Tau muaj tej neeg Israeli thiab tej neeg Palestinians ntawm teb chaws Israel uas tawm
tsam kom tsim kev thaj yeeb thiab tau txais vaj huam sib luaj tau muaj cov kev nqua hu kom xau tsov rog ruaj kiag ntawm Israel thiab Hamas ntawm Gaza, thiab tso tej neeg Israel uas raug txhom.
Tej hluas uas yog tej coj daws teeb meem huab cua pauv hloov ntawm cheeb tsam Pacific hais tias cov kev muaj kev sawv cev ntawm UN lub rooj sab laj txog huab cua xyoo no yog ib lub cib fim tseem ceeb rau Australia yuav los ua ntiaj teb tus coj los daws tej hauj lwm no rau lub caij nws tseem yuav npaj koom nrog ntau haiv neeg ntawm Pacific sib tw nrog Turkey seb puas tau ua tus tswv cuab tswj lbu rooj sab laj txuas ntxiv.
Rex uas yog Australia lub tuam txhab ya dav hlau rau tej zos toj siab thiab tje nroog tau nyiaj $80 million ntawm tsoom fwv teb chaws kom nws muaj peev xwm tsim tau tej fij dav hlau mus rau tej chaw yaj sab tom qab raug muab tso rau lwm tus tswj vim ua tsis tau lagluam lub 7 hli ntuj dhau los.
Tub ceev xwm Victoria tseem tab tom tshuaj ntsuam tias ib tug lees kais hu ua Eleanor Bryant uas muaj tsab peev xwm uas cawm tau ntau tus me nyuam yaus txoj sia uas tas sim neej thaum muaj ib lub tsheb truck mus rau north-west Macedon Ranges lub preschool ntawm Melbourne yog li cas tiag.
Ntiaj teb lub koom haum tshuaj ntsuam huab cuab (World Meteorological Organisation) tau ceeb toom txog tej kev phom sij loj ntawm tej xwm txheej huab cua pauv hloov rau lub caij ntiaj teb kub sov tuaj ntxiv txog 1.5 degrees Celsius xyoo 2024 raws li nws tsab ntawv cej luam tshiab qhia.
Tej neeg tua hluav taws uas tau mus tua tiaj nyom kub hnyiab ntawm Sydney Airport limtiam dhau los tau qhia tias pom muaj ib tug hlau ntawm txoj kev ya dav hlau ze Qantas fij dav hlau QF520 uas muaj ib lub dav hlau Boeing 737-800 lub tshuab sab xis tsis ua hauj lwm.
Donald Trump cov kev yeej kev xaiv tsa tau ua rau tus nqe Bitcoin ces siab tuaj ntxiv ntawm yuav laug txog $85,000 mus ua tshaj $129,000 Australian dollars vim tej neeg nqes peev cia siab tias tus tsoom fwv Trump yuav tso tseg tej cai tswj cov virtual currency nruj.
Donald Trump uas yog Meskas tus neeg uas sib tw yeej President xyoo 2024 tau los qhia txog nws cov kev teeb tsa ntau tus neeg tseem ceeb ua ntej nws yuav ua hauj lwm ntawm tsev dawb lub ib hlis ntuj (2025). Nws tau teeb tsa Tom Homan ua tus nom tswj dej num tsiv teb tsaws chaw uas yuav los tswj cov ciam teb. Teeb tsa Elis Stefanik uas Meskas tus nom ntawm UN thiab teeb tsa Stephen Miller ua tus deputy chief of staff for policy.
Vientiane Times tshaj tawm tias Suav tuam tshoj tau nqe peev nyiaj tshaj USD 19 billion rau tej lagluam yuav laug txog 1000 cov projects.
The Laotian Times tshaj tawm tias tsoom fwv Western Australia tau lees paub tias muaj 3 lub teej kawm qhia tau ntawv zoo hauv Nplog teb.
Thaib tus coj uas tswj cov dej num tiv thaiv teb chaws hais tias Thaib tus qub thawj pwm tsav Thaksin Sinawatra tsis muaj feem cuam tshuam txog cov kev sib khom nrog Cambodia tus qub thawj pwm tsav Hun Sen dhau los txog Thaib thiab Cambodia cov kev tsis sib haum xeeb rau cov kev aw pov txwv Khut thiab tej ciam dej ntawm Gulf of Thailand.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
