Xov xwm ntawm limtiam tshaj tawm hnub zwj Teeb (Weekly news for Thursday 15.05.2025):
Meskas tus President Donald Trump tau rov qab hais kom Iran sib khom tej hauj lwm nuclear rau lub caij uas nws mus koom noj hmo ntawm teb chaws Qatar.
Russia tus President Vladimir Putin tau qhia tias nws yuav xa ib pab nom tswv uas muaj tus nom sab laj rau president, tej nom theem siab thiab tej nom tswv tub rog mus nrog Vlodymyr Zelenskyy tham hnub tim 15.05.2025 ntawm Turkey thiab qhia tias nws yuav tsis mus koom.
Thawj pwm tsav Anthony Albanese tau qhia tias nws tau xaiv Michelle Rowland los ua Australia tus kws lij choj teb chaws los sis yog tus nom tswj tej dej num cai lij choj thiab kev ncaj ncees lawm.
Thawj pwm tsav Anthony Albanese tau mus xyuas Jakarta thiab mus ntsib Indonesia tus President Prabowo Subianto ua ntej yuav mus koom lub koom txoos lees txais txiv plig Pope Leo XIV.
Kuj muaj senator Sarah Hanson - Young ntawm South Australia thiab Marheen Faruqi ntawm NSW yuav sib tw ua tus coj pab nom Greens tshiab tab sis kuj pom tias Senator Larissa Waters raug xaiv los ua tus coj tshiab rau pab nom no lawm.
Gaza tej nom tswv tswj dej num noj qab haus huv hais tias Israel tau siv dav hlau mus tua thoob Gaza suav ob thaj chaw Jabalia thiab Khan Younis tau ua rau muaj neeg tuag txog li 80 leej. Thiaj ua rau Tom Fletcher uas yog UN tus coj uas pab tej neeg txom nyem tau tib Israel tej tswv yim no cov kev yuav cia tej tuam txhab ntiav ua cov xa khoom mus pab tej neeg ntawm Gaza.
Tej kws teeb txheeb hais tias cov kev hwm neeg txum tim tej txuj ci ntau yam thiab tsis txhob siv cov kev kho mob tiam tshiab yog ib co tswv yim yuav pab kom tau txais kev noj qab nyob zoo rau yav tom ntej. Kim O'Donnell uas yog ib tug neeg teeb txheeb ntawm tsev kawm University of Aldelaide hais tias tej tswv yim kho mob tam sim no tsuas yog kho ib yam twg xwb tsis yog yuav kho tag nrho ib tug tib neeg.
Twb yuav txog cov kev sib tw nqua yas suab (nkauj) Eurovision Song Contest 2025 zaum kawg thaum tau muaj 10 lub teb chaws tau sib tw semi-finial thiab yuav mus koom sib tw nrog 6 lub ntxiv rau cov kev sib tw kawg hnub zwj Kuab (16.05.2025).
Cob Tsib tus thawj pwm tsav Pham Minh Chinh hais tias yuav los tswj kom tsis txhob muaj tej neeg siv lwm tus tej tswv yim los tsim khoom cuav muag cov kev pheej cia Suav tej nkoj thauj khoom rau Cob Tsib xa muag tawm rau lub caij tseem yuav sib khom nrog Meskas kom tsis txhob raug tsub se xa khoom muag rau Meskas kim vim Meskas yeej tsis tshua txaus siab tej xwm txheej yuav tej intelectual property.
Veintiane Times tau tshaj tawm tias Nplog lub tuam chav Ministry of Energy and Mines, lub koom haum Green Global Growth Institute uas tau txais kev pab ntawm Australia lub embassy ntawm Nplog los xyuas kom nplog muaj peev xwm los daws tau tej xwm txheej huab cua pauv hloov thiab ua tau raws li cov kev pom zoo Paris Agreement.
Asian Development Bank (ADB) tau pab nyiaj USD$ 25 million rau Nplog los tsim ib co system coj los tswj Nplog cov kev sau se thiab pab khom tau nyiaj rau Nplog.
The Laotian Times tshaj tawm tias tau muaj 6 tus neeg Nplog tau noj nceb qus tuag ntawm xeev Xayaboury lawm thiaj ceeb toom kom zej tsoom Nplog yuav tsum tau ceev faj.
Bangkok Post tau tshaj tawm tias nom tswv Thaib tseem tab tom npaj ib co ntaub ntawv sib khom lagluam nrog Meskas kom seb puas tsis txhob raug tsub se kim rau nws tej khoom xa muag rau Meskas, uas Thaib pom zoo yuav ib co khoom ntawm Meskas li tej pretrochemical products, tej dav hlau, txiv xyoob txiv ntoo thiab tej khoom pub tsiaj. Ua ke no los Thaib tseem yuav koom tes nrog Meskas los tsim tej lagluam tsim khoom, thiab digital technology li AI thiab data storage centre.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm , , , los yog . Download thiab mloog , caum Pod follw los yog lwm cov podcasts platforms (, ).
