Malarndirri McCarthy uas yog tsoom fwv tus nom tswj dej num neeg txum tim Australia thiaj tsis pom zoo rau tus nom kis xeev siab Price no tej lus, thiab nws tau hais tias:

''Lub caij uas tsoom fwv Albanese tau kub siab tsi ntsees los daws tej teeb meem ua rau tseem muaj txoj kev sib tu ncua rau txoj kev ua lub neej ntawm Australia tej neeg txum tim thiab tej neeg uas tsis yog neeg txum tim thiab pab kom neeg txum tim tau hauj lwm ua thiab khwv tau nyiaj no, lwm pab nom teb chaws tsuas kub siab txog cov kev tawm tsam txog kab lis kev cai Welcome to Country xwb,''

"Yog tias Peter Dutton thiab pab nom koom tswj (Coalition) pheej xav tias tej kev tawm tsam txog tej kab lis kev cai no yuav pab them tau pab nom Liberal tej nuj nqe, ces yog tej yam uas lawv tsis paub dab tsi li.''

Kev cai 'Welcome to Country' yog dab tsi

Zeskais (Professor) Marcia Langton uas yog ib tug neeg txawj txeeg txuj thiab kuj yog ib tug neeg sau ntawv ntseg tias cov kev sib tham txog tej kab lis kev cai Welcome to Country tsuas yog ib cov kev txhawb nqa ''tej kev sib tawm tsam tsis zoo txog tej kab lis kev cai xwb.''

Nws tau hais tias ''Kuv kuj tsis totaub tias vim li cas thiaj coj tej xwm txheej no coj los cej luam tam li yog ib co lus paj lus cua....Vim yog tej yam qhia tau ntau tshaj lub tswv yim faib cais tsis nyiam ib tsav neeg twg ntawm tej xwm txheej no. Ua li cas tej neeg Australia ho mus koom tau tej koom txoos hnub nco qub tub rog (ANZAC Day ceremonies) tab sis ho tsis xav kom tej neeg mus koom tej koom txoos kab lis kev cai Welcome to Country ceremonies mas,''

"Qhia qhov tseeb lawm ces, kuv pom tias tej lus paj lus cua tsis tseem ceeb dab tsi ntawm tej xov xwm uas tau raws li cov Freedom of Information no...ces tsuas yog ib cov kev txhob txwm coj los qhov txog qhov tsis zoo ntawm cov kev sib tawm tsam txog tej kab lis kev cai xwb.''

Ua ke no los Dr Anthony Dillion uas yog ib tug neeg tawm tswv yim txog neeg txum tim tej hauj lwm los kuj tau hais tias cov kab lis kev cai Welcome to Country no raug coj los siv ''ua ib co laj fai kum xeeb kom ib tog twg tau txais txiaj ntsim xwb.''

Nws tau hais tias "Tsuas yog ib txhia nom xav muab tej no coj los hais ua ib co laj fai kum xeeb kom neeg kub siab txog xwb...Welcome to Country ces yog tej yam yooj yim ua kom tej neeg dhuav tsis kub siab txog neeg txum tim tej laj fai kum xeeb thiab tej dej num xwb.''

Yog tias toom xov xwm no ua rau koj ntxhov siab, ces xav kom hu rau lub koom haum 13YARN cov kev pab cuam rau tej neeg txum tim Aboriginal and Torres Strait Islander Crisis Hotline raws tus xov tooj 13 92 76 tau.

LISTEN TO